1. İdarənin, müəssisənin, təşkilatın və ya bir şəxsin yazı-pozu işlərini aparan adam. Dəftərxana katibi. Məhkəmə katibi. İdarə katibi. Yerli komitə katibi.
– Katib fərmanı oxuyandan sonra qiymətli bir xələt gətirib vəliəhdin çiyninə saldılar.
2. İclasın, yığıncağın və s.-nin protokolunu yazan şəxs. İclasın katibi.
3. Hər hansı bir təşkilatın seçilmiş rəhbəri.
Katib dəstəyi qaldırıb, bir an qulaq asdıqdan sonra soyuqqanlıqla dedi: – Bəli, buraxın gəlsinlər.
4. Hər hansı bir idarənin təşkilat və icra şöbəsinin başında duran şəxs. Qəzet redaksiyası katibi. Jurnalın katibi.
5. köhn. Yazan, yaxşı qələmi olan.
Əzəl katibləri üşşaq bəxtin qarə yazmışlar.
Mən aşıq, yaza dərdim; Katib yox, yaza dərdim; Fəqir bülbüllər kimi; Qalıbdır yaza dərdim.
◊ Dövlət katibi – ABŞ-da xarici işlər nazirinin adı.
Elmi katib – elmi idarənin cari işlərinin təşkilinə cavabdeh olan şəxs. İnstitutun elmi katibi.
