Nadir Abbasov

Nadir Abbasov
Azərbaycan Kommunist Partiyası Ağcabədi Rayon Komitəsinin birinci katibi
1978 – ?
Əvvəlki	Vahid İsmayılov
Azərbaycan Kommunist Partiyası Salyan Rayon Komitəsinin birinci katibi
1970 – 1978
Sonrakı	Aslan Hüseynov
Azərbaycan Kommunist Partiyası Ağdam Rayon Komitəsinin birinci katibi
1965 – 1970
Əvvəlki	Xosrov Ağayev
Sonrakı	Həsən Əliyev
Şəxsi məlumatlar
Doğum tarixi	1925
Doğum yeri	Gəncə, Gəncə qəzası, Azərbaycan SSR, ZSFSR, SSRİ
Partiya	Ümumittifaq Kommunist (bolşeviklər) Partiyası (1948–)
Təhsili	Azərbaycan Dövlət Aqrar Universiteti
Təltifləri

Nadir Xuduş oğlu Abbasov — Azərbaycan Kommunist Partiyası Ağcabədi Rayon, Salyan Rayon və Ağdam Rayon Komitəsinin birinci katibi.

Həyatı

1925-ci ildə Gəncə qəzasında qulluqçu ailəsində anadan olmuşdur, azərbaycanlıdır, 1948-ci ildən Sovet İttifaqı Kommunist Partiyası üzvüdür, ali təhsili var – Azərbaycan Kənd Təsərrüfatı İnsititunu və Azərbaycan KP MK yanında Ali Partiya Məktəbini bitirmişdir. Sosialist Əməyi Qəhrəmanıdır (1976).

Əmək fəaliyyətinə 1942-ci ildə başlamışdır. 1944–1949-cu illərdə Sovet Ordusunda xidmət etmişdir. 1950-ci ildən rayon komsomol komitəsinin katibi, Kirovabad (indiki Gəncə) vilayət komsomol komitəsinin şöbə müdiri, şəhər komsomol komitəsinin birinci katibi vəzifələrində çalışmışdır. 1935–1955-ci illərdə partiya məktəbinin müdavimi, 1956-cı ildən Kirovabad toxulçuluq kombinatının, Nizami adına sovxozun partiya komitəsinin katibi, Kirovabad Şəhər Partiya Komitəsinin şöbə müdiri olmuşdur. 1962–1970-ci illərdə Gədəbəy, Qasım İsmayılov (indiki Goranboy)istehsalat idarələrinin partiya təşkilatçısı, Azərbaycan KP MK inspektoru, Azərbaycan KP Qasım İsmayılov RK-nın, Ağdam RK-nın birinci katibi vəzifələrində işləmişdir. 1970-ci ildən Azərbaycan KP Salyan RK-nın birinci katibi, 1978-ci ildən isə Azərbaycan KP Ağcabədi RK-nın birinci katibi olmuşdur.

Azərbaycan SSR Ali Soveti mandat komissiyasının və Azərbaycan KP MK üzvü olmuşdur.

Yeddinci, səkkizinci, doqquzuncu , onuncu və on birinci çağırış Azərbaycan SSR Ali Sovetinə deputat seçilmişdir (Arbatan seçki dairəsi).

Hazırda Prezident təqaüdçüsüdür (2002).

Mənbə

• Надир Худуш оғлу Аббасов // Азәрбајҹан ССР Али Советинин депутатлары. Доггузунҹу чағырыш. Бакы: Азәрбајҹан Дөвләт Нәшријјаты. 1976. С. 10.