1. Böyük qüvvət, güc. Vətənimizin hərbi və iqtisadi qüdrəti gündən-günə artır.
// Ümumiyyətlə, güc, iqtidar, qüvvət, bacarıq.
Yorulmaq bilməmiş əqlin qanadı; Gör insan əqlinin nə qüdrəti var.
Can usta, axı mənim böyük bir niyyətim var; Mənim həyat qurmağa qəlbim var, qüdrətim var.
Bu ellər ən çətin dəqiqələrdə; Güvəndi, inandı öz qüdrətinə.
2. Təsir qüvvəsi, böyük nüfuz qüvvəsi.
[Nizami:] Gəncənin ən böyük şeir ustadı Məhsəti xanım sənətin qüdrətini Munisə göstərir.
Təbindəki, dühasındakı nəhəng qüdrəti ilə zülmə, haqsızlığa üsyan edən şairin səsi boğulmuşdu.
3. Taqət, iqtidar, güc. Qüdrətim olmadı ki, danışam.
4. Möhkəmlik, iradə, iradə qüvvəsi.
[Solmaz:] Ancaq unutma ki, mən ərlərdə qüvvət, qüdrət və cəsarəti sevirəm.
O, insanın böyüklüyünü və ruhi qüdrətini kəşf etdiyi üçün, artıq ağır yaralılar qarşısında çarəsiz bir uşaq kimi ağlamaqla kifayətlənməzdi.
// Cəsarət.
Axır nə səbəbə söz deməyə qüdrətin olsun?
5. Təbiət, fitrət, yaradılış.
Zülhəyat oldı ləbindən Xizrivü İsa layəmut; Gör bu qüdrət möcüzi kim, ləli-sirabındədir.
Söz yox ki, hüsnünə xilqət günündə; Qüdrət qələm çalmış, susmuş mələklər.
// Çıx.
halında: qüdrətdən – təbiətdən, fitrətdən, yaradılışdan.
Qaşın bir nundur çəkmiş qəza nəqqaşı qüdrətdən.
