KÖKƏLMƏK [Firəngiz:] Yamanca kökəlirsən, Muxtar.. (B.Bayramov); ƏTƏ-CANA GƏLMƏK Qayıdıb gələndə qız həm ətə-cana gəlmişdi, həm də o qədər utancaq olmuşdu ki, söz deyəndə qızarırdı (Ə.Vəliyev); ƏTLƏNMƏK Qız arada o biri otağa keçib özünə də baxdı. Ətlənmiş çiynini, qabarıq sinəsini görəndə təəccüb etdi (İ.Şıxlı); ƏMƏLƏ GƏLMƏK Badam: Nə danışırsan, a kişi, infarkt keçirməmisən?! Sənin əmələ gəlməyin üçün men bacardığımı eləyirəm ki, gümrahlaşasan (H.Abbaszadə); GÖBƏK BAĞLAMAQ (fr.v.) Yağ salıb, bağlayıb cümlə göbək (S.Ə.Şirvani); ŞİŞMƏK (məc.) (çox kökəlmək) Xacə Firuz: Amma bunlar yeyib şişirlər (Ə.Haqverdiyev); YAĞLANMAQ (məc., dan.) ..bir cüt erkək o qədər yağlanmışdı ki, quyruqlarını çəkib apara bilmirdi (Ə.Vəliyev).