radiola

Şüalılar(lat. Radiolaria ) protozoylar aləminə daxil olan yarımtip. Şüalılar — plankton həyat tərzi keçirən dəniz sarkodinləridir. Onlar yüksək duzluluğa malik isti dənizlərdə daha çox üstünlük təşkil edirlər. Əksər şüalıların bədəni şar şəklində olub, yalançı ayaqları şüa şəklində yerləşmişdir. Şüalıların bədəninin endoplazma və ektoplazma ilə əhatə olunmuş mərkəzi hissəsi bir və ya bir neçə nüvəyə malikdir. Bu hissə şüalılar üçün xarakterik olan xitinli mərkəzi kapsulanı əmələ gətirir . Mərkəzi kapsulanın daxili hissəsi kapsuladaxili sitoplazma, xarici hissəsi isə kapsuladankənar sitoplazma adlanır. Bəzən kapsuladankənar sitoplazmanın tərkibində müxtəlif piqment və şirələr olur. Mərkəzi kapsula çoxlu dəliklərə malikdir.

Radiolaritlər — 50%-dən çox hissəsi radiolariya skeletlərindən təşkil olunmuş, zəif və ya möhkəm sementləşmiş, əsasən silisiumlu orqanogen çöküntülər. Radiolariya qabıqları silisium oksidindən (bəzən xalsedon və ya kvars) təşkil olunur. Bəzən qarışıq kimi fosfat, gil, alevrit materialı, qlobulyar opal, diatomea, spikula, silisiumlu süngər qalıqları və b. iştirak edir. Müxtəlif rəngli (sarımtıl, boz, qırmızı) olur. Geologiya terminlərinin izahlı lüğəti. Bakı: Nafta-Press, 2006.

Senecio radiolatus (lat. Senecio radiolatus) — mürəkkəbçiçəklilər fəsiləsinin xaçgülü cinsinə aid bitki növü.