Mənbələrdə əs sözü “xeyirxah”, əssiz kəlməsi isə “xəsis” kimi açıqlanıb. Əsirgə “qıymamaq” kimi şərh olunub. -irgə adlardan feil düzəldir (yad-ırğa-maq). Əsirgə də bu qəlib üzrə əmələ gəlib və “əs” in olmamağı (xeyirxahlığın olmamağı) mənasını əks etdirir. İndi söz qıymamaq, xəsislik etmək mənalarında işlədilir. Tatar dilində az sözündən az-sı-maq feili əmələ gəlib onlarda az-sı-n-ır-qa (az hesab et) sözü də var. Əsirgə feili azsınırqa kəlməsinin dəyişmiş forması da ola bilər. (Bəşir Əhmədov. Etimologiya lüğəti)