Mahmud ağa Qənizadə

Mahmud ağa Qənizadə (iyun 1879 və ya 1878, Salmas, Qərbi Azərbaycan ostanı – 19 fevral 1935 və ya 1934, Təbriz) — Azərbaycan jurnalisti, naşir, tarixçi, inqilab xadimi.

Mahmud ağa Qənizadə
Doğum tarixi	1878
Doğum yeri	Salmas, Cənubi Azərbaycan
Vəfat tarixi	1934
Vəfat yeri	Təbriz, Cənubi Azərbaycan
Vəfat səbəbi	ağciyər iltihabı
Vətəndaşlığı	İran
Fəaliyyəti	jurnalist, vəkil, şair, esseist, iş adamı, yazıçı

Həyatı[redaktə | mənbəni redaktə et]

Cənubi Azərbaycanın Salmas şəhərində doğulmuş, Təbrizdə vəfat etmişdir.

Dini – dünyəvi təhsilini valideynlərindən, görkəmli üləmalardan və məktəbdarlardan almış, ərəb, ingilis, fars, fransız, türk dillərini müstəqil öyrənmişdir. İran inqilabının (1906–11) iştirakçısı, Səttar xanın şəxsi katibi, Təbriz əncüməninin üzvü, azəri dili və ədəbiyyatının təbliğatçısı idi. 1907-ci ildən jurnalistlik fəaliyyətinə başlamış, ömrünün sonlarınadək bu sahədə çalışmışdır. "Fəryad" (Urmiyə, 1907), "Əncümən" (Təbriz, 1908–09), "Mühakimat" (Avropada, 1909), "Gavə" (Berlin), "Səhənd" (Təbriz, 1925-ci ildən) qəzetlərinin redaktoru, müdiri və naşiri olmuşdur.

Mənbə[redaktə | mənbəni redaktə et]

• Şahverdiyev A. B., Azərbaycan mətbuatı tarixi, "Təhsil" nəşriyyatı, 2006