AVADANLIQ (ev şeyləri, ev əşyaları) Əldə edilən qab-qacağı, yorğan-döşəyi, cecimi, kilimçəni, ümumən bütün balıqçı paltar-palazını, bütün bu ev-eşik deyilənin avadanlığını burdaca töküb uzaqlaşmaq, öz məliklərinin həyatlarını xilas etmək Minabəyim üçün ümdə şərtdən idi (S.Rəhimov); ABADANLIQ Ancaq mənə verilən üç otağın nə bir stol-kürsüsü vardı ki, üstündə oturub yazı yazasan, nə də bir qeyri abadanlıq vardı (C.Məmmədquluzadə); BARXANA (köhn.) Hər kos öz barxanasını alıb, bir kənara çəkilir (Mir Cəlal); DİR-DİRRİK Belə ki, [Tükəzbanın] ərinin ölməyi onun dir-dirriyinə böyük zərbə vurmamışdır (B.Talıblı); ƏŞYA Evin əşyasını siyahıya almağa başlarkən mizin üstündəki qalın cildli kitab arasından bir məktub tapdım (M.Hüseyn); MÜXƏLLƏFAT Şöbənin var-yoxunu, evinin müxəlləfatının hamısını satıb xərc etdilər, heç bir əlac olmadı (Ə.Haqverdiyev).
