İsgəndəriyyə şəhərinin vaxtilə dünyanın mədəniyyət mərkəzinə çevrilməsinin əsas səbəblərindən biri onun olduqca əlverişli coğrafi mövqeyi, əsas papirus mənbəyinin yanında yerləşməsi idi. Bu isə şəhərdə həmin çox qiymətli materialdan hazırlanmış kifayət qədər vərəqin olmasına yol açırdı. İsgəndəriyyə kitabxanasının yaranmasının əsas səbəbi də məhz bu idi.
Amma belə vəziyyət digər bölgələrin bu məsələdə Misirlə rəqabət aparmağına mane olmurdu. Belə rəqiblərdən biri Kiçik Asiyanın qərbində e.ə 250-ci ildə yaranmış və paytaxtı Perqam olan müstəqil dövlət idi.
Perqamda çox gözəl bir kitabxana yaradılmışdı. Yazı üçün yaxşı aşılanmış heyvan dərilərindən də istifadə etmək olardı, amma bu çox baha başa gəlirdi. Şəhərdə dərinin hər iki üzündən istifadə etməyə imkan verən yeni aşılama üsulu tapıldı. Bu üsulla emal edilmiş dərinin qiyməti əvvəlkindən iki dəfə ucuz olduğundan Perqam kitabxanası böyüklüyünə görə İsgəndəriyyə kitabxanasından sonra ikinci oldu.
Yunanlar bu yolla aşılanmış dəriləri ondan ən fəal surətdə istifadə edilən şəhərin adı ilə – perqamene adlandırdılar. Latın dilində bu söz “perqamentus” kimi səslənirdi.
Tədricən bu söz perqamentə çevrildi. Bu gün də söhbət xüsusi kağız növündən düşəndə məhz bu söz işlənir. (Ayzek Azimov. Sözlərin tarixi)
