İrşad Əliyev

Bu məqalədəki məlumatların yoxlanıla bilməsi üçün əlavə mənbələrə ehtiyac var. Lütfən, məqaləyə etibarlı mənbələr əlavə edərək onu təkmilləşdirməyə kömək edin. Mənbəsiz məzmun problemlər yarada və silinə bilər. Problemlər həll edilməmiş şablonu məqalədən çıxarmayın. Daha ətraflı məlumat və ya məqalədəki problemlərlə bağlı müzakirə aparmaq üçün məqalənin müzakirə səhifəsinə diqqət yetirə bilərsiniz.

İrşad Nadir oğlu Əliyev (30 iyun 1944, Gürzalılar, Qasım İsmayılov rayonu) — Azərbaycan Respublikasının kənd təsərrüfatı naziri, Kürdəmir Rayon İcra Hakimiyyətinin başçısı (2012–2014), Beyləqan Rayon İcra Hakimiyyətinin başçısı (1991-1992), Azərbaycan Kommunist Partiyası Goranboy Rayon Partiya Komitəsinin birinci katibi (1991), Azərbaycan Kommunist Partiyası Ucar Rayon Partiya Komitəsinin birinci katibi (1985-1991), Azərbaycan Kommunist Partiyası Balakən Rayon Partiya Komitəsinin birinci katibi (1983-1985).

İrşad Əliyev
Kürdəmir Rayon İcra Hakimiyyətinin başçısı
10 aprel 2012 – 16 aprel 2014
Əvvəlki	Fəxrəddin Məlikov
Sonrakı	Ceyhun Cəfərov
Beyləqan Rayon İcra Hakimiyyətinin başçısı
29 mart 2005 – 10 aprel 2012
Əvvəlki	Xasay Əhmədov
Sonrakı	Vaqif Abdullayev
Azərbaycan Respublikasının kənd təsərrüfatı naziri
16 oktyabr 1994 – 23 oktyabr 2004
Əvvəlki	Müzamil Abdullayev
Sonrakı	İsmət Abasov
Azərbaycan Respublikasının Qaçqınların və Məcburi Köçkünlərin İşləri üzrə Dövlət Komitəsinin sədri
21 dekabr 1992 – 16 oktyabr 1994
Əvvəlki	Şakir Kərimov
Sonrakı	Gülabbas Qəhrəmanov
Goranboy Rayon İcra Hakimiyyətinin başçısı
1991 – 6 avqust 1992
Əvvəlki	Vəzifə təsis edildi.
Sonrakı	Maşallah Abdullayev
Azərbaycan Kommunist Partiyası Goranboy Rayon Partiya Komitəsinin birinci katibi
1991 – 1991
Azərbaycan Kommunist Partiyası Ucar Rayon Partiya Komitəsinin birinci katibi
1985 – 1991
Azərbaycan Kommunist Partiyası Balakən Rayon Partiya Komitəsinin birinci katibi
1983 – 1985
Əvvəlki	Əjdər Əsədov
Sonrakı	Bəxtiyar İslamov
Şəxsi məlumatlar
Doğum tarixi	30 iyun 1944(1944-06-30) (80 yaş)
Doğum yeri	Gürzalılar, Qasım İsmayılov rayonu, Azərbaycan SSR, SSRİ
Partiya	Yeni Azərbaycan Partiyası, Sovet İttifaqı Kommunist Partiyası
Təhsili	Azərbaycan Dövlət Aqrar Universiteti, Bakı Ali Partiya Məktəbi

İrşad Əliyev 1944-cü il iyunun 30-da Goranboy rayonu Gürzalılar kəndində anadan olmuşdur. 1970-ci ildə Azərbaycan Kənd Təsərrüfatı İnstitutunu, 1974-cü ildə Bakı Ali Partiya Məktəbini fərqlənmə diplomu ilə bitirmişdir.

Əmək fəaliyyətinə 1961-ci ildə başlamışdır. 1961–1966-cı illərdə bir çox müxtəlif siravi vəzifələrdə çalışmışdır. 1966–1970-ci illərdə rayon kənd texniki təminat birliyində çilingər, "Oraq-Çəkic" kolxozunda mexanik işləmişdir.

Ailəlidir, üç övladı var.

Bəxtiyar İslamov 1970–1972-ci illərdə Azərbaycan LKGİ Şaumyan rayon komitəsində ikinci katib, 1974–1980-ci illərdə Şaumyan rayon partiya komitəsində təlimatçı, 1980–1982-ci illərdə rayon partiya komitəsində ikinci katib, 1982–1983-cü illərdə Azərbaycan KP MK-də inspektor, 1983–1985-ci illərdə Azərbaycan Kommunist Partiyasının Balakən rayon komitəsinin birinci katibi, 1985–1991-ci illərdə Azərbaycan Kommunist Partiyasının Ucar rayon komitəsinin birinci katibi, 1991–1992-ci illərdə Azərbaycan Kommunist Partiyasının Goranboy rayon komitəsinin birinci katibi, sonra isə Goranboy rayon İcra hakimiyyətinin başçısı, 1992-ci ildə Azərbaycan Respublikası Prezidentinin Administrasiyasının Ərazi idarəetmə orqanları ilə iş şöbəsində məsləhətçi, 1992–1994-cü illərdə Azərbaycan Respublikasının Daimi yaşayış yerlərini məcburi tərk etmişlərlə iş üzrə Dövlət Komitəsinin sədri, 1994–2004-cü illərdə Azərbaycan Respublikasının Kənd Təsərrüfatı naziri, 2005–2012-ci illərdə Beyləqan Rayon İcra Hakimiyyətinin başçısı, 2012–2014-cü illərdə isə Kürdəmir Rayon İcra Hakimiyyətinin başçısı vəzifələrində çalışmışdır.

XI–XII çağrış Azərbaycan SSR Ali Sovetinin deputatı olub.

Yeni Azərbaycan Partiyasının üzvüdür.