Polad Bülbüloğlu

Polad Bülbüloğlu (doğum adı: Polad Murtuza oğlu Məmmədov; 4 fevral 1945, Bakı) — Azərbaycan bəstəkarı və müğənnisi, Azərbaycanın sabiq mədəniyyət naziri (1988–2006), Azərbaycanın Rusiyadakı fövqəladə və səlahiyyətli səfiri (2006–h. h.), Azərbaycan SSR xalq artisti (1982), Türkmənistanın xalq artisti (2017),[1] TÜRKSOY-un sədri (1994), Dağıstan Respublikasının əməkdar incəsənət xadimi.[2]

Polad Bülbüloğlu
bayraq
Azərbaycan Respublikasının Rusiya Federasiyasında fövqəladə və səlahiyyətli səfiri
bayraq2
Vəzifədədir
30 yanvar 2006-cı ildən
ƏvvəlkiRamiz Rizayev
5 fevral 1991 – 30 yanvar 2006
Əvvəlkivəzifə təsis edilib
SonrakıƏbülfəs Qarayev
26 dekabr 1988 – 5 fevral 1991
ƏvvəlkiZakir Bağırov
Sonrakıvəzifənin adı dəyişdirilib
Şəxsi məlumatlar
Doğum adı Polad Murtuza oğlu Məmmədov
Doğum tarixi 4 fevral 1945(1945-02-04) (79 yaş)
Doğum yeri
Vətəndaşlığı SSRİ SSRİ
Azərbaycan Azərbaycan
Təhsili
Fəaliyyəti bəstəkar, müğənni, aktyor, diplomat
Atası Bülbül
Anası Adelaida Məmmədova
Dini islam
Təltifləri "Heydər Əliyev" ordeni — 2020 "İstiqlal" ordeni — 2005 "Şərəf" ordeni — 2015 2-ci dərəcəli "Vətənə xidmətə görə" ordeni — 2019 "Şərəf" ordeni (Rusiya) — 2015 "Dostluq" ordeni (Rusiya) — 2005
"Azərbaycan SSR xalq artisti" fəxri adı — 1982 "Azərbaycan SSR əməkdar incəsənət xadimi" fəxri adı — 1973 Azərbaycan LKGİ mükafatı — 1970 "Teatr Xadimi" qızıl medalı — 2005
Azərbaycanda ilin adamı mükafatı (2009)
İmzanın şəkli
Vikianbarın loqosu Vikianbarda əlaqəli mediafayllar

Həyatı

[redaktə | mənbəni redaktə et]

Polad Murtuza oğlu Məmmədov 4 fevral 1945-ci ildə Bakıda anadan olmuşdur. Özünə soyad kimi atasının ləqəbini — Bülbül götürmüşdür. 1968-ci ildə Azərbaycan Dövlət Konservatoriyasını bitirmişdir (Qara Qarayevin sinfi). Polad geniş yayılmış bir sıra mahnıların müəllifi və onların ifaçısı kimi tanınmışdır. Kino-filmlərin, dram tamaşalarının musiqilərinin, simfoniya, simfonik poema və.s əsərlərin müəllifidir. 1973-cü ildə Azərbaycan SSR əməkdar artisti, 1982-ci ildə isə Azərbaycan SSR xalq artisti fəxri adlarını alıb. 1987-ci ildən Azərbaycan Dövlət Filarmoniyasının direktoru və bədii rəhbəri vəzifələrində çalışıb.[3]

Azərbaycanın Rusiyadakı fövqəladə və səlahiyyətli səfiri Polad Bülbüloğlu Müqəddəs Knyaz Nevski mükafatına layiq görülüb. Səfir bu mükafata Rusiyanın Regionlararası İctimai Fondu tərəfindən layiq görülüb.

Polad Bülbüloğlu Rusiya və Azərbaycan xalqları arasında sülhün, anlaşmanın qorunmasında, dostluq tellərinin möhkəmlənməsindəki xidmətlərinə görə təltif edilib.

O, Azərbaycanın ərazi bütövlüyü uğrunda apardığı mübarizəni beynəlxalq ictimaiyyətə dürüst təqdim etdiyinə, diplomatiyaya qoyulan təbii məhdudiyyətlərə baxmayaraq verdiyi bəyanatlar və müsahibələrdə ölkəmizin ədalətli mövqeyinin güzəştsiz olduğunu aşıladığına, ictimai düşüncədə mövcud olan anlaşılmazlıq və ziddiyyətlərə, cəmiyyətin hələ hər hansı riskli addıma hazır olmamasına baxmayaraq Dağlıq Qarabağa etdiyi səfərlərdə, münaqişəyə səbəb olmuş tərəfin — ermənilərin düz içərisində Azərbaycanın maraqlarına uyğun apardığı işə, yaratdığı "Məhəbbət və ölüm" baletinin Rusiya Federasiyasının paytaxtı Moskva şəhərində tamaşaya qoyulması ilə böyük mədəniyyətimizə verdiyi samballı töhfəyə, ölkəmizin imici üçün göstərdiyi səylərdə mənəviyyət və vətənpərvərlik nəzər nöqtəsindən çıxış etdiyinə görə Azərbaycanda "2009-cu İlin Adamı" elan edilib.[4]

2005-ci ildə "İstiqlal" ordeni ilə təltif edilib.[5]

3 fevral 2015-ci ildə "Şərəf" ordeni ilə təltif edilmişdir.[6]

18 may 2016-cı ildə məşhur heykəltaraş və rəssam Zurab Seretellinin "Mənim müasirlərim" adlı heykəllər silsiləsi çərçivəsində Moskvada Polad Bülbüloğlunun abidəsinin açılışı olub.[7]

2017-ci ildə "Rus ifaçılıq sənəti" (rus. Русское исполнительное искусство) İctimai Fondunun 25 illiyi medalına layiq görülüb.[8] 2019-cu ilin iyul ayında Polad Bülbüloğlu 2-ci dərəcəli "Vətənə xidmətə görə" ordeni ilə təltif olunub.[9]

2020-ci ildə Azərbaycan mədəniyyətinin inkişafında böyük xidmətlərinə və uzunmüddətli səmərəli ictimai-siyasi fəaliyyətinə görə Azərbaycanın ən ali ordeni olan "Heydər Əliyev" ordeni ilə təltif edilib.[10]

Filmoqrafiya

[redaktə | mənbəni redaktə et]

Xatirəsi

[redaktə | mənbəni redaktə et]

1995-ci ildə Polad Bülbüloğlunun 50 illik yubileyinə Tofiq İmirli tərəfindən "Salnamə" Sənədli Filmlər Studiyasında istehsal olunmuş Zirvəyə gedən yol adlı qısametrajlı sənədli film həsr olunmuşdur.

İstinadlar

[redaktə | mənbəni redaktə et]
  1. ↑ "Polad Bülbüloğlunun Türkmənistanın xalq artisti fəxri adı ilə təltif olunması haqqında prezident Qurbanqulu Berdiməhəmmədovun sərəncamı". 2018-07-11 tarixində orijinalından arxivləşdirilib. İstifadə tarixi: 2017-04-30.
  2. ↑ "Polad Bülbüloğluna Dağıstanın "Əməkdar incəsənət xadimi" fəxri adı verilib". 2020-10-23 tarixində arxivləşdirilib. İstifadə tarixi: 2015-02-25.
  3. ↑ "Polad Bülbüloğlunun "İkinci bahar"ı – FOTOLAR" (az.). modern.az. İstifadə tarixi: 2023-10-23.
  4. ↑ "Polad Bülbüloğlu "İlin Adamı" seçilib". 2012-01-27 tarixində orijinalından arxivləşdirilib. İstifadə tarixi: 2010-02-22.
  5. ↑ "Görkəmli musiqiçi Polad Bülbüloğlunun 67 yaşı tamam oldu" (az.). www.anl.az. 2012-11-05 tarixində arxivləşdirilib. İstifadə tarixi: 2023-10-23.
  6. ↑ "Polad Bülbüloğlu "Şərəf" ordeni ilə təltif edildi". 2015-10-19 tarixində orijinalından arxivləşdirilib. İstifadə tarixi: 2015-08-31.
  7. ↑ Lider TV. "Səda - Polad Bülbüloğlunun heykəli qoyuldu (18.05.2016)" (az.). Youtube.com. 18.05.2016. 2022-03-26 tarixində arxivləşdirilib. İstifadə tarixi: 2016-05-19.
  8. ↑ lent.az. "Polad Bülbüloğlu mükafatlandırıldı" (az.). Lent.az. 23.10.2017. 2017-10-25 tarixində orijinalından arxivləşdirilib. İstifadə tarixi: 2017-10-25.
  9. ↑ "Azərbaycan Respublikası Prezidentinin Sərəncamı". 2019-07-11 tarixində arxivləşdirilib. İstifadə tarixi: 2019-07-11.
  10. ↑ "P. Bülbüloğlunun "Heydər Əliyev" ordeni ilə təltif edilməsi haqqında Azərbaycan Respublikası Prezidentinin Sərəncamı". 2021-09-29 tarixində arxivləşdirilib. İstifadə tarixi: 2020-02-03.

Xarici keçidlər

[redaktə | mənbəni redaktə et]
Vikianbarda Polad Bülbüloğlu ilə əlaqəli mediafayllar var.