Azərbaycan qoruqları

Azərbaycanda 10 milli park, 10 dövlət təbiət qoruğu, 2 qeydiyyatda olmayan qoruq,24 dövlət təbiət yasaqlığı, yaşı 100-dən yuxarı 2083 ağac, 37 geoloji və paleontoloji obyektlər və 15 min hektar endemik və qiymətli meşə növü sahələri vardır.

Respublikada xüsusi mühafizə olunan təbiət ərazilərinin sahəsi 594939,1 hektardır və ümumi ərazinin 7%-ni təşkil edir.

Bununla yanaşı bir Qobustan Dövlət Tarixi-Bədii Qoruğu və Bakı Dənizkənarı Milli Park (ərazisi 80 hektar) fəaliyyət göstərirlər.

Respublika rəhbərliyinin Azərbaycanın təbii sərvətlərinin mühafizəsinə və inkişafına dair tələblərin həyata keçirilməsi ilə əlaqədar xüsusi mühafizə olunan təbiət əraziləri şəbəkəsinin və həmin ərazidəki bioloji müxtəlifliyin qorunması sahəsində ardıcıl, məqsədyönlü və intensiv iş aparılır.

Artıq Azərbaycan Respublikası Nazirlər Kabinetinin müvafiq sərəncamları ilə Türyançay Dövlət Təbiət Qoruğu, Pirqulu Dövlət Təbiət Qoruğu, İsmayıllı Dövlət Təbiət Qoruğu, Qarayazı Dövlət Təbiət Qoruğu və İlisu Dövlət Təbiət Qoruğu əraziləri 36,6 min ha. genişləndirilmiş və həmin qoruqların ümumi sahəsi 70,7 min ha çatdırılmışdır, Naxçıvan MR-da Ordubad Milli Parkı (12131 ha.) və Şahbuz Dövlət Təbiət Qoruğu (3139 ha.), Şirvan Milli Parkı (54374 ha.), Ağ-göl Milli Parkı (17924 ha.), Hirkan Milli Parkı (21435 ha.), Altıağac Milli Parkı (11035 ha.), Abşeron Milli Parkı (784 ha.), Eldar Şamı Dövlət Təbiət Qoruğu (1686 ha.), Qax rayonunda Qax Dövlət Təbiət Yasaqlığı (36836 ha.) yaradılmışdır.

Şəkil	Qoruğun adı	Yerləşdiyi rayon	Sahəsi (ha)	Yaradılma tarixi
	Göygöl	Göygöl	6739	1925
	Qızılağac	Lənkəran	88 400	1929
	Zaqatala	Zaqatala	23 800	1929
	Türyançay	Şəki	22 500	1958
	Pirqulu	Şamaxı	4274	1968
	Şirvan	Şirvan	6232	1969
	Qarayazı	Ağstafa	9568	1978
	Bəsitçay	Zəngilan	107	1974
	İsmayıllı	İsmayıllı	5778	1981
	Qaragöl	Laçın	240	1987
	İlisu	Qax	17 381	1987
	Şahbuz	Şahbuz	3139	2003
	Eldar Şamı	Samux	392	2004
	Korçay	Goranboy	4833,6	2008

Azərbaycanın qorunan təbiət əraziləri
Milli parklar	Abşeron Ağgöl Altıağac Göygöl Hirkan Qızılağac Samur-Yalama Şahdağ Şirvan Zəngəzur
Qoruqlar	Altıağac Bəsitçay Eldar Şamı Göygöl İlisu İsmayıllı Korçay Qaragöl Qarayazı Qızılağac Qobustan Palçıq vulkanları Pirqulu Şahbuz Şirvan Türyançay Zaqatala
Yasaqlıqlar	Arazboyu Arpaçay Bəndovan Bərdə Daşaltı Gil adası Hirkan Korçay Qax Qarayazı-Ağstafa Qəbələ Qızılca Qubadlı Qusar Laçın Ordubad Şəki Şəmkir Rvarud Zaqatala Zuvand
Ramsar yerləri	Ağgöl Qızılağac
Vikianbar kateqoriyası • Kateqoriya