AEGEE

AEGEE (fr. Association des États Généraux des Étudiants de l'Europe) , yaxud Avropa Tələbələr Forumu, Avropanın ən böyük, transmilli tələbə təşkilatlarından biridir. 1985-ci ildə Parisdə əsası qoyulan AEGEE, hal-hazırda öz əlaqələrini genişləndirərək Avropanın 40 ölkəsinin 147 şəhərindən olan 13.000 tələbəni özündə birləşdirir.

Avropa Tələbələr Forumu AEGEE-Europe
Növü	Avropa gəncləri üçün şəbəkə
Şüar	Some call it Europe,we call it home
Yaranma tarixi	1985
Rəsmi dili	İngilis dili
Mərkəzi	Brüssel, Belçika
Fəaliyyət göstərdiyi yer	Avropa
Prezident	Teddy van Amelsvoort
Üzvləri	13 000
aegee.org
Vikianbarda əlaqəli mediafayllar

İdarə heyəti və baş ofisi Brüsseldə olan AEGEE-nin Rusiya, Türkiyə və Qafqaz da daxil olmaqla, Avropadakı universitet şəhərlərində 200 -dən çox yerli şöbələri (antenna) mövcuddur. Qeyri-hökumət, siyasi cəhətdən müstəqil, heç bir gəlir marağında olmayan bu təşkilat bütün sahələrdən və fakültələrdən olan tələbələrin və gənclərin üzünə açıqdır. Təşkilatın əsas məqsədi bərabərhüquqlu, demokratik və sərhədsiz - vahid Avropa məkanı yaratmaqdır. Hər il şəbəkə daxilində yüzlərlə konfrans, təlim və tədbirlər təşkil edilir. Həyata keçirilən  bütün layihələr və fəaliyyətləri təşkilat üzvlərinin könüllülük prinsipləri əsasındadır.

1985

Assosiasiyanın əsası 16 Aprel 1985-ci ildə EGEE 1 konfransının (États Généraux des Étudiants de l'Europe) nəticəsi olaraq Parisdə: Leyden, London, Madrid və Milandan olan tələbələrin toplantısı zamanı qoyulmuşdur. Bu toplantı Parisdəki beş “Grandes Écoles” ilə birlikdə qurucu prezident Franck Biancheri tərəfindən təşkil edilmişdir. Məqsəd həmin dövrdə  Avropaya inteqrasiya prosesində olan maneələri aradan qaldırmaq idi. Franck Biancheri bütün prosesi idarə etdi və tezliklə bütün tələbələr EGEE konfransını gənc avropalılar üçün bir platformaya çevirmək istədilər. Təsisçilərin məqsədi, gənclər üçün Avropada olan məsələləri müzakirə etmək və yeni fikirlərini, ideyalarını həm Avropa, həm də milli qurumlara təqdim etmək üçün bir yer yaratmaq idi.

EGEE o dövrdə özünəməxsusluğu səbəbindən bir çox tələbəni şəhərlərində yerli qruplarını qurmağa təşviq edə bildi.

1986

Üç EGEE işçi qrupu yaradıldı: Sponsorluq, Təcrübə və Dillər üzrə araşdırma

EGEE, Nijmegen şəhərində sərhədlərarası inkişaflar mövzusunda bir konfransa ev sahibliyi edir.

Tədris ilinin əvvəlinə kimi EGEE -nin 26 filialı və 6000 üzvü var.

EGEE, Heydelberqdə Uzaq Şərq və Avropa əlaqələri mövzusunda bir konfrans təşkil edir.

EGEE, Tuluzada ilk Avropa Kosmos Həftəsi təşkil edir.

EGEE, Parisdə Avropada dərman sənayesi mövzusunda bir konfrans təşkil edir.

EGEE, Münhendə Avropa Pul Sisteminə dair bir konfrans təşkil edir.

EGEE, Le Monde "The Night of 7 European cities" (7 Avropa şəhərinin gecəsi) qəzeti ilə birlikdə yeddi fərqli şəhərdə tələbələrlə yüksək səviyyəli siyasətçilər arasında Avropanın gələcəyi ilə bağlı siyasi müzakirələr yayımlayır.

1987

EGEE, Fransa prezidenti Fransua Mitteranı Avropa Komissiyası tərəfindən maliyyələşdirilən tələbə mübadiləsi proqramı olan Erasmus proqramının maliyyələşdirilməsini dəstəkləməyə inandırır.

ERASMUS proqramının blokdan çıxarılması dərnəyin əsas uğuru hesab olunur və o vaxt Avropa Komissiyasının təhsil müdiri Domeniko Lenarduzzi (1984–87) bunu müsahibədə təsdiqləmişdi.^[1]

EGEE, İspaniyada və Portuqaliyanın Avropa Birliyinə üzv olmasının birinci ildönümünü qeyd etmək üçün Madriddə Avropa Həftəsi təşkil edir.

1988

Ticarət nişanı adından istifadə hüququ ilə bağlı mübahisələrdən sonra adını EGEE -dən AEGEE -ə dəyişir.

"Yay Universitetləri" layihəsinə start verildi. Bu layihə gənclərə 2 həftə ərzində Avropanın bir şəhərində əsl Avropa təcrübəsi yaşatmağa imkan verir, onlara əsl mədəniyyətlərarası təcrübə verir və Avropaya qapıları açır.^[2]

1989

Berlin Divarının dağıdılmasından sonra, Salernodakı Agora AEGEE -ni Avropa Birliyi xaricində yerli şöbələr açır və bu, Dəmir Pərdədən kənara çıxan ilk Avropa təşkilatlarından biriydi.

Leypsiq Dəmir Pərdədən kənara çıxan ilk lokal oldu.

AEGEE, hüquq tələbələrin öz bacarıqlarını inkişaf etdirməsi üçün İnsan Haqları üzrə ilk Avropa Məhkəmə Müsabiqəsi təşkil edir.

Franck Biancheri AEGEE-Avropa fəxri üzvü mükafatını alır və Fəxri prezident olur.

1990

Parisdəki EGEE VI toplantısı əsnasında Les Anciens d'AEGEE-Europe quruldu.^[3]

"Your Key to Europe "(Sənin Avropaya açarın)-u təmsil edən yeni AEGEE loqotipi yaradıldı.

1991

Madriddə İlk Avropa Məktəbi 1 təlimi təşkil olunur.

1992

İstanbul AEGEE-nin ilk Türk yerli şöbəsi olaraq şəbəkəyə qoşuldu.

AEGEE ATƏT -də (Avropada Təhlükəsizlik və Əməkdaşlıq Təşkilatı) məsləhətçi statusunu alır.

1993

AEGEE Avropa Şurasında (AŞ) rəsmi QHT statusu alır.

Georg von der Gablentz, "Şərq-Qərb DG" ilə işinə və AEGEE-nin Mərkəzi və Şərqi Avropaya açılması təşəbbüslərinə görə AEGEE-Avropanın Fəxri Üzvlüyünü alır.

Vittorio Dell'Aquila, "Yay Universitetləri" layihəsinin inkişafına verdiyi töhfəyə görə AEGEE-Avropanın Fəxri Üzvlüyünü alır.

Jeroen Hoogerwerf, bir çox vəzifəsi ilə şəbəkəyə verdiyi böyük töhfəyə görə AEGEE-Avropanın Fəxri Üzvlüyünü alır.

Michael Merker AEGEE-nin Şərqə yayılmasında və Dəmir Pərdə üzərində ilk yerli quruculuğunda iştirakına görə AEGEE-Avropa Fəxri Üzvlüyünü alır.

1994

AEGEE ilk veb-saytını hazırlayır.

1995

Ankara və daha sonra daha bir neçə türk yerli qurumları şəbəkəyə qoşulur.

AEGEE -nin qurulmasının 10 illiyi.

AEGEE Avropada nüvə sınaqlarına qarşı qəti şəkildə etiraz edir.

Zsuzsa Kigyos  Mərkəzi Şərqi Avropada AEGEE-nin qurulmasında rolu və AEGEE-Avropanın ilk qadın prezidenti olması səbəbindən AEGEE-Avropanın Fəxri Üzvlüyünü alır.

1996

1000 -dən çox tələbə, Orta və Şərqi Avropada inkişaf etməkdə olan vətəndaş cəmiyyətində tələbələrin nələr edə biləcəyini izah edən "Öz Yolunu Tap"(Find your way) konfrans seriyasında fəal iştirak edir.

AEGEE  baş ofisini Delftdən Brüsselə köçürür.

Philipp von Klitzing, AEGEE şəbəkəsinə “Strateji planlaşdırma” və İT infrastrukturunun idarə edilməsində sonsuz dəstək verdiyi üçün AEGEE-Avropanın Fəxri Üzvlüyünü alır.

1997

AEGEE Kiprə ilk səfərini təşkil edir. Bunun ardınca 2001 -ci ildə AEGEE-Mağusa yaradıldı.

AEGEE Avropada bütün tələbə hərəkətliliyi təşəbbüslərinin inkişafına töhfə verən “Sokrat” layihəsini həyata keçirdi.

1997 -ci ildə Avropa və Avro layihəsinin təqdim olunması, Avropa valyutasının istifadəyə verilməsindən 5 il əvvəl məlumatlılığı artırdı.

David Stulik  könüllü layihələr vasitəsilə daha yaxşı bir Avropa qurmaqda AEGEE-də fəal iştirakına görə Heinz-Schwarzkopf Vəqfi tərəfindən verilən "İlin Avropalı Gənci" oldu.

AEGEE Moldovaya və keçmiş Yuqoslaviyaya ilk araşdırma səfərini təşkil edir.

AEGEE Avropa Gənclər Forumunun üzv təşkilatına namizəd olur.

1998

AEGEE Transilvaniyaya araşdırma məqsədli səfərini təşkil edir.

AEGEE Avropa Gənclər Forumunun Tam Üzv Təşkilatı olur.

1999

Agora-Barselonada təlim və insan resursları üzrə AEGEE-Akademiyasının qurulması.

AEGEE İspaniya, Şimali İrlandiya, Kosovo, Cənubi Afrika və Bosniya və Herseqovinadakı münaqişə mövzuları ilə məşğul olan Sülh Akademiyası təşkil edir.

Stefan Recksiegel, AEGEE-nin İT infrastrukturunu daha da inkişaf etdirdiyi üçün AEGEE-Europe-dan Fəxri Üzvlük alır.

2000

Müharibə nəticəsində dağılmış Kosovadan olan tələbələrə xaricdəki universitetlərdə təhsil almağa kömək edən yeni bir təqaüd proqramı - "Education for Democrasy" təqdim edildi.

Payızda AEGEE-Beograd üzvləri Miloşeviçin məğlubiyyətini öyrənən ictimai məclisdə iştirak etdilər.

AEGEE genişlənən Avropa Birliyi üçün yeni bir təhsil proqramının hazırlanmasına töhfə olan “EURECA” -nı təqdim edir.

2001

AEGEE “Education for Democrasy” layihəsi çərçivəsində Cənub -Şərqi Avropa və Aralıq dənizi bölgəsində sülh və sabitliyə diqqət yetirən bir neçə böyük layihə təşkil edir.

Oana Daciana Avropanı Şərqi Avropa ölkələrindən olan gənclərə yaxınlaşdırmağa səy göstərdiyi üçün Heinz-Schwarzkopf Vəqfi tərəfindən "İlin Avropalı Gənci" mükafatını aldı.

Markus Schonherr Mərkəzi və Şərqi Avropadakı fəaliyyətləri, Moldovaya araşdırma məqsədli səfərləri və Avropada vizanı ləğv etmək üçün gördüyü işlərə görə AEGEE-Avropanın Fəxri Üzvlüyünü alır.

2002

AEGEE ən böyük və ən uğurlu layihələrdən birini – 2002 və 2005-ci illər arasında Türk-Yunan Vətəndaş Dialogunu başlatdı. 1990-cı illərdə Türkiyədə AEGEE lokallarının qurulması ilə münaqişə vəziyyətində olan qonşular arasında dialoqun qurulmasının zəruriliyini anladı. AEGEE öz təcrübəsinə və ilk günlərdə Türk və Yunan AEGEE üzvləri arasındakı gərgin münasibətlərə əsaslanaraq, AEGEE miqyasında əməkdaşlığın mümkün olduğunu və insanlar arasındakı dialoqun siyasi səviyyədə dialoqdan daha asan baş verə biləcəyini sübut etdi.

AEGEE-Eindhoven tərəfindən AEGEE-Televiziyasının işə salınması.^[4]

Michiel Van Hees  AEGEE-dəki geniş xidmətlərinə və "Öz Yolunu Tap"(Find your way), “Avropa” və “Avro“ layihələrindəki roluna görə AEGEE-Avropa Fəxri Üzvlük mükafatını alır.

2003

AEGEE, Avropada ali təhsilin uyğunlaşdırılmasına hazırlaşan və Bolonya Prosesini müzakirə edən bir layihəyə başlayır.

AEGEE -nin Qafqaza ilk təhsil səfəri.^[5]

AEGEE, Kiprin bufer zonasında ilk beynəlxalq tələbə konfransını təşkil edir.^[6]

AEGEE Avropa İttifaqı və Avropa layihəsinə başlayır.

AEGEE Avropa Beynəlxalq Hərəkatının (EMI) rəsmi üzvü olur.

2004

AEGEE, Beynəlxalq Siyasət İşçi Qrupu tərəfindən həyata keçirilən Avropa və Aİ layihəsində genişlənmiş Aİ -nin yeni qonşuları ilə dialoqa başlayır.

AEGEE, Gürcüstanda Tbilisi-də ilk yerli şöbəsini açır.

Anan Jahangirl Heinz-Schwarzkopf Vəqfi tərəfindən Avropaya İnteqrasiya prosesini Azərbaycanda gənclərə çatdırdığına görə "İlin Avropalı Gənci" mükafatını qazanır.

2005

AEGEE Praqada 20 illik yubileyini qeyd edir və "Avropaya Açar " –ın (Key to Europe) xüsusi nəşrini nəşr edir.^[7]

AEGEE Həyat Boyu Öyrənmə Platformasının (LLLP) üzv təşkilatına çevrilir.

Olivier Genking Aİ və Avropa layihəsindəki iştirakına, bir çox yeni lokalların qurulmasında, yeni layihələrin yaradılmasına və şəbəkəyə davamlı dəstəyinə görə AEGEE-Avropanın Fəxri Üzvlüyünü alır.

2006

AEGEE i qlobal gənclik çərçivəsində gəncləri  əməkdaşlıq və inkişafa yaxınlaşdıraraq “Youth Globalization” layihəsinə başlayır.

AEGEE əlil gənclərin hərəkətlilik problemi ilə məşğul olan THE BRIDGE- mobilliyi və əlilliyi birləşdirən layihəsini təqdim edir.

AEGEE, gənclərin siyasi prosesinə cəlb olunmasını və iştirakını artırmaq məqsədi daşıyan bir sıra təlim tədbirləri, konfranslar, siyasi kampaniyalar, təhsil və media fəaliyyətləri təşkil edərək “Take Control” layihəsinə başlayır.

Burcu Bercemen Heinz-Schwarzkopf Vəqfi tərəfindən AEGEE-nin Türk-Yunan Vətəndaş Dialoquna verdiyi öhdəliyə görə verilən "İlin Avropalı Gənci" mükafatını aldı.

Gunnar Erth  AEGEE-nin illik nəşrlərinin inkişafına verdiyi töhfəyə görə AEGEE-Avropa Fəxri Üzvlüyünü alır.

2007

AEGEE Strasburqdakı Avropa Parlamentinin binasında Avropa Birliyinin Model simulyasiyasını təşkil etdi.

AEGEE IFISO Rəyasət Heyətinə sədrlik edir və Avropa Komissiyası ilə maraqlı tərəflərin görüşünü təşkil edir. Yay Liderlik Məktəbi (LSS) yaradılır.

AEGEE AEGEE-Ankarada 7 fərqli nəslin işi sayəsində Türkiyəyə Erasmus proqramının genişləndirilməsində vasitəçi rol oynayır.

2008

AEGEE gənclərə səs verməyi təşviq etmək üçün Y Vote 2009 - Avropa Gənclər Seçimini təqdim edir.

“Sustaining our Future” layihəsi Hollandiyada Avropa Böyük Karl Gənclər Mükafatı Mükafatının milli qalibi oldu.

AEGEE qitədəki yuxarı sinif şagirdlərinin Avropada baş verən hadisələrdə fəal iştirak etmələrinə imkan verən “YOUrope Needs YOU!!!”(Avropanın sənə ehtiyacı var) adlı layihəsinə başlayır.

Tamuna Kekenadze Heinz-Schwarzkopf Vəqfi tərəfindən verilən "İlin Avropalı Gənci" mükafatını aldı.

2009

AEGEE “YOUrope Needs YOU!!!”(Avropanın sənə ehtiyacı var) layihəsinə görə Avropa Şarlem Gənclik Mükafatında 1 -ci yeri qazanır.

Y Vote 2009 Yunanıstan üçün “Avropa Böyül Karl Gənclik Mükafatı’nın milli qalibi oldu.

AEGEE Agora Ümumi Yığıncaqları zamanı Təhsil və Karyera Sərgilərini təqdim edir.

Silvia Baita uzun illər qadın liderliyin ən yaxşı nümunəsi olduğu üçün AEGEE-Avropa Fəxri Üzvlüyünü alır.

Kamala Schutze AEGEE "Yay Universitetləri" layihəsinə uzunmüddətli sadiqliyinə görə AEGEE-Avropa Fəxri Üzvlüyünü alır.

AEGEE Hindistan və Cənubi Afrikaya araşdırma səfərləri və  Minilliyin İnkişaf Məqsədlərinə Millennium Development Goals. xüsusi diqqət yetirməklə Avropanın qlobal çağırışlarda roluna diqqət yetirməklə 2009-11-ci illər üçün Beyond Europe: Perspectives for Tomorrow's World qabaqcıl layihə olaraq qəbul edir.

2010

AEGEE "Beyond Europe Perspectives for Tomorrow's World" layihəsi çərçivəsində BMT -nin Minilliyin İnkişaf Məqsədləri Konfransını təşkil edir.

AEGEE, BEST (Avropa Texnologiya Tələbələri Şurası) tərəfdaş təşkilatı olur.^[8]

AEGEE “Where Does Avropa End” (Avropa harada bitir?)layihəsi başladı.

AEGEE “Youth Unemployment” (Gənclərin işsizliyi)nə başlayır.

AEGEE, Avropa Birliyinin Gəncləri ilə bağlı Strukturlaşdırılmış Dialoq prosesinə qatılır.

2011

AEGEE  qonşu ölkələrdə gənclərə daha çox səs hüququ vermək və vətəndaş cəmiyyətini gücləndirmək üçün “Şərq Tərəfdaşlığı layihəsi”ni başlatır.

“The AEGEEan” AEGEE-Avropa onlayn jurnalı buraxılır.

AEGEE 2011 -ci il Avropa Könüllülük İttifaqının qurucu təşkilatlarından biri olur.

AEGEE gəncləri EuroDIG konfransına və İnternet İdarəçiliyi mövzusuna bağlayan YEU (Youth for Exchange and Understanding) ilə birlikdə “New Media Summer School”(NMSS) layihəsinə başlayır.

AEGEE Avropa Şuraları Toplantısı anlayışını tematik konfrans  olaraq yenidən təyin edir.

2012

AEGEE gənclərin Avropa qitəsi üçün istədikləri gələcəklə bağlı fikirlərini toplamaq üçün bütün Avropaya qatarla səfirlər göndərərək "Europe on Track" layihəsinə başlayır.

AEGEE tələbələrin öz həyat tərzləri haqqında düzgün qərarlar qəbul etməsi üçün onlara sağlamlıq haqqında məlumat verməyi hədəfləyən “Health 4 Youth” layihəsini təqdim edir.

AEGEE  gənclərin aktivliyini artırmaq məqsədilə "Europe in Exchange" adlı layihəsinə başlayır.

AEGEE Avropa və Ərəb ölkələrindən olan gənclər arasında körpülər yaradaraq "EuroArab" layihəsinə başlayır.

AEGEE və YEU (Youth for Exchange and Understanding) Avropa Komissiyası tərəfindən maliyyələşdirilən COY (Gənc İşçilərin Bacarıqlarının Sertifikatlaşdırılması) Layihəsinə start verir.

AEGEE Andrea Carafanın başçılıq etdiyi bir heyətlə Birləşmiş Millətlər Təşkilatının Dayanıqlı İnkişaf Konfransına öz töhfəsini verir, Rio+20 Tərtib Sənədinə daxil olur və Davamlı İnkişaf Məqsədlərinin qurulmasını,  gənclərin Rio+20 -dən kənar təşkilatlarla vətəndaş cəmiyyəti ilə əməkdaşlığına tərəfkeşlik edir. Rio+20 -dən kənar təşkilatlar.^[9][10]

AEGEE Avropa komissiyasının təhsil gənclik və idman proqramı (Erasmus +) üçün digər yeni QHT -lər və Avropa Gənclər Forumu ilə böyük bir təbliğat kampaniyası həyata keçirir.

AEGEE Avropa Gənclər Forumunun İdarə Heyətinə seçilir.

Burcu Bercemen AEGEE şəbəkəsinə bağlılığı və "Türk-Yunan Vətəndaş Dialoqu" layihəsindəki qeyri-adi performansına görə AEGEE-Avropa Fəxri Üzvlüyünü alır.

2013

AEGEE, mövcud logo ilə yeni bir Vizual Kimlik təqdim edir.

AEGEE, "Europe on Track" layihəsinə görə Avropa Böyük Karl Gənclik Mükafatında 1 -ci yeri qazanır.

AEGEE Birləşmiş Millətlər Ətraf Mühit Proqramında akkreditə olunmuş bir təşkilat olur.^[11]

AEGEE Avropadakı tarix dərsliklərinin təhlili ilə məşğul olan "EurStory" layihəsinə başlayır

AEGEE tələbələri 2014 -cü il Avropa Parlamenti Seçkilərində səs verməyə təşviq edən "Y Vote 2014" kampaniyasına başlayır.

2014

AEGEE tələbələri 2014 -cü il Avropa Parlamenti Seçkilərində səs verməyə çağıran "Y Vote 2014" kampaniyasına başlayır..

AEGEE eyni zamanda "AEGEE Seçki Müşahidəsi Layihəsi" (Election Observation Project) və "Demokratiya Fəaliyyətdə"(Democrasy in Action) layihəsinə start verir.

AEGEE Krım Muxtar Respublikasında keçirilən qanunsuz referendumu qınadı.

2015

AEGEE təşkilatın 30 -cu ildönümü ilə əlaqədar olaraq "Night of 7 European Citiesi"ni (7 Avropa Şəhərinin Gecəsi) yenidən canlandırır.

2016

AEGEE "Your Vision for EUrope" layihəsinə başlayır və "Night of 7 European cities" Bolqarıstanda Avropa Böyük Karl Gənclik Mükafatının qalibi olur.

2017

"Faces of Europe" (Avropanın simaları) və "Yay universitetləri" layihələri Avropa Böyük Karl Gənclik Mükafatı çərçivəsində mükafatlar alır.

2018

AEGEE Qafqaz regionunda ilk dəfə qanuni bir tədbir keçirir. Ermənistanın paytaxtı İrəvanda Avropa Planlaşdırma Görüşü  baş tutur.

2019

AEGEE "MINT" və "S.M.A.S.H." proqramlarını təqdim edir. Bu həm təşkilatın daxilində, həm də xaricində psixi sağlamlıq, cinsi təcavüz və zorakılıq haqqında fərqindəlik yaratmağı hədəfləyən layihələr idi. Hər iki layihə də Avropa Şurasının Avropa Gənclər Vəqfi tərəfindən maliyyələşdirilmişdir.

2020

AEGEE ünsiyyətdə gender problemlərinin inteqrasiyasını həll edən "HerMainY" layihəsinə başlayır. Layihə Avropa Şurasının Avropa Gənclər Fondu tərəfindən maliyyələşdirilir və "GENDERS" layihəsinin davamıdır.

AEGEE-nin həyata keçirdiyi layihələr və fəaliyyətinin əsas məqsədi gəncləri cəmiyyətdə fəal rol oynamağa həvəsləndirmək və gənc avropalılar arasında qarşılıqlı anlaşmanı gücləndirərək Avropanı gənclərə daha da yaxınlaşdırmaqdır.

AEGEE-nin missiyası:^[12]

• Vahid Avropa Məkanı ideyasını təşviq etmək;
•     Bu gün və gələcəyin tolerant cəmiyyətini formalaşdırmağa töhfə vermək;
•     Demokratiya, insan hüquqları, tolerantlıq, təhsildə sərhədlərarası əməkdaşlıq, mobillik və Avropaya inteqrasiyanı dəstəkləmək

•      Mədəni mübadilə;
•      Aktiv vətəndaşlıq;
•      Ali təhsil;
•       Sülh və stabillik.

- “Action Day” AEGEE-nin müxtəlif şəhərlərdəki lokallarında Sokrat Günü, Avropa Dillər Günü və ya Rəqs Günü kimi müxtəlif tematik tədbirlər təşkil etməyi hədəfləyən bir layihədir.

- AEGEE Eastern Partnership + Project (AEGEE Şərq Tərəfdaşlığı + Layihəsi) Avropa Birliyi ilə Şərq Tərəfdaşlığı ölkələri arasında AEGEE çərçivəsində əməkdaşlığı inkişaf etdirmək məqsədi daşıyan bir layihədir. Aİ və Şərq Tərəfdaşlığı ölkələrindəki vəziyyət haqqında əhəmiyyətli məlumat və təcrübə vermək , mədəniyyətlərarası mübadilə və əməkdaşlığı təmin etmək, əlaqələri genişləndirmək, iştirakçıların öyrənmə bacarıqlarını artırmaqla həm Aİ -də, həm də Şərq Tərəfdaşlığı ölkələrində demokratik, iqtisadi və sosial inkişafı təmin edir.

-“The AEGEE Election Observation” (AEGEE Seçki Müşahidəçiliyi) Avropada parlament seçkilərində gənclərin (18-30 yaş) təlim və müşahidəçi vəzifələrinə yerləşdirmə yolu ilə seçki prosesinə cəlb edən bir layihədir. Alınan hesabatlar gənclərin seçicilər, namizədlər və ümumiyyətlə seçki prosesinin iştirakçıları olaraq qarşılaşdıqları çətinliklərə yönəlib. AEGEE seçki müşahidə missiyaları həm AEGEE üzvləri, həm də üzv olmayanlar üçün açıqdır. 2014 -cü ildən bu yana 14 ölkədə 20 -dən çox missiyada 500 -ə yaxın müşahidəçi yerləşdirilib.

-“Case Study Trips” (Araşdırma məqsədli səyahətlər) müəyyən bir məsələni (məsələn, demokratiya, gənclik problemləri, yaşayış və öyrənmə standartları, millətçilik və azlıq problemləri) araşdırma məqsədli səyahətlər təşkil edən layihədir. (məsələn, demokratiya, gənclik problemləri, yaşayış və öyrənmə standartları, millətçilik və azlıq problemləri).

-“Europe on Track” (EoT) 2012, 2014-cü illərdə və 2016-cı ildən bəri hər il həyata keçirilən bir layihədir. Hər il seçilmiş iştirakçıların Avropanın gələcəyi ilə bağlı təsəvvür və ideyalarını müxtəlif tədbirlər vasitəsilə paylaşması üçün InterRail şirkətinin dəstəyilə qatarla Avropanın müxtəlif şəhərlərinə səyahət edirlər.

- “HerMainY” - layihə gender problemlərinin ünsiyyətə inteqrasiyasına yönəlib. Layihə Avropa Şurasının Avropa Gənclər Fondu tərəfindən maliyyələşdirilir və “GENDERS” layihəsinin davamıdır.

-“MINT” (Qeyri -formal Təhsildə Psixi Sağlamlıq) - layihə təşkilatda ruhi sağlamlıq haqqında məlumatlılığı artırır. Avropa Şurasının Avropa Gənclər Fondu tərəfindən maliyyələşdirilir.

- “S.M.A.S.H.” (Cinsi Zorakılığa Qarşı Struktur Tədbirlər) Avropa Şurasının Avropa Gənclər Vəqfi tərəfindən dəstəklənən və təşkilatın həm daxilində, həm də xaricində cinsi təcavüz haqqında məlumatlılığı artırmaq məqsədi daşıyan AEGEE layihəsidir. Bu layihə zamanı AEGEE, üzvlərinə cinsi təcavüzün aşkarlamaq və qarşısını almaq üçüntəlimlər keçir. Bundan əlavə, layihə gənc işçilər üçün "təhlükəsiz insan" olmağın yolları və yerli təşkilatlarında cinsi təcavüzü aradan qaldırmağa imkan verən bir sistemin tətbiq edilməsi ilə bağlı təlimatlar hazırlayır.

-“Yay Universitetləri” (SU) Avropaya inteqrasiyanı, Avropa qitəsinin multikultural ölçüsünün qarşılıqlı anlaşılmasını və öyrənilməsini, milli sərhədlərin aradan qaldırılmasını və tolerantlıq mübarizəsini təbliğ etmək üçün 1988 -ci ildə yaranan bir layihədir. Hal -hazırda Avropanın təxminən 60 yerində hər il 2000 -dən çox gəncin iştirak etdiyi təşkilat daxilində ən böyük layihədir.

- “Yvote?” (Niyə səs verməliyik?) Avropa Birliyindəki gəncləri Avropa seçkilərində məlumatlı seçim etməyə təşviq edən ümumavropa kampaniyasıdır. Layihə 2009 -cu ildə Avropa seçkilərindən əvvəl başlamış və 2014- 2019 -cu illərdə Avropa Parlamentinə seçkilər zamanı uğurla təkrarlanmışdır.

- “Trainings”(Təlimlər)- Hər il AEGEE üzvlərinə təxminən 8 beynəlxalq təlimdən (müxtəlif "Avropa Məktəbləri") və bir çox yerli təlimdən ibarət olan Beynəlxalq təhsil proqramında iştirak etməyi təklif edir. Təlimlər mühazirə və  praktiki nümunələr şəklində nəzəriyyə və təcrübədən ibarətdir.

- “Beyond the Europe: Perspectives for Tomorrow's World” - Layihə qlobal problemlərin öhdəsindən gəlmək üçün Avropada və həmçinin ondan kənarda olan gənclərin məlumatlandırılmasına, onları problemlərin həllində  iştiraka təşviq edilməsinə və dünya gənclər təşkilatları ilə mədəniyyətlərarası dialoqun gücləndirilməsinə yönəlib.

- The Bologna process (Bolonya prosesi) - hər bir fakültə və onun inkişafı üçün Avropada akademik və keyfiyyət standartlarını uyğunlaşdıraraq, Avropa Ali Təhsil Sahəsi yaratmağa yönəlmiş bir layihədir.^[13]

- BRIDGE: Connecting Ability and Disability(Bacarıq və Əlilliyin Birləşdirməsi) – Əlilliyi olan gənclərin AEGEE fəaliyyətlərinə cəlb edilməsini artırmaq, habelə əlil gənclərin fikirlərini dəyişdirmək- vətəndaş cəmiyyəti qurmağa və əməkdaşlıq qurmağa kömək edə biləcəklərini və etməli olduqlarını göstərən bir layihədir. cəmiyyətdə fəal iştirak edən əlil gənclərə kömək edən təşkilatlarla.

- Education for democracy(Demokratiya üçün təhsil)- layihənin məqsədi Cənubi Qafqaz və Qərbi Balkan ölkələrindən olan tələbələrə sabit bir demokratiyaya malik olan bir ölkədə bir tədris ili ərzində təhsil almaq imkanı vermək idi.

-EURECA (Avropa Təhsil Kampaniyası) - Avropa vətəndaşlarının gələcək inteqrasiyası üçün təhsilin əhəmiyyəti barədə fərqindəlik yaratmaq, dialoq qurmaq və açıq fikir mübadiləsi aparmaq, Avropa Birliyinin rolunu vurğulamaq məqsədi daşıyan bir təhsil layihəsi olaraq düşünülmüşdür. Avropa təhsili, medianın təsiri və yeni bir təhsil proqramı üçün bir təklifin inkişaf etdirilməsi.

- EuroArab - Layihənin məqsədi Avropa və ərəb gəncləri arasında mədəniyyətlərarası mübadilə apararaq, bu iki fərqli mədəniyyətlər arasında daha güclü və daha sıx əlaqələr quraraq stereotipləri və önyarğıları dağıtmaq idi.

-Europe on exchange- Məqsədi Avropa və qonşu ölkələrdəki bütün tələbə və gəncləri hərəkətlilik proqramlarına cəlb etmək olan bir layihədir.

- EurStory- ümumi Avropa tarixinin bir neçə aspektini təhlil edərək Avropa ölkələri arasında həmrəyliyi, qarşılıqlı anlaşmanı və tolerantlığı təmin etmək, orta məktəb şagirdlərində Avropa tarixinin birtərəfli baxışlarının təhlükələri haqqında tənqidi düşüncəni inkişaf etdirmək üçün bir layihədir.

-Health 4 youth (Gənclərin sağlamlığı) - layihənin məqsədi  Avropalı gənclər üçün sağlam həyat tərzinin əhəmiyyətini vurğulamaq və onu həyata keçirmək üçün gənclərə məlumat və vasitələr vermək idi.

-Socrates(Sokrat) - Avropada  olan bütün tələbə hərəkətliliyi təşəbbüslərinin təkmilləşdirilməsinə yönəlmiş bir layihə idi.

-Sustaining our future(Gələcəyimizi mühafizə etmək)- Layihənin məqsədi maarifləndirmə və Avropalı gəncləri davamlı inkişaf mövzusuna cəlb etmək idi.

-Take control (Nəzarətə al) - gənclərin Avropa siyasi prosesinə iştirakını gücləndirmək üçün hazırlanmış bir sıra təlim tədbirləri, konfranslar, siyasi kampaniyalar, təhsil və media tədbirlərindən ibarət bir layihə idi.

- “Where does the Europe end?”(Avropa harada bitir?) - İnsanların düşüncəsinə görə Avropanın fiziki və psixoloji sərhədlərini öyrənməyə yönəlmiş bir layihə. Layihə coğrafi olaraq Avropanın müxtəlif bölgələrini əhatə edən bir sıra konvensiyalar təşkil etdi. Burada iştirakçılar Avropa konsepsiyasını təqdim etmək, Avropa cəmiyyəti ilə bağlı müxtəlif mübahisəli mövzuları müzakirə etmək və Avropaya inteqrasiyanın gələcəyi üçün fərqli ssenarilər hazırlamaq üçün toplanmışdılar.

-YOUrope needs you(Avropanın sənə ehtiyacı var)- şagirdlərini fəal vətəndaş, könüllü olmağa və layihələrin idarəolunmasını öyrənməyə təşviq edən bir layihə.

-Youth Globalization(Gənclərin Qloballaşması)- tələbələrin öz baxış bucağından 21 -ci əsrdə qloballaşma proseslərinə siyasi, iqtisadi, mədəni və sosial baxımdan yanaşması və analizi.

-Youth UnEmployment(Gənclərin İşsizliyi)- layihə gənclərin məşğulluq imkanları haqqında məlumatlı olması, könüllülüyün iş təcrübəsi kimi tanınması və qeyri -formal təhsilin tanınması məqsədi daşıyırdı.

AEGEE-Europe  böyük platformalarda iştirak edir və bir çox beynəlxalq təşkilatla əməkdaşlıq edərək şagirdlərə proseslərin hər birinə bir baxış təqdim edir.

AEGEE-Avropa Avropa Gənclər Forumunun tam hüquqlu üzvüdür. AEGEE -nin idarə heyəti tarixində Avropa Gənclər Forumunun 2 nümayəndəsi olmuşdur.

AEGEE-Avropa ,həmçinin, Avropa Beynəlxalq Hərəkatının (EMI) tam hüquqlu üzvüdür.

AEGEE-Europe eyni zamanda Həyat Boyu Öyrənmə Platformasının (Life Long Learning Platform) tam hüquqlu üzvüdür.

AEGEE-Europe Avropa Vətəndaş Forumunun (ECF) qurucu üzvü və idarə heyətinin üzvləri idi. AEGEE-Avropa hər zaman AEGEE-Avropa prezidenti tərəfindən təmsil olunan ECF-nin idarə heyətində olmuşdur.

AEGEE-Avropa Avropa Şurası daxilində fəaliyyət göstərir. 2013-cü ildən etibarən AEGEE ard-arda Avropa Şurası Gənclər Məsləhət Şurasına üzv seçilmişdir. AEGEE, eyni zamanda, Gənclər Departamenti və Avropa Şurasının Avropa Gənclər Fondu ilə sıx əməkdaşlıq edir.

AEGEE-Avropa, UNESCO, ECOSOC, UNEP, UNFPA, UNDP və digər qurumlarla sıx əməkdaşlıq edərək Birləşmiş Millətlər Təşkilatında məsləhətçi statusuna malikdir.

AEGEE-Avropa Dünya Bankı, İqtisadi Əməkdaşlıq və İnkişaf Təşkilatı və ATƏT ilə əməkdaşlıq edir.

AEGEE-Europe IFISO-nun (Beynəlxalq Tələbə Təşkilatlarının Qeyri-rəsmi Forumu) üzvüdür.

Dərnəyin milli səviyyəsi yoxdur və Avropa daxilində mövcud milli sərhədləri tanımır.

Yerli qruplar şəbəkənin böyüməsini və inkişafını təmin etmək üçün Agora tərəfindən seçilmiş bir qrup təcrübəli üzvlər- Şəbəkə Komissiyası tərəfindən dəstəklənir. Xüsusilə, yerli insan resursları və tədbirin təşkili ilə bağlı məsləhətlər, təlimlərdə praktiki yardımlar göstərirlər. Hər bir Şəbəkə Komissarı hər hansı bir milli və ya regional bölünmənin qarşısını almaq üçün müəyyən bir ərazi daxilində olan yerli qrupların məsuliyyətini daşıyır.

Hər bir şəhər şöbəsi Komitə Direktorunun birbaşa nəzarəti altında deyil, öz yerli qanunlarına görə ayrı bir hüquqi qurumdur. Bununla birlikdə, AEGEE şəbəkəsinin bir hissəsi olmaq üçün potensial antenalar AEGEE nizamnaməsinin prinsiplərini qəbul etməli, Komitə Direktoru və Hüquq Komissiyası tərəfindən təsdiq edilməlidir. Konvensiya d'Adhésion adlı müqavilə imzalayırlar ki, bu da AEGEE -nin fəaliyyətsizlik və ya ciddi pozuntular halında yerli qrupun bağlanmasına imkan verir.

Yerli idarə heyəti tərəfindən müəyyən edilmiş üzvlük haqqı ödənildikdə, üzvlük ümumiyyətlə 35 yaşından kiçik olan hər kəs üçün açıqdır. Bir çox antenalar tanıtım fəaliyyətlərini öz universitetlərindəki tələbələrə cəmləşdirir və kənar adamlar tərəfindən o qədər də tanınmır.

Əksər AEGEE tədbirləri üzv olmayanlar üçün açıqdır. Lakin tədbir və layihələrin əksəriyyətində AEGEE yerli qruplarının üzvləri daha çox iştirak edir. Bəzi fəaliyyətlər, xüsusən də qanuni Agora və EPM'ler və Yay Universitetləri layihəsi yalnız AEGEE yerli şöbəsinin idarə heyəti tərəfindən təsdiqlənməli olan AEGEE üzvləri ilə məhdudlaşır.

AEGEE Fransada qurulduğu üçün, hələ də bir sıra fransız terminlərindən istifadə edir, lakin Avropa səviyyəsindəki əsas iş dili, indi də Agoranın rəsmi dili olaraq təyin olunan İngilis dilidir. Əksər antenalar yerli fəaliyyətləri üçün öz yerli dillərini istifadə edirlər, lakin yerli idarə heyəti üzvlərinin ümumiyyətlə ingilis dilində bilikləri olmalıdır.

Hazırkı idarə heyəti beş nəfərdən ibarətdir. Növbəti idarə heyəti vəzifəyə başlayana qədər qanuni altıncı və yeddinci idarə heyətinin vəzifələri boş qalır.

Agora ildə iki dəfə, yaz və payız semestrində keçirilən və orta hesabla 4-5 gün ərzində 600-dən 1000-ə qədər iştirakçı toplayan AEGEE-nin ən böyük tədbiridir.

•      Yeni qaydaların yaradılması və redaktə olunması
•      Şəbəkə nümayəndələrinin və idarə heyətinin seçimi
•     İnkişaf siyasəti və strategiyasının hazırlanması və təsdiqlənməsi
•   Avropa üzrə şöbələrin hesabatlarının yoxlanılması və təsdiqlənməsi
•     Nizamnaməyə və digər sənədlərə dəyişikliklər

AEGEE-nin hər il seçilən Avropa idarə heyəti, Brüsseldə baş ofisi olan Komitə Direktoru və bir sıra Avropa səviyyəsində olan işçi qrupları var.  AEGEE-nin tərkibində böyük muxtar yerli qruplar, antenalar şəbəkəsi mövcuddur. Aktiv üzvlər ildə iki dəfə yaz və payızda fərqli bir yerli qrupun ev sahibliyi etdiyi Agora adlı ümumi yığıncaqda bir araya gəlir. Agorada Avropa səviyyəsində olan vəzifələrə namizədlər seçilir, yerli şöbələr, işçi qrupları yaradılır və layihələr qurulur və ya ləğb edilir.. Layihələr və kampaniyalar hazırlamaq üçün nəzərdə tutulan və ümumiyyətlə qışın sonunda keçirilən daha kiçik illik Avropa Planlaşdırma Toplantısı (EPM) da var: EPM zamanı AEGEE, bütün AEGEE şəbəkəsi üçün Strateji Planını hazırlamaq üzərində işləyir.

Nömrə	Keçirilmə tarixi	Keçirilən məkan	Keçirilən ölkə
1	1986	Münhen	Almaniya
2	1986	Haydelberq	Almaniya
3	1987	Leyden	Niderland
4	1987	Sevilya	İspaniya
5	1988	Milan	İtaliya
6	1988	Orlean	Fransa
7	1989	Salamanka	İspaniya
8	1989	Salerno	İtaliya
9	1990	Paris	Fransa
10	1990	Bonn	Almaniya
11	1991	Amsterdam	Niderland
12	1991	Budapeşt	Macarıstan
13	1992	Kos-Afina	Yunanıstan
14	1992	Delft	Niderland
15	1993	Praqa	Çexiya
16	1993	Utrext	Niderland
17	1994	Münhen	Almaniya
18	1994	Monpelye	Fransa
19	1995	Amsterdam	Niderland
20	1995	Budapeşt	Macarıstan
21	1996	Valyadolid	İspaniya
22	1996	Afina	Yunanıstan
23	1997	Enshede	Niderland
24	1997	Ankara	Türkiyə
25	1998	Maastrixt	Niderland
26	1998	Hamburq	Almaniya
27	1999	Barselona	İspaniya
28	1999	Poznan	Polşa
29	2000	Utrext	Niderland
30	2000	Udine	İtaliya
31	2001	Konstansa	Ruminiya
32	2001	Ankara	Türkiyə
33	2002	Amsterdam	Niderland
34	2002	Afina	Yunanıstan
35	2003	Buxarest	Ruminiya
36	2003	Saraqosa	İspaniya
37	2004	Skopye	Şimali Makedoniya
38	2004	Turin	İtaliya
39	2005	Enshede	Niderland
40	2005	İzmir	Türkiyə
41	2006	Varşava	Polşa
42	2006	Neapol	İtaliya
43	2007	Valetta	Malta
44	2007	Əskişəhər	Türkiyə
45	2008	Lyublyana	Sloveniya
46	2008	Aaxen	Almaniya
47	2009	Famaqusta	Kipr
48	2009	Kiyev	Ukrayna
49	2010	Leyden	Niderland
50	2010	İstanbul	Türkiyə
51	2011	Alikante	İspaniya
52	2011	Skopye	Şimali Makedoniya
53	2012	Enshede	Niderland
54	2012	Budapeşt	Macarıstan
55	2013	Heydelberq	Almaniya
56	2013	Saraqosa	İspaniya
57	2014	Patras	Yunanıstan
58	2014	Kalyari	İtaliya
59	2015	Asturiya	İspaniya
60	2015	Kiyev	Ukrayna
61	2016	Berqamo	İtaliya
62	2016	Kişinyov	Moldova
63	2017	Enshede	Niderland
64	2017	Kataniya	İtaliya
65	2018	Krakov	Polşa
66	2018	İstanbul	Türkiyə
67	2019	Buxarest	Ruminiya
68	2019	Salerno	İtaliya
69	2020	Onlayn
70	2020	Onlayn
71	2021	Onlayn
72	2021	Onlayn
73	2022	Novi-sad	Serbiya

2004-cü ildə bir neçə Avropaya inteqrasiya ideyalı azərbaycanlı tələbə yerli şöbə- antennanın açılması təşəbbüsü ilə çıxış etmiş və artıq həmin ildə Avropa komandası ilə birgə bir neçə kiçik həcmli tədbir həyata keçirmişlər. Hal-hazırda Azərbaycanda AEGEE-nin bir yerli şöbəsi- AEGEE-Bakı mövcuddur. Fəaliyyət dövründə AEGEE-Bakı təşkilatı Azərbaycan gənclərinin Avropaya inteqrasiyasına əsaslı töhfə vermiş bir çox gənclər mübadiləsi proqramı həyata keçirmişdir. Təşkilat avqustun 10-u 2007 (qeydiyyat nömrəsi 1107-Q19-2432) üzrə Ədliyyə Nazirliyi tərəfindən qeydiyyata alınmışdır.

• AEGEE-nin rəsmi veb-saytı
• AEGEE-Baki-nın rəsmi veb-saytı