Hacıbala Abutalıbov

Vikipediya, azad ensiklopediya
Naviqasiyaya keç Axtarışa keç
Çap versiyası artıq dəstəklənmir və render xətaları ola bilər. Zəhmət olmasa brauzerinizi yeniləyin və əvəzinə standart brauzer çap funksiyasından istifadə edin.
Hacıbala Abutalıbov
21 aprel 2018 – 21 oktyabr 2019
Baş nazirNovruz Məmmədov
ƏvvəlkiAbid Şərifov
SonrakıŞahin Mustafayev
17 yanvar 2000 – 30 yanvar 2001
Baş nazirArtur Rasi-zadə
30 yanvar 2001 – 21 aprel 2018
ƏvvəlkiRəfael Allahverdiyev
SonrakıEldar Əzizov
16 fevral 1995 – 17 yanvar 2000
ƏvvəlkiDarvin Ağamalıyev
SonrakıNatiq Mehdiyev
Şəxsi məlumatlar
Doğum tarixi 13 may 1944(1944-05-13) (80 yaş)
Doğum yeri
Partiya
Təhsili
Fəaliyyəti fizik, siyasətçi
Dini islam
Təltifləri "Şərəf" ordeni
Vikianbarın loqosu Vikianbarda əlaqəli mediafayllar

Hacıbala İbrahim oğlu Abutalıbov (13 may 1944, Krasnovodsk[1]) — Bakı Şəhər İcra hakimiyyətinin başçısı (2001–2018), Azərbaycan Respublikasının Baş nazirinin müavini (2018–2019).

Həyatı

Hacıbala Abutalıbov 1944-cü il mayın 13-də Türkmənistanın Krasnovodsk şəhərində anadan olmuşdur. 1965-ci ildə Azərbaycan Dövlət Universitetinin fizika-riyaziyyat fakültəsini bitirmişdir. Əslən Naxçıvan Muxtar Respublikası Ordubad rayonundandır.

1968-ci ildə keçmiş SSRİ-nin Leninqrad şəhərində A. F. İoffe adına Fizika-Texnika İnstitutunda aspiranturaya daxil olmuş, SSRİ Elmlər Akademiyasının müxbir üzvü, Lenin mükafatı laureatı Yevgeni Fyodoroviç Qrossun və Marina Lazaryevna Bellenin rəhbərliyi altında 1976-cı ildə namizədlik dissertasiyasını müdafiə etmiş, 1987-ci ildə isə Lenin mükafatı laureatı akademik Aleksandr Aleksandroviç Kaplyanskinin rəhbərliyi ilə həmin institutda fizika-riyaziyyat elmləri doktoru yüksək elmi dərəcəsi adını almışdır. Fizika-riyaziyyat elmləri doktoru, professordur. Amerika, İngiltərə, Fransa, Almaniya, Rusiya və sair dövlətlərin qabaqcıl elmi jurnallarında çap olunmuş 200-dən çox elmi əsərin və monoqrafiyanın, 30-dan çox elmi ixtiranın müəllifidir.

H. Abutalıbovun rəhbərliyi altında 10-dan çox elmlər doktoru və elmlər namizədi yetişmişdir. 1988-ci ildən Azərbaycan Milli Elmlər Akademiyasının Fizika İnstitutunda "Yarımkeçiricilərin kvant elektronikası" laboratoriyasının müdiridir.

1995-ci ilin fevral ayından 2000-ci ilin yanvar ayınadək Azərbaycan Respublikası Prezidentinin Fərmanı ilə Suraxanı Rayon İcra Hakimiyyətinin başçısı olmuşdur.

1999-cu ilin iyul ayında Azərbaycan Respublikası Prezidenti "Suraxanı Rayon İcra Hakimiyyətinin müsbət iş təcrübəsinin yayılması haqqında" Sərəncam imzalamışdır[2].

2000-ci ilin yanvar ayından 2001-ci ilin yanvar ayına qədər Azərbaycan Respublikası Baş nazirinin müavini vəzifəsində çalışmışdır.

2001-ci ilin yanvar ayından Azərbaycan Respublikası Prezidentinin Fərmanı ilə Bakı Şəhər İcra Hakimiyyətinin başçısı təyin edilmişdir.

21 aprel 2018-ci ildə Azərbaycan Respublikasını Baş nazirinin müavini təyin edilmişdir.

Yeni Azərbaycan Partiyası Veteranlar Şurasının üzvüdür, ailəlidir, iki oğlu var.

Mükafatları

İstinadlar

  1. ↑ 1 2 https://www.facebook.com/pages/Turkmenbashi-Turkmenistan/111027045591507.
  2. ↑ ""Suraxanı Rayon İcra Hakimiyyətinin müsbət iş təcrübəsinin yayılması haqqında" Azərbaycan Respublikası Prezidentinin 20 iyul 1999-cu il tarixli, 191 nömrəli Sərəncamı". 2018-08-14 tarixində arxivləşdirilib. İstifadə tarixi: 2023-11-29.
  3. ↑ "H. İ. Abutalıbovun "Şərəf" ordeni ilə təltif edilməsi haqqında" Azərbaycan Respublikası Prezidentinin 13 may 2014-cü il tarixli Sərəncamı. Arxivləşdirilib 3 sentyabr 2021 at the Wayback Machine president.gov.az  (az.)
Mənbə — "https://az.wikipedia.org/w/index.php?title=Hacıbala_Abutalıbov&oldid=7591511"