1. AĞARMAQ, BƏYAZLANMAQ (ağ rəng almaq)
2. AĞARMAQ (saç, saqqal və başa dən düşmək) O, indi artıq qocaldığından saçı, saqqalı ağarmış, çalışmaq qabiliyyətini xeyli itirmiş olduğundan ağır işləri oğlu Səfərə buraxmış, özü bir az istirahətə başlamışdı (A.Şaiq); ÇALLAŞMAQ/ÇALLANMAQ İndi Rüstəmin qara gur saçları çoxdan seyrəklənmiş və çallaşmışdı (M.İbrahimov); DƏN DÜŞMƏK (fr.v.) Saçıma dən düşsə, qoy düşsün, nə qəm (R.Rza).
3. AĞARMAQ Xosrov onun kağız kimi ağardığını gördü və özünü irəli atdı.. (M.İbrahimov); RƏNGİ SOLMAQ (QAÇMAQ), SOLMAQ (bax).