AXTARMAQ Dənizlərdə inci yox, səni gəzdim üzərək; Tək səni axtarmışam, möhnətlərə dözərək (M.Rahim); ARAMAQ (tapmağa çalışmaq) Qartal gəlir, ov arayır, ağlı gedir, qanadları gərilir (B.Bayramov); ARAŞDIRMAQ (yoxlayaraq axtarmaq) Kərim bəy əlini cibinə salıb araşdırdı (Mir Cəlal); GƏZMƏK (gəzərkən soraqlayıb tapmaq) [Koxa:] Yenə gözlərindən yağır qəzəb, kin; De görüm, meşədə kimi gəzirdin? (S.Rüstəm); ARAŞMAQ (qəd.) Kimin kim eşq bağlar əl-ayağı, dəxi açılmaz; Bu müşkül menini çox kimsədən Qövsi araşıbdır (Qövsi).