Cavid Çələbiyev

Cavid Çələbiyev (17 may 1994, Sumqayıt) — Azərbaycanı təmsil edən boksçu, 2013-cü il Dünya Çempionatının qalibi.[1]

Cavid Çələbiyev
Cavid Çələbiyev 2017-ci ildə
Cavid Çələbiyev 2017-ci ildə
Şəxsi məlumatlar
Tam adı Cavid Namiq oğlu Çələbiyev
Vətəndaşlığı Azərbaycan Azərbaycan
Doğum tarixi (30 yaş)
Doğum yeri Sumqayıt, Azərbaycan
Boyu 174 sm. (5 ft 6 in)
İdman növü Boks
Medallar
Vikianbarın loqosu Vikianbarda əlaqəli mediafayllar

Karyerası

[redaktə | mənbəni redaktə et]

Cavid Çələbiyev 2013-cü ilin iyulunda Rusiyanın Kazan şəhərində baş tutan Universiada Oyunlarını beşinci pillədə başa vurdu. Daha sonra isə Cavid Çələbiyev Qazaxıstanın Almatı şəhərində baş tutan Dünya Çempionatında mübarizə apardı.[2] Cavid Çələbiyev turnirin 1/32 final mərhələsində Tacikistan nümayəndəsi Araz Avzalşoyeva (2:1), 1/16 final mərhələsində isə son olimpiadanın finalçısı olan Monqolustan nümayəndəsi Tugstsogt Nyambayara (2:1) qalib gəldi və Dünya Çempionatının 1/8 final mərhələsinə adladı.[2] Bu mərhələdə onun rəqibi Keniya nümayəndəsi Benson Giçaru oldu.[2] Gərgin idman mübarizəsi şəraitində baş tutan görüşdə Cavid Çələbiyev rəqibi üzərində qələbə qazandı (2:1) və turnirin 1/4 final mərhələsinə adladı.[2] Bu mərhələdə onun rəqibi Hindistan nümayəndəsi Şiva Tapa oldu.[2] Bu görüşdə də Cavid Çələbiyev rəqəbinə qalib gəldi (3:0) və turnirin yarım-final mərhələsinə adladı.[2] Finala gedən yolda isə onun Qazaxıstan nümayəndəsi Kayrat Yerəliyev oldu.[2] Gərgin idman mübarizəsi şəraitində baş tutan görüşdə Cavid Çələbiyev rəqibi üzərində qələbə qazandı (2:1) və Dünya Çempionatının final görüşünə vəsiqə qazandı.[2] Həlledici görüşdə onun rəqibi Rusiya nümayəndəsi Vladimir Nihitin oldu.[2] Bu görüşdə Cavid Çələbiyev rəqibinə qalib gəldi (3:0) və Dünya Çempionatının qızıl medalına sahib oldu.[2] Bu 21 yaşlı Cavid Çələbiyevin nüfuzlu beynəlxalq turnirlərdə birinci qələbəsi oldu.

2015-ci ildə Birinci Avropa Oyunlarında və Dünya Çempionatında Azərbaycanı son Dünya çempionu Cavid Çələbiyevin əvəzinə gənc Tayfur Əliyev təmsil elədi. Tayfur Əliyevin olimpiya lisenziyasına sahib ola bilməməsindən sonra məşqçilər 2016-cı ildə Cavid Çələbiyevə etimad göstərdi. Cavid Çələbiyev 2016-cı ilin aprelində Samsun şəhərində baş tutan Avropa Olimpiya Təsnifat Turnirində mübarizə apardı və bütün rəqibləri üzərində qələbə qazanaraq həm turnirin qalibi oldu, həm də olimpiya lisenziyasına sahib oldu.[3] Bununla da Cavid Çələbiyev Azərbaycanı avqustda Braziliyanın Rio-de-Janeyro şəhərində baş tutan XXXI Yay Olimpiya Oyunlarında təmsil elədi.[4] -56 Kq. turnirində çıxış edən Cavid Çələbiyev olimpiadanın 1/16 final mərhələsində Qazaxıstan nümayəndəsi Kayrat Yerəliyev oldu.[4] Görüşün birinci raundunda Cavid Çələbiyev qalib gəlsə də, növbəti raundlarda rəqibinə məğlub oldu.[4] Nəticədə Cavid Çələbiyev görüşü 0:3 hesabı ilə məğlub başa vurdu və Rio-de-Janeyro Olimpiadasında mübarizəsini dayandırdı.[4][5]

Olimpiadadan sonra Cavid Çələbiyev 2017-ci ilin mayında Azərbaycanda baş tutan IV İslam Həmrəyliyi Oyunlarının qalibi oldu.

Həmin ilin iyununda isə Cavid Çələbiyev Avropa Çempionatında mübarizə apardı.[6] Cavid Çələbiyev turnirin 1/16 final mərhələsində Litva nümayəndəsi Edgaras Surdelisa qalib gəlsə də (4:1), 1/8 final mərhələsində Fransa nümayəndəsi Sofian Oumihaya gərgin idman mübarizəsi şəraitində baş tutan görüşdə məğlub oldu (2:3) və Avropa Çempionatında mübarizəsini başa vurdu.[6]

2018-ci ildə Dünya və Avropa Çempionatları baş tutmadı. Cavid Çələbiyevin növbəti turniri 2019-cu ilin iyununda Belarusda baş tutan II Avropa Oyunlarında mübarizə apardı.[7] Cavid Çələbiyev turnirin 1/16 final mərhələsində Bosniya və Herseqovina nümayəndəsi Nihola İvhoviça (5:0), 1/8 final mərhələsində isə Moldova nümayəndəsi Dorin Busçaya (5:0) qalib gəldi və Avropa Oyunlarının 1/4 final mərhələsinə adladı.[7] Bu mərhələdə onun rəqibi Gürcüstan nümayəndəsi Otar Eranosyan ilə üz-üzə gəldi.[7] Gərgin idman mübarizəsi şəraitində baş tutan görüşdə Cavid Çələbiyev rəqibinə 2:3 hesabı ilə məğlub oldu və medalın bir addımlığında mübarizəni dayandıraraq turniri beşinci pillədə başa vurdu.[7]

2020-ci ilin martında isə Cavid Çələbiyev London şəhərində (Birləşmiş Krallıq) baş tutan Avropa Olimpiya Təsnifat Turnirində mübarizə apardı.[8] Dünyanı cənginə alan COVID-19 pandemiyası səbəbilə turnir nəticələri saxlanılmaqla 2021-ci ilin aprelinə Paris şəhərinə (Fransa) təxirə salındı.[8] Nəticədə Cavid Çələbiyev turniri beşinci pillədə başa vuraraq olimpiya lisenziyasına sahib oldu və 2021-ci ilin avqustunda Azərbaycanı XXXII Yay Olimpiya Oyunlarında təmsil elədi.[8] Olimpiadanın 1/16 final mərhələsində onun rəqibi Ukrayna nümayəndəsi Yaroslav Xartsiz oldu.[9] Həmin görüşdə Cavid Çələbiyev rəqibinə 5:0 hesabı ilə qalib gəldi və turnirin 1/8 final mərhələsinə adladı.[9] İyulun 31-də baş tutan 1/8 final mərhələsində isə Cavid Çələbiyev Ermənistan nümayəndəsi Ovanes Baçov ilə üz-üzə gəldi.[10] Gərgin idman mübarizəsi şəraitində baş tutan görüşdə Cavid Çələbiyev rəqibinə 1:4 hesabı ilə məğlub oldu və turnirdə mübarizəsini dayandırdı.[10][11] Cavid Çələbiyev görüşdən sonra müsahibəsində "referilərin qərarını ədalətsiz" adlandırdı.[12]

Azərbaycan Prezidenti İlham Əliyevin 30.12.2022-ci il tarixli 3695 nömrəli Sərəncamına əsasən Azərbaycan idmanında xidmətlərinə görə Çələbiyev Cavid Namiq oğlu "Tərəqqi" medalı ilə təltif edildi.[13]

Nəticələri

[redaktə | mənbəni redaktə et]
Sıra
İl
Yarış
Ev sahibi
Nəticə
1
2013
 Dünya Çempionatı Qazaxıstan Qazaxıstan
1.
2
2016
 Avropa Olimpiya Təsnifat Turniri Türkiyə Türkiyə
1.
3
 Olimpiya Oyunları Braziliya Braziliya
PAT
4
2017
 Avropa Çempionatı Ukrayna Ukrayna
PAT
5
2019
 Avropa Oyunları Belarus Belarus
5.
6
2020
 Avropa Olimpiya Təsnifat Turniri Fransa Fransa
5.
7
2021
 Olimpiya Oyunları Yaponiya Yaponiya
PAT

İstinadlar

[redaktə | mənbəni redaktə et]
  1. ↑ Olympedia.org. "Cavid ÇƏLƏBİYEV". www.olympedia.org (ingilis). 2022-08-30. 2022-02-08 tarixində arxivləşdirilib. İstifadə tarixi: 30.08.2022.
  2. ↑ 1 2 3 4 5 6 7 8 9 10 Amateur-boxing.strefa.pl idman portalı. "2013 World Championships — Results". www.amateur-boxing.strefa.pl ( (ing.)). 22.08.2022. 2022-08-20 tarixində arxivləşdirilib. İstifadə tarixi: 22.08.2022.
  3. ↑ Amateur-boxing.strefa.pl idman portalı. "2016 Europen Olympic Qualifying Tournaments — Results". www.amateur-boxing.strefa.pl ( (ing.)). 22.08.2022. 2022-11-04 tarixində arxivləşdirilib. İstifadə tarixi: 22.08.2022.
  4. ↑ 1 2 3 4 Olympedia.org. "2016 Summer Olympics / Boxing / Bantamweight (56 Kilograms) / Men". www.olympedia.org (ingilis). 2022-08-30. 2022-08-22 tarixində arxivləşdirilib. İstifadə tarixi: 30.08.2022.
  5. ↑ Amateur-boxing.strefa.pl idman portalı. "2016 Summer Olympics Games — Results". www.amateur-boxing.strefa.pl ( (ing.)). 22.08.2022. 2022-08-22 tarixində arxivləşdirilib. İstifadə tarixi: 22.08.2022.
  6. ↑ 1 2 Amateur-boxing.strefa.pl idman portalı. "2017 Europen Championships — Results". www.amateur-boxing.strefa.pl ( (ing.)). 22.08.2022. 2022-08-20 tarixində arxivləşdirilib. İstifadə tarixi: 22.08.2022.
  7. ↑ 1 2 3 4 Amateur-boxing.strefa.pl idman portalı. "2019 Europen Games — Results" (PDF). www.amateur-boxing.strefa.pl ( (ing.)). 22.08.2022. 2022-08-20 tarixində arxivləşdirilib (PDF). İstifadə tarixi: 22.08.2022.
  8. ↑ 1 2 3 Amateur-boxing.strefa.pl idman portalı. "2020 Europen Olympic Qualifying Tournaments — Results" (PDF). www.amateur-boxing.strefa.pl ( (ing.)). 22.08.2022. 2022-08-22 tarixində arxivləşdirilib (PDF). İstifadə tarixi: 22.08.2022.
  9. ↑ 1 2 Azerisport.com idman portalı. "Токио-2020: Джавид Челябиев выиграл первый бой на Олимпиаде-2020". www.azerisport.com ( (rus.)). 11.02.2022. 2022-02-11 tarixində arxivləşdirilib. İstifadə tarixi: 11.02.2022.
  10. ↑ 1 2 Azerisport.com idman portalı. "Токио-2020: Джавид Челябиев проиграл Ованнесу Бачкову". www.azerisport.com ( (rus.)). 11.02.2022. 2020-06-30 tarixində arxivləşdirilib. İstifadə tarixi: 11.02.2022.
  11. ↑ Olympedia.org. "2020 Summer Olympics / Boxing / Lightweight (57 Kilograms) / Men". www.olympedia.org (ingilis). 2022-08-30. 2022-08-22 tarixində arxivləşdirilib. İstifadə tarixi: 30.08.2022.
  12. ↑ Azerisport.com idman portalı. "Азербайджанский боксер не принимает поражение от армянского спортсмена: Судьи засудили меня". www.azerisport.com ( (rus.)). 11.02.2022. 2022-06-30 tarixində arxivləşdirilib. İstifadə tarixi: 11.02.2022.
  13. ↑ Normativ hüquqi sənədlərin vahid internet bazası. "Azərbaycan idmançılarının təltif edilməsi haqqında Azərbaycan Prezidenti İlham Əliyevin 30.12.2022-ci il tarixli 3695 nömrəli Sərəncamı". www.e-qanun.az (az.). 22.08.2022. İstifadə tarixi: 22.08.2022.[ölü keçid]