I
сущ. университет:
1. высшее учебно-научное заведение с различными гуманитарными и естественноматематическими отделениями (факультетами). Bakı Slavyan Universiteti Бакинский славянский университет, özəl universitetlər частные университеты; universitetə daxil olmaq поступить в университет, universitetdə oxumaq учиться в университете, universiteti bitirmək окончить университет
2. учебное учреждение по повышению общеобразовательных и научно-политических знаний. Xalq mədəniyyat университети народный университет культуры
II
прил. университетский:
1. относящийся к университету. Universitet kitabxanası университетская библиотека
2. связанный с пребыванием, обучением в университете. Universitet yoldaşım мой университетский товарищ
3. связанный с окончанием университета. Universitet diplomu университетский диплом, universitet təhsili университетское образование
Universitet
Universitet (lat. Universitas – birgəlik, ümumilik), köhnə mənbələrdə Darülfünun — ali məktəb olub konkret fundamental və tətbiqi sahələr üzrə mütəxəssislərin hazırlanması ilə məşğuldur. Bundan əlavə universitetlərdə elmi işlər də aparılır. Müasir universitetlər elmi pedaqoji vəhdət kimi fəaliyyət göstərirlər, onların nəzdində bir neçə ixtisas üzrə tədris işlərini həyata keçirən fakültələr olur. Universitetlər tədris planlarının hazırlanmasında və həyata keçirilməsində, elmi işlərin aparılmasında sərbəstliyə və akademik dərəcələrin (diplom və doktor dərəcələrinin) verilməsində üstünlüklərə malikdirlər. Azərbaycanda universitetlərin strukturu keçmiş SSRİ-də yaradılmış və bu günə kimi qalmaqdadır. Bu xarici ölkələrdə olanlardan nisbətən fərqlidir.
Qədimdə ümumi biliyin və saxlanması və tətbiqi üçün cavabdeh olan, xalqın elitar qrupun təhsili fərdi şəkildə atalar və ya şəxsi muəllimlər tərəfindən yerinə yetirilmişdir. Böyüməkdə olan nəsl elə bir başa iş zamanı öz peşəsinə yiyələnir və lazımı biliklərə sahib olurdular. Məktəb mədəniyyətinin başlanğıcında təsadüf olunan bu hal qədim Misir dövləti üçün xarakterik idi.
Narxoz (universitet)
Narxoz universiteti (qaz. Нархоз университеті) — Qazaxıstanda bir universitet, İqtisadiyyat, iş, maliyyə və hüquq sahələrində təhsil verən Almatı şəhərində. 1963-cü ildə yaradılan, 2016-cı ildən indiki adını daşıyır. Universitetə təlim, tədqiqat mərkəzləri, elmi və təhsil şöbələri, Qazaxıstanın bölgələrindəki 5 nümayəndəlik, iqtisadi kollec daxil olmaqla 4 peşə məktəbi daxildir.
1963-cü ildə SSRİ Hökümətinin 9 May 1963-cü il tarixli fərmanı ilə Almatı Xalq Təsərrüfatı İnstitutu quruldu.
1991-ci ildə Qazaxıstan Respublikası Hökumətinin qərarı ilə Almatı Xalq Təsərrüfatı İnstitutu Qazaxıstan Dövlət İqtisad Universitetinə çevrildi.
1993-cü ildə Qazaxıstan Respublikası Prezidentinin Fərmanı ilə KSPEU Qazaxıstan Dövlət İdarəetmə Akademiyasına (KSAU) çevrildi.
1999-cu ildə Astana şəhərində KSAM-ın (indiki Qazaxıstan İqtisadiyyat, Maliyyə və Beynəlxalq Ticarət Universiteti) filialı olan İqtisadiyyat və Maliyyə İnstitutu açıldı.
2000-ci ildə KSAM Qazaxıstanın görkəmli dövlət xadimi, siyasi və ictimai xadimi, mütəfəkkir və iqtisadçı Turar Rıskulovun şərəfinə adlandırıldı.
2001-ci ildə Qazaxıstan Respublikası Hökumətinin Fərmanı ilə Akademiya Turar Rıskulov adına Qazaxıstan İqtisad Universitetinə çevrildi.
Səyyar universitet
Səyyar universitet (pol. Uniwersytet Latający) — üç müxtəlif gizli ali təhsil müəssisəsinin qeyri-rəsmi adı. Bunlardan birincisi 1885-ci ildən 1905-ci ilədək Polşa Çarlığında, o birilər 1977-dən 1981-dək Polşa Xalq Respublikasında fəaliyyət göstərmişdilər. PXR dövründə fəaliyyət göstərən iki müəssisə 1885-ci ildən Polşa Çarlığında fəaliyyət göstərmiş və 1905-ci ildən sonra rəsmi Elmi kursları cəmiyyətinə (pol. Towarzystwo Kursów Naukowych), o da öz növbəsində 1918-ci ildə Azad Polyak Universitetinə çevrilmiş gizli birinci Səyyar universitetlə mənəvi əlaqənin mövcudluğuna iddialıydılar. “Səyyar universitet” adı təhsil müəssisələrinin qanuni yerlərinin olmadığı və tələbələr üçün mühazirələrini daim müxtəlif konspirativ yerlərdə keçirdiklərindən gizli vəziyyətindən irəli gəlirdi..
Belə təhsil müəssisələrinin yaradılmasının məqsədi polşalı gənclərə hakim iqtidarın qoyduğu ideoloji tələb və çərçivələrin nəzarətində olmayan təhsil vermək imkanının yaradılması idi. XIX əsrdə Polşada geniş almanlarşdırma və ruslaşdırma siyasəti aparılırdığından burada əsas diqqət polyak özünüdərkinə aid elmi fənnlərin tədrisinə yetirilirdi .
Polşa Çarlığı dövründə Səyyar universitetin yaradılması və təşkili təcrübəsi 1939-1944-cü illərdə alman işğalı zamanı polşalı professor-müəllim heyətinə buna bənzər ali kursların təşkilində yardımçı olmuşdur. İkinci dünya müharibəsi illərində gizli ali kurslar Gizli Polşa dövləti quruluşunun və mülki müqavimətin əsas elementlərindən biri idi.
Azərbaycan Universitet Kolleci
Azərbaycan Ali Təhsil İnstitutu (fars. موسسه آموزش عالی آذرآبادگان) və ya Azərbaycan Universitet Kolleci (ing. University College of Azarabadegan) — İranın Urmiya şəhərində özəl biznes məktəbi. Məktəb 2006-cı ildə təsis olunmuşdur.
Bizim Universitet (1969)
Bizim universitet qısametrajlı sənədli televiziya filmi rejissor Arif Qazıyev tərəfindən 1969-cu ildə çəkilmişdir. Azərbaycan Televiziyasında istehsal edilmişdir. Film Azərbaycan Dövlət Universitetinin (indiki BDU) 50 illiyinə həsr olunmuşdur.
== Məzmun ==
Film S.M.Kirov adına Azərbaycan Dövlət Universitetinin (indiki BDU) 50 illiyinə, onun tarixinə və müasir həyatına həsr olunmuşdur.
Dublin Universitet Kolleci
Dublin Universitet Kolleci (irl. An Coláiste Ollscoile, Baile Átha Cliath) — İrlandiyanda, Dublin şəhərində yerləşən və ölkənin ikinci ən böyük ali təhsil müəssisəsi.
== Tarixi ==
Dublin Universitet Kollecinin tarixi 1854-cü ildə yaradılmış İrlandiya Katolik Universiteti ilə bağlıdır. Həmin dövrdə irlandiyalı katoliklərə katolik azadlığından sonra daha yüksək dərəcəli təhsil vermək üçün kardinal Pol Kallenin rəhbərliyi altında universitet yaratmaq ideyası irəli sürülür.
XIX əsrdə İrlandiyada konfessional (dini) təhsil məsələsi mübahisəli idi. Katolik məktəblər iyerarxiyası Qoluey, Belfast, Kork şəhərlərində yerləşən "Allahsız kolleclər"ə təsir göstərmək, Dublin Triniti Kollecini katolik alternativi ilə təmin etmək niyyətində idilər. Dublin Triniti Kolleci anqlikan (İngiltərədə protestant dininin bir qolu) yönümlü ali məktəb olsa da, 1780-ci ildən burada katoliklər də təhsil almağa başlayır, lakin universitetin dini sənədində katoliklərin kollecin rəhbər orqanlarında vəzifə tutmasının istisnası haqqında göstəriş öz əksini tapır. 1850-ci ildə İrlandiyanın Törls şəhərində Katolik Universitet yaratmaq haqqında qərar qəbul olunur. Nəticədə, 1854-cü ildə İrlandiyada yeni Katolik Universiteti yaradılır və müqəddəs Con Henri Nyumen universitetin birinci rektoru təyin olunur. Daha sonra universitetin 3 binası fəaliyyətə başlayır: Maykl Flannerinin nəzarəti altında Sent-Patrik və ya Universitet binası, Ceyms Kuinnin rəhbərliyi altında Sent-Lourens və Nyumenin şəxsi nəzarəti altında Sent-Meri binaları.
London Universitet Kolleci
London Universitet Kolleci (ing. University College London) — Londonun mərkəzində, Qover küçəsində (ing. Gower street) yerləşən London Universitetinin ilk və ən iri məktəbi.
Əsası 1826-cı ildə qoyulan və London Universiteti adlanan məktəb İngiltərədə yaradılmış üçüncü ali təhsil ocağı hesab olunur.
Kollec Britaniyanın "Universitetlərin Rassel Qrupu", "G5" adlanan elit universitetləri sırasına, Avropa Universitetləri Assosiasiyasına və Avropa Tədqiqat Universitetləri Liqasına daxildir. London Universitetinin digər məktəbləri ilə birlikdə, London Universitet Kolleci (LUK) Oksford və Kembric Universitetləri ilə yanaşı "Qızıl üçbucaq" adlı üçlük yaradır.
London Universitet Kollecinin ştatına 53 London Kral Cəmiyyəti, 51 Britaniya Akademiyası, 15 Kral Mühəndislik Akademiyası və 117 Tibb Elmləri Akademiyasının üzvləri daxildir. Ali məktəbin keçmiş və indiki tələbələri, fakültə üzvlərindən 29u Nobel mükafatına layiq görülmüşdür (fəxri məzunlar və elmi işçilər nəzərə alınarsa, 40 Nobel mükafatı laureatı). İki məzun və hal-hazırkı fakültə üzvlərindən biri Riyaziyyat üzrə Filds medalına layiq görülmüşlər.
Böyük Britaniya universitetləri arasında dövlət büdcəsindən maliyyələşən (araşdırmalara ayrılan büdcə hissəsindən) universitetlərin ilk üçlüyünə daxil olan LUK (UCL) son illərdə ABŞ-nin Yel Universiteti ilə birgə multidisiplinar əməkdaşlığa başlamışdır.
Qarissa Universitet Kolleci
Qarissa Universitet Kolleci (ing. Garissa University College) — Keniyanın Şimal-Şərq əyalətin Qarissa adlı şəhərində yerləşən ali təhsil müəssisəsi.
Universitet bulvarı (Səmərqənd)
Universitet bulvarı (Səmərqənd) (özb. Universitet xiyoboni) — Səmərqənd şəhərinin mərkəzi küçələrindən biri. Əvəlki adları Abramov bulvarı və Maksim Qorki adına bulvar olmuşdur. Küçə Səmərqənd şəhərinin ən tarixi və görməli yerlərindən sayılır. Əsasının qoyulması XIX əsrin sonlarında Səmərqənd şəhərinin Rusiya imperiyası tərəfindən işğalından sonraya təsadüf edir. Bu səbəbdən küçədə əsasən XIX əsr və XX əsr binaları çoxluq təşkil edir.
Universitet Bulvarı Səmərqəndin mərkəzi hissəsində yerləşir. Universitet Bulvarının ortasında hündür ağaclar parkı var. Bu park sayəsində küçə iki hissəyə ayrılır. Bulvar Registan, Bustonsaroy, Şoxrux Mirzo, Mustakillik, Bəxtiyora Həmidov, Abdurahmon Cami, Orzu Mahmudov, Nurabad və Usman Yusupov küçəsləri ilə kəsiçir.
Yeddi Milli Universitet
Yeddi Milli Universitet (yap. 国立七大学) — Yaponiya İmperatorluğu tərəfindən 1877-ci və 1939-cu illərdə yaradılmış 9 universitetdən hazırda Yaponiyada yerləşən 7 universitetə verilən ümumi ad. Digər iki universitetdən 1-i Koreyada, digər 1-i isə Tayvanda yerləşir.
Hokkaydo Universiteti;
Kyoto Universiteti;
Kyusyu Universiteti;
Naqoya Universiteti;
Osaka Universiteti;
Tohoku Universiteti;
Tokio Universiteti.
Bar-İlan adına Universitet
Bar-İlan adına Universitet (BIU, ivr. אוניברסיטת בר-אילן) — Ramat-Qanda, İsraildə universitet. 1955-ci ildə yaradılıb və dini sionizm hərəkatının lideri Meir Bar-İlanın şərəfinə adlandırılıb. Universitet dini yəhudi təhsil ilə adi ali təhsili birləşdirmək üçün yaradılıb.
== Fakültələr ==
İudaika
Hüquq
İctimai elmlər
Humanitar elmlər
Dəqiq elmlər
Biologiya
Universitetdə pedaqogika, sosial işçilər, biznes və mühəndis məktəbləri vardır. Universitet tərkibində həmçinin fizika, tibbi kimya, riyaziyyat, beyin tədqiqatları, psixloji tədqiqat, iqtisadiyyat, musiqişünaslıq, arxeologiya, yəhudi hüququ (Qalaxa) və nanotexnologiya elmi-tədqiqat institutları vardır.
Ben-Qurion adına universitet
Negevdə Ben-Qurion adına Universitet (ivr. אוניברסיטת בן-גוריון בנגב; ing. Ben-Gurion University of the Negev, qısaca BGU) — İsrailin Beer-Şeva şəhərində yerləşən ali təhsil müəssisəsi. Kampusları həmçinin Sde Boker və Eylatda vardır.
İsrailin cənubunda bir neçə akademik kolleci himayə edir, məsələn, Pinxas Sapira adına kollec, Beer-Şeva mühəndis kolleci və s. 2010-cu ildə tələbələrin sayı 18 347 idi.
== Universitetin tərkibi ==
Universitet İsrailin ən böyük təhsil və tədqiqat mərkəzlərindən biri sayılır.
Universitetin aşağıdakı fakültələri vardır:
Təbiət elmləri fakültəsi
Mühəndis fakültəsi
Humanitar və ictimai elmlər fakültəsi
Sağlamlıq və tibb fakültəsi
İdarəetmə məktəbi
Səhranı öyrənən beyməlxalq institut
Dərin təhsil Kraytman məktəbi
Universitetin tərkibində həmçinin aşağıdakı böyük tədqiqat institutları vardır:
Neqevedə biobiotexnologiya milli institutu
Ceykob Blauşteyn adına səhraları öyrənmə institutu (Albert Kats adına səhraları tədqiqat beynəlxalq məktəbi daxil olmaqla)
İsrail və sionizmi öyrənmək üzrə Ben-Qurion tədqiqat institutu.
Bizim universitet (film, 1969)
Bizim universitet qısametrajlı sənədli televiziya filmi rejissor Arif Qazıyev tərəfindən 1969-cu ildə çəkilmişdir. Azərbaycan Televiziyasında istehsal edilmişdir. Film Azərbaycan Dövlət Universitetinin (indiki BDU) 50 illiyinə həsr olunmuşdur.
== Məzmun ==
Film S.M.Kirov adına Azərbaycan Dövlət Universitetinin (indiki BDU) 50 illiyinə, onun tarixinə və müasir həyatına həsr olunmuşdur.
Liman Şəhərlərinin Universitet Liqası
Liman Şəhərlərinin Universitet Liqası (ing. Port-City University League və ya qısaca ing. PUL) — dünyanın böyük liman şəhərlərində yerləşən universitetlərin beynəlxalq birliyi.
== Tarixi ==
2006-cı ildə təsis edilmişdir. İlk ümumi yığıncağı da elə həmin il Yaponiyanın Yokohama şəhərində keçirilmişdir.
== Üzvləri ==
2014-cü ilin dekabr ayına olan məlumata görə liqaya 12 ölkədən 15 ali məktəb üzvdür.
Qarissa Universitet Kollecinə hücum
Qarissa Universitet Kollecinə hücum (ing. Garissa University College attack) - Keniyanın Şimal-Şərq əyalətinin Qarissa adlı şəhərində baş vermiş silahlı hücum. Terror aktı bölgədə aktiv olan Əş-Şəbab terror təşkilatı tərəfindən Qarissa şəhərində fəaliyyət göstərən Qarissa Universitet Kollecinin tədris binasına təşkil edilmişdir. Hadisə nəticəsində 148 nəfərin həlak olduğu, 78 nəfərin isə yaralandığı açıqlanıb.
Qarissa şəhəri Keniyanın Şimal-Şərq əyalətinə daxildir və əyalətin mərkəzi şəhəri hesab olunur. Şəhərin Somali sərhəddinə olan məsafəsi təxminən 200 kmdir. Qarissada əyalətin idarə mərkəzləri, hərbi düşərgələr və polis mərkəzləri yerləşir. Əl-Qaidənin Somalidə olan qolu olaraq qəbul edilən Əl-Şahab tərəfindən Keniyanın Somali ilə sərhəd ərazilərindən təşkil edilən intiqam hücumları zamanı son iki il ərzində 200 nəfərdən çox şəxs həlak olmuşdur. Əl-Şahab Keniya hökümətini beynəlxalq güclərlə əlbir olaraq onlara qarşı birləşməkdə günahlandırmaqdadır. Əl-Şahab tərəfindən xüsusi ilə Keniyanın turizm bölgələri hədəf alınır.
Universitet Prezidentlərinin Beynəlxalq Assosiasiyası
Universitet Prezidentlərinin Beynəlxalq Assosiasiyası (UPBA) ali təhsil müəssisələrinin yüksək vəzifəli icraçılarının daxil olduğu beynəlxalq qurumdur. UPBA 1964-cü ildə Oksfordda yaradılmışdır. Təşkilata üzvlük məhdud olub, regional akkreditasiyaya malik universitetlərin prezidentləri, rektorları və rektor müavinlərinə şamil edilir. Hal-hazırda 316 üzvü var.
Qurumun əsas məqsədi ali təhsil müəssisələrinin beynəlxalq missiyalarının və təhsil keyfiyyətini yüksəltməkdir.
Birlik qeyri-hökumət təşkilatı olaraq Birləşmiş Millətlər Təşkilatının İqtisadi və Sosial Şurasında və YUNESKO-da məsləhət hüququna malikdir. Mənzil-qərargahı Nyu-York şəhərində United Nations Plaza-da yerləşir.
Hər üç ildən bir universitetlərin rəsmi şəxslərinin iştirakı ilə assosiasiyanın toplantısı keçirilir.
UPBA 1964–cü ildə Amerika Birləşmiş Ştatları, Cənubi Koreya, Puerto-Riko, Filippin və Liberiyadan olan universitet rəhbərlərinin iştirakı ilə yaradılmışdır. Açılış konfransı isə 1965-ci ilin iyun ayında İngiltərənin Oksford şəhərində baş tutmuşdur.
Universitet başçıları şurası (İsrail)
Universitet başçıları şurası (ivr. ועד ראשי האוניברסיטאות) — İsraildə universitetlərarası təşkilat. Tərkibinə İsraildə fəaliyyət göstərən yeddi İsrail universiteti daxildir.
Şura Israildəki ali təhsil sahəsində bütün ali məktəblər üçün ümumi olan siyasət, təhsil haqqının və müəllimlərin əmək haqqının, abituriyentlərin qəbulunun kriteriyalarının, beynəlxalq elmi əlaqələrin maliyyələşdirilməsinin həddinin müəyyən edilməsi, diplomların tanınması və s. məsələlərlə məşğul olur.
Şuraya psixoloji qəbul imtahanları keçirən və 1981-ci ildə yaranan İsrail imtahan və qiymət mərkəzi tabedir.
Şura hər kvartalda dərc olunan, şuranın və universitetlərin fəaliyyətini əks etdirən «Akademiya» Arxivləşdirilib 2009-09-15 at the Wayback Machine jurnalı buraxır.
Şuranın 2012-ci ildən prezidenti professor Menahem Ben-Sassondur (Qüdsdə Yəhudi Universitetinin prezidenti).
prof. İtshaq Apeloyq (Yitzhak Apeloig) (2004—2009)
prof.
Vazgen Sarkisyan adına Hərbi Universitet
Vazgen Sarkisyan adına Hərbi Universitet Ermənistan Müdafiə Nazirliyi sistemində fəaliyyət göstərən bir ali təhsil müəssisəsidir. Missiyası sülh və müharibədə müdafiə tapşırıqlarını yerinə yetirməyə qadir zabitləri hazırlamaq və yetişdirməkdir.
Sloveniya Milli və Universitet Kitabxanası
Sloveniya Milli və Universitet Kitabxanası — Sloveniyanın ən mühüm təhsil və mədəniyyət müəssisələrindən biridir. O, paytaxt Lyublyana şəhərinin mərkəzində, 1936–1941-ci illər arasında memar Joje Plesnik tərəfindən layihələndirilmiş binada yerləşir. Bina Plesnikin ən böyük əsərlərindən biri hesab olunur. Nəşrlərin məcburi surətinin çıxarılması haqqında qanuna əsasən, Sloveniyadakı naşirlər öz nəşrlərinin hər hansı bir nüsxəsini milli və universitet kitabxanalarına təqdim etməlidirlər. 2011-ci ildə kitabxanada təqribən 1.307.000 kitab, 8.700 əlyazma və müxtəlif mətn, vizual və multimedia məhsulları var idi və kitabxana təxminən 7.900 dövri nəşrə abunə olmuşdur.
Təxminən 1774-cü ildə, Yezuit Ordeninin ləğvindən sonra, Yezuit və bir neçə monastır kitabxanasının qalıqları üzərində Lisey Kitabxanası yaradıldı. İmperator Mariya Terezanın fərmanı ilə də təsis edildi. Lisey Kitabxanasına nəşrlərin nüsxələrinin verilməsi 1807-ci ildə Avstriya məhkəməsinin yalnız Karniolada nəşr olunan qərarı ilə məcburi oldu, Fransa işğalının qısa bir dövrü istisna olmaqla, kitabxana bütün İlliriya əyalətlərindən nüsxələri aldı. 1919-cu ildə kitabxana Dövlət İstinad Kitabxanası kimi tanındı və Sloveniyanın hər yerindən nüsxələri toplamağa başladı. Elə həmin il Lyublyana Universiteti (ilk Sloveniya universiteti) yaradıldı və kitabxana da onun ehtiyaclarına xidmət etməyə başladı.
Dünya universitetlərinin akademik reytinqi
"Academic Ranking of World Universities" (azərb. Dünya universitetlərinin akademik reytinqi) və ya "Shanghai Ranking" (azərb. Şanxay reytinqi) və ya qısaca ARWU — Dünyanın ən nüfuzlu ali məktəb reytinqlərindən biri. 2003-cü ildən Şanxay Jiao Tonq Universiteti tərəfindən tərtib olunur.
Elm və Təhsil Mərkəzi Təfəkkür Universiteti
Təfəkkür Universiteti (tam adı: Elm və Təhsil Mərkəzi Təfəkkür Universiteti) — Azərbaycanda fəaliyyət göstərmiş özəl ali təhsil müəssisəsi.
== Haqqında ==
Azərbaycan Respublikası Nazirlər Kabinetinin 11 sentyabr 1995-ci il tarixli 202 saylı qərarı ilə dövlət qeydiyyatından keçərək özəl ali məktəb statusu almış "Təfəkkür" universiteti Azərbaycan, rus, ingilis və ispan dillərində bakalavr pilləsində yüksəkixtisaslı kadrlar hazırlayan tədris müəssisəsi olub.
== Maddi-texniki bazası ==
Universitetdə fizika laboratoriyası, kimya laboratoriyası, kompüter mərkəzi, linqafon kabineti, oxu zalı, idman zalı, yeməkxana, sürücülük məktəbi, kriminalistika laboratoriyası, morfologiya laboratoriyası, iqtisadiyyatın elmi problemləri laboratoriyası fəaliyyət göstərir.
== Beynəlxalq əlaqələri ==
"Təfəkkür" universitetinin ABŞ-nin Hardfort, San-Dieqo, Frenso, Santa-Barbara;. İngiltərənin Oksford, Kembric, Qrinviç; Hollandiyanın Erasmus, Van-Holl; Almaniyanın Berlin Politexnik universitetləri, habelə Türkiyə, Kipr və Malayziyanın bir sıra ali məktəbləri ilə sıx əlaqələri olub.
Universitet 1997-ci ildə MDB dövlətləri arasında təhsil sahəsində 100 liderdən biri fəxri adına, 1998-ci ildə isə beynəlxalq əlaqələrinə görə "Qran-Pri" mükafatına layiq görülmüşdür.
== Bağlanması ==
2016-cı ilin oktyabr ayından etibarən “Təfəkkür” Universitetinin Təsisçilər Şurası maliyyə vəziyyətində yaranmış problemlə əlaqədar universitetin fəaliyyətinin dayandırılması barədə Təhsil Nazirliyinə müraciət edib. Təhsil Nazirliyi müraciəti, universitetin 5 illik akkreditasiya müddətinin 2016-cı ildə bitdiyini, eyni zamanda, akkreditasiyadan keçirilməməsini nəzərə alaraq 2017-2018-ci il tədris ili üçün tələbə qəbulunun proqnozlaşdırılmamasını və tələbə kontingentinin digər ali təhsil müəssisələrinə yerləşdirilməsini təşkil etmək məqsədilə İşçi qrupunun yaradılması barədə qərar qəbul edib.
== İstinadlar ==
== Mənbə ==
“Təfəkkür” Universiteti haqqında
== Xarici keçidlər ==
Sabiq rəsmi saytı
Elm və Təhsil Mərkəzi Təfəkkür Universiteti Arxivləşdirilib 2007-11-20 at the Wayback Machine
"Təfəkkür Universiteti fəaliyyətini davam etdirir” - PROREKTOR
“Təfəkkür” Universiteti bağlandı, bəs tələbələr?..
Erciyes Universiteti
Ərciyəs Universiteti (türkcə: Erciyes Üniversitesi) Türkiyənin Kayseri şəhərində yerləşmiş bir ali təhsil qurumudur.
Universitet 1978-ci ildə Kayseri Universiteti adı altında qurulur. Zamanla bir sıra ad dəyişikliyindən keçdikdən sonra universitet 1982-ci ildə indiki adı olan Ərciyəs Universiteti adını alır. Ərciyəs adı Kayseri şəhərinin yaxınlığında yerləşən Ərciyəs dağından gəlir. Universitetin 2007–2008 təhsil ilində 26 096 tələbəsi mövcuddur. Universitetin nəzdində Tibb, Memarlıq, Hüquq, İlahiyat və s. kimi fakultetlər vardır.
Universitetin ərazisində ən böyük binalardan ikisi Gövhər Nəsibə Tibb Fakulteti Xəstəxanası və məsciddir.
Erfurt Universiteti
Erfurt Universiteti (alm. Universität Erfurt) — Almaniyanın Erfurt şəhərində yerləşən ali təhsil müəssisəsi.
== Tarixi ==
Universitetin əsası 1389-cu ildə qoyulmuşdur. 1815–1993-cü illərdə fəaliyyət göstərməmişdir. 1994-cü ildə fəaliyyəti yenidən bərpa edilmişdir.
Ermənistan Dövlət Pedaqoji Universiteti
Ermənistan Dövlət Pedaqoji Universiteti – Ermənistannın İrəvan şəhərində yerləşən ali təhsil mərkəzi. Universitet 1922-ci ildə fəaliyyətə başlamışdır. Ermənistanın ən yaşlı ənənəvi təhsil müəssisələrindən biri hesab edilir. Günü bu gündə aparıcı təhsil müəssisi olaraq daim islahatlar apararaq inkişa etmək məqsədli işlər görülür. Aktiv beynəlxalq əlaqələrin qurrulmasına səy göstərir. Avropa təşkilatları ilə birgə iş birliyi sayəsində təhsil tam olaraq avropa standartları çərçivəsində aparılır.
Ermənistan Dövlət Pedaqoji Universiteti rektoru — tarix elmlər doktoru, professor Ruben Karlonoviç Mirzaxanyan
== Fakultələri ==
Filologiya fakultəsi,
Tarix və diyarşunaslıq fakultəsi,
İbtidai təhsil fakultəsi,
Biologiya, kimya və coğrafiya fakultəsi,
Psixoloji təhsil və psixologiya fakultəsi,
Xaici dillər fakultəsi,
Riyaziyyat, fizika və informatika fakultəsi,
İncəsənət təhsili fakultəsi,
Sosial təhsil fakultəsi,
Mədəniyyət fakultəsi.
== İxtisaslar ==
Erməni dili və ədəbiyyatı,
Riyaziyyat,
Fizika,
İnformatika,
Təbiətşunaslıq,
Texnologiya və idarə,
Kimya,
Biologiya,
Ətraf mühit haqqında elm,
Lanşaft planlaşdırılması,
Coğrafiya,
Tarix,
Hüquq,
Ümumi hüquq,
Kulturologiya,
Musiqi təhsili,
Təsviri incəsənət,
Geyimlərin modelləşdirilməsi,
Dekorativ incəsənət,
Teoriya, tarix və incəsıdin idarə edilməsi,
Sosial iş,
Psixologiya,
Hərbi psixologiya,
Klinik psixologiya və psixoterapiya,
Şəxsiyyət psixologiya,
Praktiki psixologiya,
Hüquqi psixologiya,
Sosial və siyasi psixologiya,
Ailə psixologiya,
Sosial pedaqoqika,
Sosiologiya,
Jurnalistika,
Rejisorluq,
İnsturmental ifaçılıq,
Kitabxanaçılıq-infirmasiya mənbələri,
Muzey işi,
Foto,
Operatorluq,
İdarəetmə,
Prodüser işi,
Pedaqoji psixologiya,
İlkin pedaqoqika və metodika,
İlkin pedaqoqika və metodika rus dilində,
Məktəbə qədərki pedaqoqika və metodika,
Şaxmat,
Tiflopedaqoqika,
Сурдопедагогика,
Oliqofrenopedaqoqika,
Loqopediya,
Erqoterapiya,
Xüsusi psixologiya,
Art-terapiya,
Xüsusi pedaqoqika,
İngilis dili və ədəbiyyatı,
Alman dili və ədəbiyyatı,
Fransız dili və ədəbiyyatı,
İspan dili və ədəbiyyatı,
Rus dili və ədəbiyyatı,
Təhilin idarə edilməsi.
== Tanınmış məzunlar və pedaqoqları ==
Qevorq Qanesoqlyan - Ermənistan icraiyyə komitsinin müavini
Qrant Muşeqoviç Voskanyan – Ermənistan Ali Sovetinin Pezidium müavini.
Armen Avaqoviç Xaçatryan – Ermənistan Milli Təhsil nazirin müavini.
Ermənistan Dövlət İqtisad Universiteti
Ermənistan Dövlət İqtisad Universiteti – Ermənistannın İrəvan şəhərində yerləşən ali təhsil mərkəzi. Universitet 1975-ci ildə fəaliyyətə başlamışdır. Bakalavriat 4 il, magistraturası 2 il çəkir.
== Fakultələri ==
=== Menecment ===
Ermənistan Dövlət İqtisad Universitetində Menecment fakultəsi 1979-cu ildə təşkil edilmişdir. İlk əvvəllər iqtisadi əmək təşkilatı fakultəsi adlanırdı. Menecment adı isə Beynəlxalq iqtisadi əlaqələrin beynəlxalq iqtisadi əlaüələr fakultəsinə keçməsi ilə adlandırılmışdır.
Fakultəyə daxil olan kafedralar:
Mikroiqtisadiyyat kafedrası
Əmək iqtisadiyyatı kafedrası
Antiböhran və turizm idarəsi kafedrası
YUNESCO təhsilinin idarəsi kafedrası
Ali riyaziyyat kafedrası
Xarici dillər kafedrası
=== Ənənəvi iqtisadiyyat və beynəlxalq iqtisadi əlaqələr ===
Fakultəyə daxil olan kafedralar:
Makro iqtisadiyyat
İqtisadi teoriya
Beynəlxalq iqtisadi əlaqələr
İqtisadi ishesal
Fəlsəfə və erməni tsrixi (2012)
Politalogiya (2012)
=== Maliyyə fakultədi ===
Fakultəyə daxil olan kafedralar:
Maliyyə (2012)
Bank işi və sığorta (2012)
=== Marketinq və biznesin təşkili ===
Fakultəyə daxil olan kafedralar:
Marketinq
Kommersiya və biznesin təşkili (2014)
Mal dövrüyəsi və texnologiya (2012)
Erməni və rus dili
Fiziki tərbiyə (2012)
=== İnformatika və statistika fakultəsi ===
İnformatika və statistika fakultəsi 1975-ci ildə təşkil edilmişdir. 1991-ci ildən iqtisadi kibernetika, 2007-ci ildən isə İnformatika və statistika fakultəsi olaraq adlanır.
Fakultəyə daxil olan kafedralar:
Statistiks
İqtisadi-riyaziyyat metodu
İnformasiya sisteminin idarə olunması
=== Mühasibat uçotu və audit ===
Mühasibat uçotu və audit fakultəsi 2011-ci ildə təşkil edilmişdir. Gələcəkdə burada iqtisadi analiz ixtisası təşkil ediləcəkdir.
Eyndhoven Texnologiya Universiteti
Eyndhoven Texnologiya Universiteti (nid. Technische Universiteit Eindhoven) — Niderlandın Eyndhoven şəhərində universitet; Beynəlxalq standartlara və normalara uyğun müasir maddi-texniki bazaya malik ali təhsil ocaqlarından biri.
== Tarixi və fəaliyyəti ==
Universitet 15 iyun 1956-cı ildə Niderlandın Eyndhoven şəhərində yaradılıb, ilk rektoru fizik Henk Dorqelo olub. Hazırda 250 professorun çalışdığı nüfuzlu ali təhsil müəssisəsində struktur proqramlaşdırmanın konsepsiyasının müəllifi, Türinq mükafatı laureatı Edsqer Deykstra, kimya üzrə Nobel mükafatına layiq görülən Arçer Con Porter Martin kimi görkəmli alimlər dərs deyib.
Tədrisin innovasiya metodları ilə həyata keçirilməsini prioritet elan edən universitet ən yeni avadanlıqla təchiz edilib. Burada multimedia tədris obyektləri, elektron idarə etmə, universitet şəhərciyinin idarəetmə sistemi, elektron kitabxana və müasir laboratoriyalar mövcuddur.
== Təhsil strukturu ==
Bu gün ali təhsil ocağında təxminən 7500 tələbə, 600 aspirant təhsil alır. Hazırda universitetdə bakalavriatura təhsil pilləsi üzrə 11, magistratura üzrə isə 12 ixtisas təşkil edilib. Ali məktəbdə tədris ingilis və niderland dillərində aparılır.
Universitetdə biotibb texnologiyası, mülki tikinti, riyaziyyat və informatika, mexanika, tətbiqi fizika, istehsal mühəndisliyi, sənaye dizaynı, kimya texnologiyaları, elektrotexnika fakültələri fəaliyyət göstərir.
Eötvös Loránd Universiteti
Eötvöş Lorand Universiteti (ing. Eötvös Loránd University, mac. Eötvös Loránd Tudományegyetem) və ya qısaca ELTE — Macarıstanın ən böyük universitetidir. 1950-ci ildə universitet hal-hazırkı adını qəbul etdi. Universitetə dünya şöhrətli alim fizik Lorand Eötvöşün (Loránd Eötvös) adı verildi. Hal-hazırda universitetin səkkiz fakültəsi var: Təhsil və Psixologiya, Humanitar elmlər, İnformatika, Hüquq, Orta və məktəbdən əvvəl təhsil, Təbii elmlər, Sosial elmlər və Barçi Qustav adına Xüsusi təhsil fakültəsi. ELTE, beynəlxalq səviyyədə tanınan və qəbul edilən universitetdir və onun proqramları Macarıstan Akkreditasiya Heyəti tərəfindən akkeditasiya alıb. Universitet tərəfindən verilən diplomlar dünyada qəbul edilir və tanınır, onun kurs kreditləri Avropa Birliyi və ondan kənarda olan ölkələrdə hesablana bilir. Son yüz ildə ELTE-nin müəllimləri və keçmiş məzunları arasında dünyaca məşhur alimləri və Nobel mükafatı laureatları olub. Universitetdə təhsil alan tələbələrin sayı təxminən 28 minə çatır, müəllim-professor akademik heyətinin və tədqiqatçılarının sayı isə 1800 təşkil edir
== Tarixi ==
1635 - Kardinal Peter Pazman (Péter Pázmány), Nadsombatda (indiki Trnava, Slovakiya) universitetin əsasını qoyan sənədləri imzalayır.
Filadelfiya Universiteti
Filadelfiya Universiteti (ing. Philadelphia University) — Amerika Birləşmiş Ştatlarının Pensilvaniya ştatının Filadelfiya şəhərində yerləşən ali təhsil müəssisəsi.
Filips - Marburq Universiteti
Filipps-Marburq Universiteti (alm. Philipps-Universität Marburg) — Almaniya, Hessen Federal Torpağında ali təhsil müəssisəsi.
1527-ci ildə əsası qoyulmuşdur. Dünyanın ilk protestant universitetidir. Universitetin 20.000-ə yaxın tələbəsi və 7.500-dən artıq universitet personalı vardır.
2007-ci ildə "Avropanın 100 ən yaxşı Biznes Məktəbi" siyahısına daxil edilib.
Florensiya Universiteti
Florensiya Universiteti (it. Università degli Studi di Firenze, UniFI) — İtaliyanın Florensiya şəhərində yerləşən ali təhsil müəssisəsi; ölkənin ən qədim və nəhəng universitetlərindən biridir.
== Tarixi ==
Florensiya Universiteti 1321-ci ildə Florensiya Respublikası Universiteti kimi yaradılmışdır. İlk vaxtlarda burada mülki, ədəbi, tibbi və ilahiyyat fakültələri var idi.
1349-cu ildə papa VI Klemens universiteti yenidən təşkil etmiş, 1364-cü ildə isə imperator IV Karl universitetin adını İmperator Universiteti olaraq dəyişmişdir.
1472–1515-ci illərdə isə universitet Piza şəhərində fəaliyyət göstərir.
1859-cu ildə Praktiki Təlim və İnkişaf İnstitutu olsa da, 1924-cü ildən yenidən Florensiya Universiteti adını əldə edir.
== Məkanı ==
Universitet Florensiyada yerləşməsi ilə yanaşı, Pistoe, Prate, Empoli və Sesto Fiorentinada da şöbələri fəaliyyət göstərir.
== Fakültələri ==
Hazırda universitetdə aşağıdakı fakültələri fəaliyyət göstərir:
Memarlıq fakültəsi;
Edukoligiya fakültəsi;
İqtisadiyyat fakültəsi;
Əczaçılıq fakültəsi;
Mühəndislik fakültəsi;
Ədəbi-fəlsəfə fakültəsi;
Fiziki-riyaziyyat fakültəsi;
Tibbi cərrahlıq fakültəsi;
Siyasi elmlər fakültəsi;
Psixologiya fakültəsi;
Hüquq fakültəsi;
Kənd təsərrüfatı fakültəsi.
== Tələbələri ==
Hazırda bu təhsil müəssisəsində 60 minə yaxın tələbə təhsil alır və onların tədrisi ilə məşğul olan müəllimlərin sayı 2 mindən çoxdur.
Florida Gulf Coast Universiteti
Florida Körfəz Sahili Universiteti (ing. Florida Gulf Coast Universiteti) — ABŞ-nin Florida əyalətində yerləşən, 1991-ci ildə əsası qoyulmuş olan bir dövlət universitetidir. Florida Gulf Coast Universitetində bir çox sahə üzrə bakalavr, magistr və doktorantura təhsili verilir. Fort Myers şəhərində yerləşir. 2008 etibarı ilə 9,510 tələbə qeydə alınmışdır.
Florida Körfəz Sahili Universiteti
Florida Körfəz Sahili Universiteti (ing. Florida Gulf Coast Universiteti) — ABŞ-nin Florida əyalətində yerləşən, 1991-ci ildə əsası qoyulmuş olan bir dövlət universitetidir. Florida Gulf Coast Universitetində bir çox sahə üzrə bakalavr, magistr və doktorantura təhsili verilir. Fort Myers şəhərində yerləşir. 2008 etibarı ilə 9,510 tələbə qeydə alınmışdır.
Florida Politexnik Universiteti
Florida Politexnik Universiteti (ing. Florida Poliefir və ya qısaca: FPU) — Cənubi Florida Universitetinin kampusudur. Lakeland Florida, Amerika Birləşmiş Ştatlarına aid dövlət universitetidir. Florida Dövlət Universiteti sistemi yeni üzv təşkilatlarından və dövlət yalnız ictimai politexnik universitetdir. Florida Polxetnik Universitetində tələbələr elm, məntiq və riyaziyyat (Stem) texnologiya, mühəndislik kimi qabaqcıl sahələrində təhsil alırlar.
== Kitabxana ==
2014-cü ildə universitetdə tələbələr üçün yeni kitabxana istifadəyə verilib. Yeni kitabxananın əsas xüsusiyyəti ənənəvi kağız kitabların olmamasıdır. Bu layihə üzərində tanınmış memar Santyaqo Kalatrava işləyib. Kitabxananın elektron fondunda 135 mindən çox nəşr saxlanılır. Universitetin tələbələri öz planşet və ya noutbuklarından elektron kitaba çıxış əldə edə bilirlər.
Florida Universiteti
Florida Universtiteti (İngiliscə: University of Florida), Amerika Birləşmiş Ştatlarının Florida Əyalətinin Gainesville Şəhərində yerləşən bir dövlət universitetidir. 8,2 kvadrat kilometrlik bir əraziyə uzanan universitet, həm tələbə sayısı baxımından həm də kampus böyüklüyü baxımından Amerikanın ən böyük universitetlərindən biri olmaq xüsusiyyətini daşıyır.
Universitetdə təqiqat aparanlar popular enerji içkisi olan Gatoradei zənginləşdiriblər. Universitetin idman komandaları Gators adıyla Amerikadakı bir çox universitet ligasında mübarizə apararkən , Amerikan futbol komandaları uğurları ilə komandalarından bəhs etdirirlər.
Fortaleza Universiteti
Fortaleza Universiteti (port. Universidade de Fortaleza - UNIFOR) — Braziliyanın Fortaleza şəhərində yerləşən ali təhsil müəssisəsi.
== Tarixi ==
Fortaleza Universiteti 23 mart 1973-cü ildə yaradılmışdır.
== Tədris ==
Tədris portuqal dilində aparılır.
== Xarici əlaqələri ==
GU8 konsorsiumunun üzvüdür.
Giresun Universiteti
Giresun Universiteti — 2006-cı ildə Giresunda yaradılan dövlət universiteti.
== Rəhbərlik ==
2012-2016-cı illər arasında Giresun Universitetinin rektoru azərbaycanlı professor Aygün Attar olmuşdur. O, 2014-cü ildə Oksford Universitetinin Sokrat mükafatına layiq görülüb. Aygün Attar Türkiyənin vəzifədəki 7 qadın rektorundan biri olmuşdur. 2012-ci ildən etibarən Giresun Universiteti regional səviyyədə qazandığı beynəlxalq nüfuzu ilə diqqət çəkir. Görülən işlər nəticəsində Oksford Universitetinin Liderlər Zirvəsi, Giresun Universitetini həm də "Ən Yaxşı Regional Universitet" seçib.
== Xarici əlaqələri ==
Qafqaz Universitetlər Birliyinin üzvüdür.
Girəsun Universiteti
Giresun Universiteti — 2006-cı ildə Giresunda yaradılan dövlət universiteti.
== Rəhbərlik ==
2012-2016-cı illər arasında Giresun Universitetinin rektoru azərbaycanlı professor Aygün Attar olmuşdur. O, 2014-cü ildə Oksford Universitetinin Sokrat mükafatına layiq görülüb. Aygün Attar Türkiyənin vəzifədəki 7 qadın rektorundan biri olmuşdur. 2012-ci ildən etibarən Giresun Universiteti regional səviyyədə qazandığı beynəlxalq nüfuzu ilə diqqət çəkir. Görülən işlər nəticəsində Oksford Universitetinin Liderlər Zirvəsi, Giresun Universitetini həm də "Ən Yaxşı Regional Universitet" seçib.
== Xarici əlaqələri ==
Qafqaz Universitetlər Birliyinin üzvüdür.
Gissen Universiteti
Yustus Libex adına Gissen Universiteti (alm. Justus-Liebig-Universität Gießen) — Gissen şəhərinin ən qədim universiteti.
== Tarixi ==
Gissen Universiteti 1607-ci ildə Hessen-Darmtştadt landqrafı olan V Lüdviq tərəfindən Gissen
Akademiyası olaraq quruldu.
1945-ci ilə qədər Lüdviq Universiteti adlandırılırdı (alm. Ludwigsuniversität).
Universitetin II Dünya Müharibəsinin sonuna qədər dağılmamış hissəsi, 1957-ci ildə (qurulduğundan 350 il sonra) yenidən universitet statusu almış Yustus Libex Kənd Təsərrüfatı və Baytarlıq İnstitutuna çevrildi.
== Strukturu ==
=== Fakültələr ===
1999-cu ildən bu günə qədər Gissen Universitetində on bir ixtisas tədris olunur
Hüquqşünaslıq
İqtisadiyyat
Sosial Araşdırmalar və Mədəniyyət
Tarix və mədəniyyət
Dilçilik, ədəbiyyat və mədəniyyət
Psixologiya və idman
Riyaziyyat və kompüter elmləri, fizika, coğrafiya
Biologiya və kimya
Aqronomiya, trofologiya və mühit
Baytarlıq
Tibb
== Görkəmli müəllim və məzunlarları ==
Teodor Vilhelm Braune (1850—1926)
Reynxard Brauns (1861—1937)
Fridrix Avqust Karthoyzer (1734—1796) — professor.
Huqo fon Ritqen (1811—1889) — memarlıq professoru.
Karl Fridrix Ferdinand Sintenis (1804—1868) — alman hüquqşunas.
Bernqard Ştade (1848—1906) — protestant ilahiyyatçısı.
Gürcüstan Texniki Universiteti
Gürcüstan Dövlət Texniki Universiteti (gürc. საქართველოს ტექნიკური უნივერსიტეტი, ing. Georgian Technical University) Gürcüstanın Tbilisi şəhərində yerləşən ölkənin ən aparıcı universitetlərindən biridir. Burada texniki fakültələrdən yana digər fakültələr üzrədə təhsil olduğu üçün bəzən Gürcüstan Dövlət Politexniki Universiteti (qısaca: GPU) deyilir.
== Yaranma Tarixi ==
1922-ci ildə Tbilisi Dövlət Universitetinin nəzdnində politexnik fakültəsi kimi yaradılıb.
1928-ci ildə Tbilisi Dövlət Universitetin'dən ayrılaraq Vladimir İliç Lenin adına Gürcüstan Dövlət Politexnik İnstitutu kimi yaradıldı.
1930 və 1932-ci illərdə universitetə daha çox fakültələr əlavə edilərək birazda genişləndirildi.
1972-ci ildə 50 illik yubileyində SSSR'in ən yüksək mükafatı Lenin ordeni ilə mükafatlandırıldı.
1991-ci ildə Gürcüstan müstəqilliyini əldə etdikdən sonra birazda böyüyərək önəmli yerini tutdu və hal hazırda həmin adı daşıyır.
== Struktura ==
Universitet əsasən təhsil və elmi fəaliyyətə yardım edən əsas struktur bölmələrindən ibarətdir: fakültələr, kitabxanalar və köməkçi struktur bölmələri.
Gəncə Dövlət Universiteti
Gəncə Dövlət Universiteti və ya qısaca GDU — Azərbaycan Respublikası Təhsil Nazirliyinin tabeliyində olan ali təhsil müəssisəsi.
== Tarixi ==
1999-cu ildə Gəncə Dövlət Pedaqoji İnstitutunun yubileyi olmuş və onun 60 yaşı tamam olmuşdur: 1938-ci ildə natamam ali təhsil verən ikiillik müəllimlər institutu kimi fəaliyyətə başlamışdır.
İnstitut Azərbaycanın qərb zonası üçün müəllim kadrları yetişdirmək üçün yaradılmışdır. 1943-cü ildən institut tam ali təhsil verən tədris müəssisəsinə çevrilmiş və ona Azərbaycanın görkəmli maarifpərvəri və ictimai xadimi Həsən bəy Zərdabinin adı verilmişdir.
O vaxtdan indiyə kimi institut respublika üçün alitəhsilli pedaqoji kadrlar hazırlayan əsas təhsil mərkəzlərindən birinə çevrilmişdir. İnstitutun on minlərlə məzunu ölkəmizin müxtəlif bucaqlarında müəllimlik işində, elmi və elmi-pedaqoji sahələrdə fəaliyyət göstərir.
Universitet 1938-ci ildə ikiillik Gəncə Müəllimlər İnstitutu kimi fəaliyyətə başlamışdır. 5 illik fəaliyyətdən sonra tam ali təhsil verən H. Zərdabi adına Gəncə Dövlət Pedaqoji İnstitutu kimi yolunu davam etdirmişdir. 2000-ci ildən Gəncə Dövlət Universiteti kimi fəaliyyət göstərir. Universitetdə tədris bakalavr (təhsil müddəti əyani 4 il, qiyabi 5 il) və magistr (təhsil müddəti 2 il) pillələrində aparılır.
Gəncə Dövlət Universiteti nəzdində Regional Kollec
Gəncə Dövlət Universitetinin nəzdində Regional Kolleci (Əvvəlki adı: Gəncə Dövlət Regional Kolleci) — Azərbaycan Respublikası Təhsil Nazirliyinin tabeliyində olan orta-ixtisas təhsili müəssisəsi
== Tarixi ==
Azərbaycan Respublikası Nazirlər Kabinetinin 3 fevral 2016-cı il tarixli, 30 nömrəli Qərarına əsasən Gəncə Texniki Kolleci və Gəncə Humanitar Kolleci birləşdirilərək Gəncə Dövlət Regional Kolleci adlandırılmışdır.
11 iyul 2020-ci ildə Gəncə Musiqi Kollecinin Gəncə Dövlət Regional Kollecinə qoşulması formasında yenidən təşkili yolu ilə Gəncə Dövlət Universitetinin nəzdində publik hüquqi şəxs statusuna malik olan Regional Kollec yaradıldı.
Gəncə Dövlət Universitetinin nəzdində Regional Kolleci
Gəncə Dövlət Universitetinin nəzdində Regional Kolleci (Əvvəlki adı: Gəncə Dövlət Regional Kolleci) — Azərbaycan Respublikası Təhsil Nazirliyinin tabeliyində olan orta-ixtisas təhsili müəssisəsi
== Tarixi ==
Azərbaycan Respublikası Nazirlər Kabinetinin 3 fevral 2016-cı il tarixli, 30 nömrəli Qərarına əsasən Gəncə Texniki Kolleci və Gəncə Humanitar Kolleci birləşdirilərək Gəncə Dövlət Regional Kolleci adlandırılmışdır.
11 iyul 2020-ci ildə Gəncə Musiqi Kollecinin Gəncə Dövlət Regional Kollecinə qoşulması formasında yenidən təşkili yolu ilə Gəncə Dövlət Universitetinin nəzdində publik hüquqi şəxs statusuna malik olan Regional Kollec yaradıldı.
Hacettepe Universiteti
Hacettepe Universiteti (türk. Hacettepe Üniversitesi) — Türkiyənin Ankara şəhərində yerləşən aparıcı dövlət universiteti. Universitetin əsası 1967-ci il iyulun 8-də qoyulub. 2021-ci ildə URAP tərəfindən Türkiyə universitetləri arasında birinci olub.
Universitetin iki əsas kampusu var. Birinci kampus Ankaranın köhnə şəhərindədir və Tibb Mərkəzinə ev sahibliyi edir, ikincisi isə Beytəpə Kampusu şəhər mərkəzindən 13 km (8 mil) məsafədədir. Beytəpə şəhərciyi 6.000.000 m2 (600 ha; 1.483 akr) yaşıllıq və meşə ərazisini əhatə edir və İqtisadiyyat və İdarəetmə Elmləri, Hüquq, Təhsil, Mühəndislik, Gözəl Sənətlər, Ədəbiyyat və Elm fakültələrinə ev sahibliyi edir. Bu iki əsas kampusdan əlavə, Sosial İş Məktəbi Keçiörəndə, 1982-ci ildən universitetə bağlı Ankaradakı Türkiyə Dövlət Konservatoriyası isə Beşevler Kampusunda yerləşir. Universitetin rektoru 24 iyun 2020-ci ildə Rəyasət Heyəti tərəfindən təyin edilmiş Mehmet Cahit Gürandır.
Moskva Dövlət Beynəlxalq Münasibətlər İnstitutu (universitet)
Moskva Dövlət Beynəlxalq Münasibətlər İnstitutu və ya tam adı Rusiya Federasiyasının Xarici İşlər Nazirliyinin Moskva Dövlət Beynəlxalq Münasibətlər İnstitutu (MDBMİ) (rus. Московский государственный институт международных отношений (университет) Министерства иностранных дел Российской Федерации) — Rusiya Federasiyasında beynəlxalq münasibətlər sahəsi üzrə ixtisaslaşmış ali təhsil müəssisəsi.
İnstitutun nəzdnində 4 elmi-tədqiqat institutu, 8 fakültə fəaliyyət göstərir. Hazırda 6000 tələbəsi vardır.
İlham Əliyev — Azərbaycan Respublikasının Prezidenti.
Qasım-Comərd Tokayev — Qazaxıstan Respublikasının 2-ci prezidenti.
Bosniya və Herseqovina Milli və Universitet Kitabxanası
Bosniya və Herseqovina Milli və Universitet Kitabxanası ― Bosniya və Herseqovinanın Sarayevo şəhərində yerləşən əsas kitabxanası.
Kitabxananın binasının rəsmi açılışı 20 aprel 1896-cı ildə olmuşdur. 1992-ci il avqustun 25-də kitabxana binası yanır və 700 əlyazma, inkunabula və digər qiymətli ədəbiyyat nümunələri oğurlanır. Bundan sonra binanın təmiri 4
mərhələdə; 1996-1997, 2000-2004, 2012, 2013-cü ildə həyata keçirilir və nəhayət 2014-cü il mayın 9-da restavrasiyadan sonra kitabxananın təmtəraqlı açılış mərasimi baş tutur.
M. Akmulla adına Başqırdıstan Dövlət Pedaqoji Universitet
M. Akmulla adına Başqırdıstan Dövlət Pedaqoji Universiteti (başq. М. Аҡмулла исемендәге Башҡорт дәүләт педагогия университеты (М. Аҡмулла исемендәге БДПУ)) — dövlət tabeliyində olan ali təhsil mərkəzi. Bugünkü gündə Başqırdıstan Dövlət Pedaqoji Universiteti 5 institut, 7 fakültə, 43 kafedraya sahibdir..
Başqırdıstan Dövlət Pedaqoji Universiteti öz mövcudluğu dönəmində 40 mindən çox mütəxəsis yetişdirmişdir. Ölkənin 20 ən yaxşı ali təhsil mərkəzlərindən biridir.
Universitet "Auditoriya" qəzeti və "Başqırdıstan pedaqoji jurnalı" buraxır.
== Tarixi ==
M. Akmulla adına Başqırdıstan Dövlət Pedaqoji Universiteti 9 yanvar 1967-ci ildə institut olaraq təşkil edilmişdir. Ölkədə ilk müəllimlər institutu 1909-cu ildə təşkil edilmişdir. 1919-cu ildə həmin tədris ocağı Xalq Təhsili İnstitutuna çevrilir. Onun tərkibinə sosial-tarix, biologiya-coğrafiya, fizika-riyaziyyat və dil-ədəbiyyat fakültələri daxil idi.
N.E. Jukovski adına Milli Aerokosmik Universitet - Xarkov Aviasiya İnstitutu
N.E. Jukovski adına Milli Aerokosmik Universitet və ya Xarkov Aviasiya İnstitutu (ukr. Національний аерокосмічний університет ім. М. Є. Жуковського «Харківський авіаційний інститут») - Ukraynanın aparıcı təhsil müəssisələrindən biridir, hansı ki, aviasiya və kosmik texnikanın tədqiqi və istehsalı sahəsi üzrə mütəxəssisləri hazırlayır.
Xarkov Aviasiya İnstitutu 1930-cu ildə yaradılıb. Əvvəlcə onun tərkibinə iki fakültə, təyyarə və motor istehsalı fakültələri, daxil idi. İnstitutun yarandığı zaman onun cəmi 12 müəllim və 69 tələbəsi var idi. Amma institut tez inkişaf edirdi, və artıq 1932-ci ildə, XAİ-nun müəllimləri və tələbə-diplomçuları tərəfindən hazırlanmış - Avropada ilk yığılan şassisinə sahib olan - XAİ-1 sərnişin təyyarəsi havaya qalxdı.
1937-ci ilin noyabrından XAİ-da birinci raketləri layihələşdirən reaktiv qrup işləməyə başladı. 40-cı illərin başlanğıcına yaxın - institutda artıq təxminən 1000 tələbə var idi, eksperimental dizayn bürosu işləyirdi və fəal elmi araşdırmalar aparılırdı.
İnstitutun ixtisaslaşması daimi genişlənirdi, yeni fakültələr açılırdı.
Rusiya Federasiyası Xarici İşlər Nazirliyinin Moskva Dövlət Beynəlxalq Münasibətlər İnstitutu (universitet)
Moskva Dövlət Beynəlxalq Münasibətlər İnstitutu və ya tam adı Rusiya Federasiyasının Xarici İşlər Nazirliyinin Moskva Dövlət Beynəlxalq Münasibətlər İnstitutu (MDBMİ) (rus. Московский государственный институт международных отношений (университет) Министерства иностранных дел Российской Федерации) — Rusiya Federasiyasında beynəlxalq münasibətlər sahəsi üzrə ixtisaslaşmış ali təhsil müəssisəsi.
İnstitutun nəzdnində 4 elmi-tədqiqat institutu, 8 fakültə fəaliyyət göstərir. Hazırda 6000 tələbəsi vardır.
İlham Əliyev — Azərbaycan Respublikasının Prezidenti.
Qasım-Comərd Tokayev — Qazaxıstan Respublikasının 2-ci prezidenti.