Abad (Ağdaş)

Bu adın digər istifadə formaları üçün bax: Abad.

Abad — Azərbaycan Respublikasının Ağdaş rayonunun Abad kənd inzibati ərazi dairəsində kənd.[1] Əhalisinin sayı 1765 nəfərdir (2008).[2]

Abad
40°28′10″ şm. e. 47°20′03″ ş. u.HGYO
Ölkə
Tarixi və coğrafiyası
Əsası qoyulub 1809
Mərkəzin hündürlüyü 9 m
Saat qurşağı
Əhalisi
Əhalisi
  • 1.720 nəf. (1999)
Rəqəmsal identifikatorlar
Poçt indeksi AZ0311
Xəritəni göstər/gizlə
Abad xəritədə
Abad
Abad

Etimologiyası

[redaktə | mənbəni redaktə et]

1809-cu ildə Avat, 1917-ci ildə Avad şəklində qeydə alınmışdır. Yerli sakinlərin dilində Avat kimi tələffüz olunur və "təmiz və bol məhsul verən yer" mənasında izah edilir. Mənbələrin verdiyi məlumata görə, avat qırğız tayfalarından birinin adıdır. Tümen vilayətində Abat, Gürcüstanda Abatxevi, Qazaxıstanda Avat, Qafqazda Avat dağ və kənd adları Abad (Ağdaş) oykoniminin avat etnonimi ilə bağlı olduğunu söyləməyə əsas verir. Türklərin Qərb yürüşlərində iştirak edən avatların XI–XIII əsrlərdə Səlcuq oğuzlarının tərkibində Azərbaycana gəlmələri ehtimal olunur.[3]

Tarixi

[redaktə | mənbəni redaktə et]

Kəndin əsası 1809-cu ildə qoyulub. 1913-cü ildə Yelizavetpol quberniyasının inzibati-ərazi bölgüsünə əsasən kənd Ərəş qəzasının Avad kənd cəmiyyətinə tabe idi.[4] 1926-cı ildə Azərbaycan SSR-in inzibati-ərazi bölgüsünə əsasən kənd Göyçay qəzasının Ləki dairəsinə aid edilirdi. 1929-cu ildə inzibati bölgü və qəzalar ləğv edildikdən sonra Azərbaycan SSR-in Ağdaş rayonunda Qaradeyin kənd şurası yaradılmışdır. 1961 və 1977-ci illərin İnzibati bölgüsünə əsasən Abad kəndi Azərbaycan SSR Ağdaş rayonunun Qaradeyin kənd sovetinə daxil idi[5]. 1980-ci illərin ortalarında Abad kəndinin özünün artıq kənd soveti var idi. 1999-cu ildə Azərbaycanda inzibati islahat aparılmış və bu kəndin də daxil olduğu Ağdaş rayonunun Abad bələdiyyəsi təsis edilmişdir.

Coğrafiyası

[redaktə | mənbəni redaktə et]

Abad kəndi Kür çayının sol sahilində yerləşir. Kənd Ağdaş rayon mərkəzindən 35 km, Bakıdan 277 km məsafədə yerləşir. Ən yaxın dəmir yolu stansiyası Ləki stansiyasıdır.

Kənd dəniz səviyyəsindən 9 metr yüksəklikdə yerləşir.

Əhalisi

[redaktə | mənbəni redaktə et]

1886-cı ildə kənddə 815 nəfər yaşayırdı, hamısı azərbaycanlı idi. 1979-cu ildə əhalisi 1200 nəfər, 1999-cu il üçün 1176 nəfər, 2008-ci il üçün 1765 nəfərdir. Kənd əhalisi əsasən pambıqçılıq və baramaçılıqla məşğuldur.[6].

İqlimi

[redaktə | mənbəni redaktə et]

Kənddə havanın orta illik temperaturu +24,3 C-dir. Kənddə semiarid iqlimi mövcuddur.

İnfrastruktur

[redaktə | mənbəni redaktə et]

Kənddə poçt şöbəsi , Mədəniyyət Evi, orta məktəb yerləşir.[7]

Xarici keçid

[redaktə | mənbəni redaktə et]
Vikianbarda Abad ilə əlaqəli mediafayllar var.

Şəhidləri

[redaktə | mənbəni redaktə et]

Birinci Qarabağ müharibəsində həlak olanlar

İkinci Qarabağ müharibəsində həlak olanlar

İstinadlar

[redaktə | mənbəni redaktə et]
  1. ↑ Azərbaycan Respublikasının Dövlət Statistika Komitəsi. "İnzibati ərazi bölgüsü təsnifatı, 2024" (PDF) (az.). stat.gov.az. 2024-02-28. 2024-03-14 tarixində arxivləşdirilib (PDF). İstifadə tarixi: 2024-04-05.
  2. ↑ Azərbaycan Milli Ensiklopediyası (25 cilddə). 1-ci cild: A – Argelander (25 000 nüs.). Bakı: "Azərbaycan Milli Ensiklopediyası" Elmi Mərkəzi. 2009. səh. 6. ISBN 978-9952-441-02-4.
  3. ↑ Azərbaycan toponimlərinin ensklopedik lüğəti. 2 cilddə. Bakı-2007. I cild, səh. 6.
  4. ↑ "Волостныя, станичныя, сельскія, гминныя правленія и управленія, а также полицейскіе станы всей Россіи съ обозначеніем мѣста ихъ нахожденія". 2017-06-16 tarixində arxivləşdirilib. İstifadə tarixi: 2019-06-12.
  5. ↑ "Административное деление Азербайджанской ССР на 1 января 1977 года" (PDF). 2018-11-27 tarixində orijinalından (PDF) arxivləşdirilib. İstifadə tarixi: 2019-06-12.
  6. ↑ Əhalinin zəngin təcrübəsi Ağdaşda pambıqçılıq və baramaçılığın dirçəldilməsinə zəmin yaradır
  7. ↑ "Məktəblər". 2022-06-14 tarixində arxivləşdirilib. İstifadə tarixi: 2019-06-12.