VARLI

VARLI (varı, dövləti çox olan, pullu) [Ulduz:] Həmzəgül varlıdır, sizin heç şeyiniz yoxdur (M.İbrahimov); DÖVLƏTLİ Fəqr əhli qənilərlə mülaqat edə bilməz; Dövlətliyə insanlığın isbat edə bilməz (M.Ə.Sabir); DÖVLƏTMƏND Ağa Hüseyn bir dövlətmənd şəxs idi (Ə.Haqverdiyev); KALAN (dan.) Əli: Bildilər ki, kalansan, vəssalam, qurtardı getdi (Anar); QARUN (çox varlı) (köhn.) Molla Salman: Hacı Nuru, sənin qiyasına görə, mən gərək qarun olaydım.. (M.F.Axundzadə); QƏNİ (köhn.) Deyir: “Böyük yaradan, aləm bilir qənisən” (M.Rahim); MİLYARDER Nurəngiz: Belə üzüyü mirdə milyarder Rokfellerin çuvixası taxır... (Əfqan); MİLYONÇU (dan.) (çox pulu olan) Milyonçu Ağa Musa ilə milyonçu Şəmsinin saxlancları geyinib-kecinməkdə bir-birilə yarışa girmişdilər (A.Şaiq); MİLYONER (dan.) Murtuz: İndi Zəki, öz aramızdır sən də milyoner deyilsən də, dədədən sənə dövlət qalmayıb, meşədə xəzinə tapmamısan, məvacibə baxırsan, külfətin də maşallah bit çətən (Anar); SƏRVƏTDAR Zəki Əşrəfə: Sənin və atan Ağamürsəl kimi sərvətdarların daşqın və coşqun yaşadığına nədən hökm edirsən? (A.Şaiq); SƏRVƏTLİ ...Sərvətlilər qızıllarını basdırırdılar (Çəmənzəminli); TAVANALI Qorxmaz: ..biz daha iri, tavanalı və güclü ..birləşməliyik (Ə.Vəliyev); VARLI-HALLI (dan.) Bu kişi varlı-hallı bir adam idi (Ə.Haqverdiyev); VARLI-KARLI (dan.) Balağa: Yarışı Əsəd adlı bir varlı-karlı kişi keçirirdi (H.Abbaszadə); ZƏNGİN (çox varlı) Rəna: Çünki sən zəngin olduğun zaman yoxsul bir qızı atacaq və “səviyyəmiz bir deyil” – deyə zəngin bir qız axtaracaqsan (M.S.Ordubadi); BAŞIƏTLİ (dan., zar.), PULLU (dan.), VARLI-DÖVLƏTLİ.