|| ДАИМА □ || ДАИМАН □, араб, нар. 1) вахтунин ара датӀана.. Дагълар даим арандинни дагъдин рекьера жезвай. Лезги халкьдин махар. Яр, вуна даим рикӀиз гьижран гумир... Е. Э. Ваз зи гьалдикай хабар авачни. Даим хъваз на и къарасу, Гьич ви рикӀел къведач хьи зу. С. С. Самовар. Хуьрек кӀанда даим ширин... С. С. Фекьияр. Даим хъуьредай абурун гьекь алай чин. НикӀин къерехра къугъвадай аялар А. Ф. КьатӀ-кьатӀ авур зунжурар. Даим вилик жергедава гьар са кӀвалахдиз Ахцегьар. X. Т. Ахцегьар. Игит куьче, и дуьньядин бахтуниз Ва гъамуниз даим шерик хьана вун... А. С. Лезги куьче. Адалатдихъ, гуьзелвилихъ вил галаз даим, Шумуд шаир рикӀ къарсурдай чӀал амаз фена. Ш. Къ. Гьа, фена хьи. Етим Эмин, Сулейман Даим ава рикӀера. Мегь. А. АквадатӀа вилериз. Ява паб хьиз арадаллай, Даима вил чарадаллай, Им вуч яргъи «яхул даллай» АкьалтӀ тийир мах я, Къафкъаз? С. С. Къафкъаз. Даиман чӀугваз агъузар, Гьадакай вич хьана бизар! С. С. Ише тефир жуван гафар. Чапдай акъатай макъала - им керекул туш, ам даима амукьда, ам я куз, я кукӀвариз жедач. А. А. Пад хьайи рагъ. Сефил я тар, уьмуьрлух ялвариз, Кьуна даим умудсуз хиялри. А. Къ. ЦӀвелин тар. 2) ( чӀехи гьарфуналди - Д ) эркекдин хас тӀвар: Даим. Синонимар: гьамиша, ара датӀана. Антоним: садрани.