Kəramət Hüseynov

Vikipediyada bu adlı digər şəxslər haqqında da məqalələr var; bax: Kəramət (ad).
Vikipediyada bu soyadlı müxtəlif adamlar haqqında məqalələr var, bax: Hüseynov.

Karamat Huseynov (30 avqust 1998[1], Bakı) — 60 kq çəki dərəcəsində çıxış edən azərbaycanlı cüdoçu. Cüdo üzrə Azərbaycan milli komandasının üzvü. 2021-ci ildə Portuqaliyanın Lissabon şəhərində keçirilən cüdo üzrə 2021 Avropa çempionatında kişilər arasında -60 kq çəki dərəcəsində bürünc medallardan birini qazanıb.[2]

Kəramət Hüseynov
Şəxsi məlumatlar
Vətəndaşlığı Azərbaycan
Doğum tarixi (25 yaş)
Doğum yeri Bakı, Azərbaycan
İdman növü Cüdo
Boyu 1.71 m
Ağırlıq dərəcəsi 60 kq
Medallar
Dünya Çempionatı
Bürünc 2021 Budapeşt –60 kq
Avropa Çempionatı
Bürünc 2021 Avropa Cüdo Çempionatı 60 kq
IJF Böyük Dəbilqə
Bürünc 2021 Tbilisi –60 kq
U23 Avropa Çempionatı
Bürünc 2017 Podqoritsa –60 kq
Gənclər Dünya Çempionatı
Gümüş 2017 Zaqreb –60 kq
Gənclər arasında Avropa çempionatı
Qızıl 2017 Maribor –60 kq

Həyatı[redaktə | mənbəni redaktə et]

2008-ci ildə Kəramət Hüseynov gənclər arasında Bakı çempionu olub və 16 yaşında Azərbaycan çempionatının qalibi olub. 2014-cü ildə Portuqaliyanın Koimbra şəhərində keçirilən Gənclər arasında Avropa Kubokunda qızıl medal, Polşanın Bielsko-Biala şəhərində keçirilən analoji turnirdə bürünc medal qazanıb. Kəramət Hüseynov 2015-ci ildə Tbilisidə keçirilən Avropa Gənclər Olimpiya Festivalında gümüş medal qazanıb. 2017-ci ildə Zaqrebdə keçirilən gənclər arasında dünya çempionatında gümüş medal qazanıb. Həmin il Hüseynov 2017-ci ildə Mariborda yeniyetmələr arasında Avropa çempionu və Podqoritsada 23 yaşadək cüdoçular arasında Avropa çempionatında bürünc medal qazanıb. O, 2018-ci ildə Saarbrükendə bürünc medal qazanıb. 2018-ci ildə Orenburqda keçirilən Avropa Kubokunda gümüş medal qazanıb. 2018-ci ildə Bakıda keçirilən dünya çempionatında Hüseynov 60 kq çəki dərəcəsində beşinci yeri tutub. Burada o, sensasiyalı şəkildə hazırkı Olimpiya çempionu Beslan Mudranovu məğlub etdi, lakin 1/4 finalda gələcək dünya çempionu yaponiyalı Naohisa Takatoya uduzdu. O, bürünc uğrunda mübarizədə gürcüstanlı Amiran Papinaşviliyə uduzub. 2021-ci ildə Tbilisidə keçirilən Böyük Dəbilqə turnirində bürünc medal qazanıb. Həmin il Hüseynov Lissabonda keçirilən Avropa çempionatında daha bir bürünc medal qazanıb. 2021-ci ilin iyununda Macarıstanın paytaxtı Budapeştdə keçirilən dünya çempionatında Azərbaycan idmançısı 60 kq çəki dərəcəsində Qazaxıstan idmançısı Maqzhan Şəmşədinə qalib gələrək növbəti bürünc medala sahib olub.[3][4][5]

Şəxsi həyatı[redaktə | mənbəni redaktə et]

Kəramət Hüseynov 30 avqust 1998-ci ildə Bakıda anadan olub. Kəramətin hələ 9 yaşında ikən cüdoya marağı olduğunu görən dayısı, olimpiya çempionu cüdoçu Elnur Məmmədli ona 2007-ci ildə bu idman növünə yazılmağı məsləhət görüb. Beləliklə, Kəramət Hüseynov “Atilla” idman klubunun üzvü olub.

İstinadlar[redaktə | mənbəni redaktə et]

  1. ↑ JudoInside.com (ing.). 2002.
  2. ↑ https://web.archive.org/web/20210424124311/https://www.ijf.org/competition/2200/results?id_weight=1
  3. ↑ "Arxivlənmiş surət". 2022-01-22 tarixində arxivləşdirilib. İstifadə tarixi: 2022-05-11.
  4. ↑ "Arxivlənmiş surət". 2022-05-10 tarixində arxivləşdirilib. İstifadə tarixi: 2022-05-11.
  5. ↑ "Arxivlənmiş surət". 2020-08-04 tarixində arxivləşdirilib. İstifadə tarixi: 2022-05-11.

Xarici keçidlər[redaktə | mənbəni redaktə et]