Babinski simptomu
Babinski simptomu və ya Plantar refleks — təhrif olunmuş ayaqaltı refleksdir. Piramid fəaliyyətinin pozulması zamanı meydana çıxır. Bu refleksi yaratmaq üçün pəncəaltının lateral hissəsini cızmaqla qıcıqlandırmaq lazımdır. Bu zaman baş barmaq açılır, o biri barmaqlar yelpikvari vəziyyət alır.
Brudzinski simptomu
Brudzinski simptomu — Meningitlər zamanı qeydə alınan əsas nevroloji simptomlardan hesab edilir.
► Brudzinski (yuxarı) simptomu – arxası üstə uzanmış xəstədə
həkim ənsə əzələlərinin rigidliyini yoxladıqda, passiv olaraq başı
önə əyir, bu zaman ətraflar diz və bud-çanaq oynağında bükülür.
► Brudzinski (orta) simptomu – qasıq nahiyəsinə təzyiq göstərdikdə
reflektor olaraq ətraflar diz və bud-çanaq oynağında bükülür.
► Brudzinski (aşağı) simptomu – Kerniq simptomunda olduğu kimi
bükülmüş ətrafı diz oynağında açırlar. Bu zaman digər ətraf diz
oynağında bükülür.
Kerniq simptomu
Kerniq simptomu — xəstə arxası üstə uzanmış vəziyyətdə həkim düz bucaq altında bud-çanaq və diz oynaqlarında ayağı bükür və sonra diz oynağında açır. Baş beyin və onurğa beyni qişalarının qıcıqlanması zamanı diz oynağında ətrafın açılması əzələlərin tonik gərginləşməsinə görə çətinləşir, bəzən ağrı olur. Meningitlər zamanı qeydə alınan əsas nevroloji simptomlardan hesab olunur.
Rossolimo simptomu
Rossolimo simptomu- bu simptomu almaq üçün pəncənin II və V barmaqlarının altına çəkiclə vurulur. Bu zaman cavab olaraq həmin barmaqlar bükülür. Piramid yolun zədələnməsi zamanı müşahidə olunur.
Kəpənək simptomu
Kəpənək simptomu (ing. Malar rash) – SLE-də kəskin fotohəssas dəri zədələnməsinin variantı olub, sistem xəstəliyin aktivliyini göstərir, burun və yanaqlarda eritema (burun-dodaq büküşlərini zədələmir) dəridən qalxan papula və ya pilək, çapıqsız sağalır. Sifətin qızarmasının digər səbəblərinini (rozasea, seboreya, kontakt, atopik, aktinik dermatiti) istisna etmək lazımdır.
