Yergüc (Quba)

Yergüc — Azərbaycan Respublikasının Quba rayonunun inzibati ərazi vahidində kənd.

Yergüc
41°12′27″ şm. e. 48°17′19″ ş. u.HGYO
Ölkə	Azərbaycan
Rayon	Quba
Tarixi və coğrafiyası
Saat qurşağı	UTC+04:00
Xəritəni göstər/gizlə Yergüc

Yergüc kəndi Quba rayonunda, Buduq inzibati-ərazi dairəsinin ərazisində yerləşib. Kənd əhalisi zaman-zaman buradan köçüb başqa kənd və şəhərlərdə məskunlaşdığı üçün hazırda bu məkanda heç kim yaşamır. Digər şahdağ etnoslu kəndlər kimi Yergüc kəndi də xüsusi dilə malikdir. Yergüc dili Xınalıq dilindən başqa bütün digər Şahdağ dil ailəsinə məxsus dillərə bənzəyir, lakin əksər sözlərdə ən azından bir və ya bir neçə hərf fərqi var. Bəzən isə söz tamamilə digər xalqların istifadə etdiyi sözlərdən fərqli olur, onların istifadə etdiyi sözlərə qətiyyən bənzəmir. Bundan başqa, Yergüc dilində Xınalıq dilindəki sözlərə bənzər bir sıra söz var və bu cəhət Yergüc dilini Buduq, Qrız, Əlik, Haput və Cek dillərindən bir az fərqləndirir. Yergüc, Qrız, Haput, Əlik, Cek və Buduqlular öz ana dillərində bir-birləri çox rahat ünsiyyət saxlaya bilirlər. Hazırda bu dil məhv olmaq təhlükəsi ilə üz-üzə qalıb. Belə ki, hazırda Yergüc dilini yalnız yaşlı yergüclülər bilir. Gənclərin əksəriyyətinin isə bu dil haqqında heç təsəvvürləri belə yoxdur.

Yergüc kəndinin əhalisi bir neçə soydan-ailə və ya nəsildən ibarət olub.^[1]Hazırda Yergüclülərin ən çox məskunlaşdığı ərazilər:

• Xaçmaz rayonu – Yergüc kəndi
• Xaçmaz rayonu – Sərkərli kəndi
• Xaçmaz rayonu – Armudpadar kəndi
• Xaçmaz rayonu – Hacıəlibəy kəndi
• Xaçmaz rayonu – Uzunoba kəndi
• Quba rayonu – Davudoba kəndi
• Xaçmaz, Quba və Bakı şəhərləri, bunlardan başqa Azərbaycanındigər bölgələri.

• Şahdağ xalqları
• Davudoba
• Quba rayonu

• Azərbaycan Respublikası Quba Rayon İcra Hakimiyyəti

Quba rayonu haqqında olan bu məqalə bu məqalə qaralama halındadır. Məqaləni redaktə edərək Vikipediyanı zənginləşdirin.

Kənd haqqında olan bu məqalə bu məqalə qaralama halındadır. Məqaləni redaktə edərək Vikipediyanı zənginləşdirin.

1. ↑ Azərbaycan Respublikası Əhalisinin Siyahıyaalınması. Azərbaycan Respublikasının Dövlət Statistika Komitəsi. Bakı-2010. Səh.629