Hadı Rəcəbli

Hadi Musa oğlu Rəcəbli (Rəcəbov) (25 oktyabr 1947, Viravul, Lənkəran rayonu – 17 aprel 2024, Bakı) — Azərbaycan Respublikasının Milli Məclisinin I–V çağırış deputatı (1995–2020), Əmək və Sosial Siyasət Komitəsinin sədri, siyasi elmlər doktoru, professor.

Hadi Rəcəbli
Azərbaycan Respublikasının Milli Məclisinin I–V çağırış deputatı
24 noyabr 1995 – 10 mart 2020
Azərbaycan Kommunist Partiyası Şəki Şəhər Komitəsinin birinci katibi
7 dekabr 1983 – 26 noyabr 1988
Əvvəlki	Nurəddin Mustafayev
Sonrakı	Azər Mustafazadə
Lənkəran Şəhər Xalq Deputatları Soveti İcraiyyə Komitəsinin sədri
1980 – 1981
Əvvəlki	Əliddin Qurbanov
Sonrakı	Mirsəmid Abbasov
Şəxsi məlumatlar
Doğum adı	Rəcəbli Hadi Musa oğlu
Doğum tarixi	25 oktyabr 1947(1947-10-25)
Doğum yeri	Viravul, Lənkəran rayonu, Azərbaycan SSR, SSRİ
Vəfat tarixi	17 aprel 2024(2024-04-17) (77 yaşında)
Vəfat yeri	Bakı, Azərbaycan
Vəfat səbəbi	ürək tutması
Dəfn yeri	II Fəxri Xiyaban
Partiya	Yeni Azərbaycan Partiyası, Sovet İttifaqı Kommunist Partiyası (1970–1991)
Təhsili	Azərbaycan Respublikasının Prezidenti yanında Dövlət İdarəçilik Akademiyası
Fəaliyyəti	alim, siyasətçi
Elmi fəaliyyəti
Elmi dərəcəsi	siyasi elmlər doktoru[d]
Təltifləri	2007 2017 1986 1976

Hadi Musa oğlu Rəcəbli 1947-ci il oktyabrın 25-də Lənkəran rayonunun Viravul kəndində anadan olmuşdur. Moskva Yeyinti Sənayesi İnstitutunun texnologiya fakültəsini və Bakı Ali Partiya məktəbini bitirmişdir. 1963-cü ildən Lənkəran çörək zavodunda fəhlə, mühasib, texnoloq, iqtisadçı işləmişdir. 1971-ci ildən Lənkəran Şəhər Komsomol Komitəsinin ikinci katibi, 1972-ci ildən birinci katibi, 1978-ci ildən "Bakinski raboçi" qəzetinin xüsusi müxbiri, 1980-ci ildən Lənkəran Şəhər İcraiyyə Komitəsinin sədri olmuşdur. 1981-ci ildən Azərbaycan KP MK-nın inspektoru, 1983-cü ildən Şəki Şəhər Partiya Komitəsinin birinci katibi, 1989–1995-ci illərdə Azərbaycan Respublikasının Nazirlər Kabinetində referent, aparıcı mütəxəssis, bölmə müdiri, şöbə müdirinin müavini, şöbə müdiri vəzifələrində çalışmışdır.

Ehtiyatda olan mayor olmuşdur. 9 kitabın və 220-dən çox elmi-publisistik məqalənin müəllifidir. Azərbaycanda ilk siyasi elmlər namizədidir.

Yeni Azərbaycan Partiyası Siyasi Şurasının üzvü olmuşdur. On birinci çağırış Azərbaycan SSR Ali Sovetinin, birinci, ikinci, üçüncü, dördüncü və beşinci çağırış Azərbaycan Respublikası Milli Məclisinin deputatı seçilmişdir.

17 aprel 2024-cü ildə vəfat edib.^[1] İkinci Fəxri Xiyabanda dəfn olunub.^[2]

• "Əmək igidliyinə görə" medalı (1976),
• "Əmək rəşadətinə görə" medalı (1977),
• "Şərəf" nişanı (1986),
• "Şöhrət" ordeni (2007),
• İkinci dərəcəli "Vətənə xidmətə görə" ordeni (2017) ilə təltif edilmişdir.

Evlidir, 4 övladı, 10 nəvəsi var. Bakı Slavyan Universitetinin sabiq rektoru Nurlana Əliyeva ilə qudadır.^[3] Deputat Fariz İsmayılzadənin dayısıdır.^[4]

Media forum. Hadı Rəcəbli "Şöhrət" ordeni ilə təltif olunub. ^{[ölü keçid]}

• H. M. Rəcəblinin "Şöhrət" ordeni ilə təltif edilməsi haqqında Azərbaycan Respublikası prezidentinin fərmanı.
• Yeni Milli Məclisdə Şəkini təmsil edəcək 4-cü deputat, telefonu və ürəyi açıq olan şəxs — Hadi Rəcəbli.