Qarğalartəpəsi yaşayış yeri

Vikipediya, azad ensiklopediya
Naviqasiyaya keç Axtarışa keç
Çap versiyası artıq dəstəklənmir və render xətaları ola bilər. Zəhmət olmasa brauzerinizi yeniləyin və əvəzinə standart brauzer çap funksiyasından istifadə edin.

Qarğalartəpəsi yaşayış yeri — Azərbaycanın Qazax rayonunda qədim yaşayış yeri.

Ümumi məlumat

Azərbaycanın Qazax rayonunda, Ağstafa dəmir yolu satansiyasından 4 km Şərqdə Qırılı kəndi ərazisində Eneolit dövrünə aid yaşayış yeri. Təpənin hündürlüyü 10 metrdir. Arxeoloji qazıntılar zamanı çiy kərpicdən hörülmüş dairəvi planlı yaşayış və təsərrüfat binalarının qalıqları aşkar edilib. Evlərin döşəmələri gillə suvanıb, bəzən qırmızı boya çəkilmişdir. Bir bina kirəclə ağardılmışdır. Sümük və maral buynuzundan toxalar, çaxmaqdaşı və dəvəgözündən (obsidian) oraq dişləri, iri və xırda heyvan sümükləri, daş qaşovlar, bıçaqlar, sümük bizlər, bəzək əşyaları və bəsit saxsı məmulatı tapılıb. Gildən düzəldilmiş qadın fiquru Azərbaycan ərazisində ən qədim hykəltəraşlıq nümunəsidir. Abidə e.ə. V minilliyə aid edilir. Qafqazda ən qədim metal əşya-mis muncuq Qarğalar təpəsindən tapılıb. Qarğalartəpəsi Şomutəpə mədəniyyətinin xarakterik abidəsidir.[1]

Şəkillər

  • Qarğalartəpəsi yaşayış yerindən tapılmış dən daşı (Azərbaycan Tarix Muzeyi)
    Qarğalartəpəsi yaşayış yerindən tapılmış dən daşı (Azərbaycan Tarix Muzeyi)
  • Qarğalartəpəsindən tapılmış dəvəgözündən hazırlanmış nukleuslar
    Qarğalartəpəsindən tapılmış dəvəgözündən hazırlanmış nukleuslar
  • Qarğalartəpəsindən aşkarlanmış muncuqlar
    Qarğalartəpəsindən aşkarlanmış muncuqlar
  • Qarğalartəpəsindən aşkarlanmış gil qadın fiquru
    Qarğalartəpəsindən aşkarlanmış gil qadın fiquru

İstinadlar

  1. ↑ Азәрбајҹан Совет Енсиклопедијасы. III ҹилд: Гаjыбов – Елдаров. Баш редактop: Ҹ. Б. Гулиjeв. Бакы: Азәрбајҹан Совет Енсиклопедијасынын Баш Редаксиjасы, 1979, сəhифə 71.
Mənbə — "https://az.wikipedia.org/w/index.php?title=Qarğalartəpəsi_yaşayış_yeri&oldid=6639270"