Yelena Komorova

Yelena Komorova (13 iyul 1985, Xerson) — 2003-2006-cı illərdə Ukraynanı, 2008–2009-cu illərdə isə Azərbaycanı təmsil edən qadın güləşçi.[1]

Yelena Komorova
Şəxsi məlumatlar
Tam adı Yelena Komorova
Vətəndaşlığı Ukrayna Ukrayna →
Azərbaycan Azərbaycan
Doğum tarixi 13 iyul 1985(1985-07-13) (39 yaş)
Doğum yeri
Boyu 166 sm. (5 ft 6 in)
İdman növü Güləş
Karyera illəri 1998—2009

Karyerası

[redaktə | mənbəni redaktə et]

Yelena Komorova 2003-cü ildə İstanbulda gənclər arasında Dünya Çempionatında uğursuz çıxış elədi və turniri 14-cü pillədə başa vurdu.[2] Bir il sonra Yelena Komorova Bolqarıstanın Sofiya şəhərində baş tutan gənclər arasında Avropa Çempionatının bürünc medalına sahib oldu.[2] Həmin il İsveçdə Avropa Çempionatlarında debüt edən Yelena Komorova turniri 8-ci pillədə başa vurdu.[2]

2005-ci ildə Yelena Komorova Dünya və Avropa Çempionatlarında, həmçinin Universiada Oyunlarında çıxış eləsə də uğura imza ata bilmədi.[2] Bundan sonra Yelena Komorova uzun müddət Dünya və Avropa Çempionatlarında və nüfuzlu beynəlxalq turnirlərdə mübarizə aparmadı.[2]

2007-ci ildə Azərbaycan Güləş Federasiyası (AGF) Yelena Komorovanı Azərbaycan yığmasının heyətinə dəvət elədi.[2] Həmin illərdə Azərbaycanda qadın güləşçilərdən ibarət yığma yeni-yeni formalaşdırılırdı. Yelena Komorova həmin dəvəti qəbul elədi və 2007-ci ildən Azərbaycan bayrağı altında beynəlxalq turnirlərdə mübarizə apardı.[2]

2008-ci ildə Yelena Komorova Qızıl Qran-Pri beynəlxalq turnirinin qalibi oldu.[2] Həmin ilin avqustunda isə Yelena Komorova olimpiada da debüt elədi.[2] Olimpiadanın 1/8 final mərhələsində Yelena Komorovanın rəqibi Rusiya nümayəndəsi Nataliya Qolts oldu.[3] Görüşün birinci hissəsində rəqibinə 0:4 hesabı ilə məğlub olan Yelena Komorova növbəti hissədə də rəqibinə məğlub oldu (0:1) Yelena Komorova və olimpiada da mübarizəsini dayandırdı.[3] Ümumi nəticədə isə Yelena Komorova olimpiadanı 15-ci pillədə başa vurdu.[3]

2009-cu ildə Qızıl Qran-Pri beynəlxalq turnirini beşinci pillədə başa vuran Yelena Komorova həmin il idmanla vidalaşdı.[2]

Nəticələri

[redaktə | mənbəni redaktə et]
Sıra
İl
Yarış
Ev sahibi
Nəticə
Ukrayna Ukrayna
1
2003
 Gənclərin Dünya Çempionatı Türkiyə Türkiyə
14.
2
2004
 Avropa Çempionatı İsveç İsveç
8.
3
 Gənclərin Avropa Çempionatı Bolqarıstan Bolqarıstan
3.
4
2005
 Avropa Çempionatı Bolqarıstan Bolqarıstan
8.
5
 Tələbərin Dünya Çempionatı Türkiyə Türkiyə
5.
6
 Dünya Çempionatı Macarıstan Macarıstan
8.
Azərbaycan Azərbaycan
7
2008
 Qızıl Qran-Pri Azərbaycan Azərbaycan
1.
8
 Olimpiya Oyunları Çin Çin
15.
9
2009
 Qızıl Qran-Pri Azərbaycan Azərbaycan
5.

İstinadlar

[redaktə | mənbəni redaktə et]
  1. ↑ Olympedia.org. "Yelena KOMAROVA". www.olympedia.org (ingilis). 2022-08-30. 2022-06-10 tarixində arxivləşdirilib. İstifadə tarixi: 30.08.2022.
  2. ↑ 1 2 3 4 5 6 7 8 9 10 International Wrestling Database. "ELENA KOMAROVA". www.iat.uni-leipzig.de (ingilis). 2022-08-04. İstifadə tarixi: 02.08.2022.
  3. ↑ 1 2 3 Olympedia.org. "2008 Summer Olympics / Wrestling / Lightweight / Freestyle (55 Kilograms) / Women". www.olympedia.org (ingilis). 2022-08-30. 2022-10-04 tarixində arxivləşdirilib. İstifadə tarixi: 30.08.2022.