Hacıbala Abutalıbov

Bu məqalədəki məlumatların yoxlanıla bilməsi üçün əlavə mənbələrə ehtiyac var. Lütfən, məqaləyə etibarlı mənbələr əlavə edərək onu təkmilləşdirməyə kömək edin. Mənbəsiz məzmun problemlər yarada və silinə bilər. Problemlər həll edilməmiş şablonu məqalədən çıxarmayın. Daha ətraflı məlumat və ya məqalədəki problemlərlə bağlı müzakirə aparmaq üçün məqalənin müzakirə səhifəsinə diqqət yetirə bilərsiniz.

Hacıbala İbrahim oğlu Abutalıbov (13 may 1944, Krasnovodsk^[1]) — Bakı Şəhər İcra hakimiyyətinin başçısı (2001–2018), Azərbaycan Respublikasının Baş nazirinin müavini (2018–2019).

Hacıbala Abutalıbov
Azərbaycan Respublikası Baş nazirinin müavini
21 aprel 2018 – 21 oktyabr 2019
Baş nazir	Novruz Məmmədov
Əvvəlki	Abid Şərifov
Sonrakı	Şahin Mustafayev
17 yanvar 2000 – 30 yanvar 2001
Baş nazir	Artur Rasi-zadə
Bakı Şəhər İcra hakimiyyətinin başçısı
30 yanvar 2001 – 21 aprel 2018
Əvvəlki	Rəfael Allahverdiyev
Sonrakı	Eldar Əzizov
Suraxanı Rayon İcra hakimiyyətinin başçısı
16 fevral 1995 – 17 yanvar 2000
Əvvəlki	Darvin Ağamalıyev
Sonrakı	Natiq Mehdiyev
Şəxsi məlumatlar
Doğum tarixi	13 may 1944(1944-05-13) (80 yaş)
Doğum yeri	Krasnovodsk, Krasnovodsk vilayəti[d], Türkmənistan SSR, SSRİ[1]
Partiya	Yeni Azərbaycan Partiyası
Təhsili	Bakı Dövlət Universiteti
Fəaliyyəti	fizik, siyasətçi
Dini	islam
Təltifləri
Vikianbarda əlaqəli mediafayllar

Hacıbala Abutalıbov 1944-cü il mayın 13-də Türkmənistanın Krasnovodsk şəhərində anadan olmuşdur. 1965-ci ildə Azərbaycan Dövlət Universitetinin fizika-riyaziyyat fakültəsini bitirmişdir. Əslən Naxçıvan Muxtar Respublikası Ordubad rayonundandır.

1968-ci ildə keçmiş SSRİ-nin Leninqrad şəhərində A. F. İoffe adına Fizika-Texnika İnstitutunda aspiranturaya daxil olmuş, SSRİ Elmlər Akademiyasının müxbir üzvü, Lenin mükafatı laureatı Yevgeni Fyodoroviç Qrossun və Marina Lazaryevna Bellenin rəhbərliyi altında 1976-cı ildə namizədlik dissertasiyasını müdafiə etmiş, 1987-ci ildə isə Lenin mükafatı laureatı akademik Aleksandr Aleksandroviç Kaplyanskinin rəhbərliyi ilə həmin institutda fizika-riyaziyyat elmləri doktoru yüksək elmi dərəcəsi adını almışdır. Fizika-riyaziyyat elmləri doktoru, professordur. Amerika, İngiltərə, Fransa, Almaniya, Rusiya və sair dövlətlərin qabaqcıl elmi jurnallarında çap olunmuş 200-dən çox elmi əsərin və monoqrafiyanın, 30-dan çox elmi ixtiranın müəllifidir.

H. Abutalıbovun rəhbərliyi altında 10-dan çox elmlər doktoru və elmlər namizədi yetişmişdir. 1988-ci ildən Azərbaycan Milli Elmlər Akademiyasının Fizika İnstitutunda "Yarımkeçiricilərin kvant elektronikası" laboratoriyasının müdiridir.

1995-ci ilin fevral ayından 2000-ci ilin yanvar ayınadək Azərbaycan Respublikası Prezidentinin Fərmanı ilə Suraxanı Rayon İcra Hakimiyyətinin başçısı olmuşdur.

1999-cu ilin iyul ayında Azərbaycan Respublikası Prezidenti "Suraxanı Rayon İcra Hakimiyyətinin müsbət iş təcrübəsinin yayılması haqqında" Sərəncam imzalamışdır^[2].

2000-ci ilin yanvar ayından 2001-ci ilin yanvar ayına qədər Azərbaycan Respublikası Baş nazirinin müavini vəzifəsində çalışmışdır.

2001-ci ilin yanvar ayından Azərbaycan Respublikası Prezidentinin Fərmanı ilə Bakı Şəhər İcra Hakimiyyətinin başçısı təyin edilmişdir.

21 aprel 2018-ci ildə Azərbaycan Respublikasını Baş nazirinin müavini təyin edilmişdir.

Yeni Azərbaycan Partiyası Veteranlar Şurasının üzvüdür, ailəlidir, iki oğlu var.

• 13.05.2014 — "Şərəf" ordeni^[3].

Bu məqalədəki istinadlar müvafiq istinad şablonları ilə göstərilməlidir.