Bencamin Aaron Şapiro (ing.Benjamin Aaron Shapiro; 15 yanvar1984, Los-Anceles, Kaliforniya)[2] — ABŞmühafizəkar siyasi şərhçisi, ictimai spikeri, yazıçısı və hüquqşünası. O, 17 yaşında olarkən ABŞ-də milli şəkildə sindikatlaşdırılmış ən gənc icmalçı olmuşdur.[3][4][5] Şapiro "Creators Syndicate" və "Newsweek" üçün icmallar yazır, qurduğu "The Daily Wire" veb-saytının baş redaktoru, "The Ben Shapiro Show" gündəlik siyasi podkastı və canlı radioverilişinin aparıcısıdır. 2012-ci ildən 2016-cı ilə qədər "Breitbart News" veb-saytının redaktor-konsultantı olmuş Ben Şapiro bu günə kimi 11 kitab yazmışdır. Onların birincisi "Brainwashed: How Universities Indoctrinate America's Youth" (2004), ən yenisi isə "The Authoritarian Moment: How the Left Weaponized America's Institutions Against Dissent" (2021).
İbtidai məktəbdə oxuyan zaman Şapiro üzgüçülük yarışlarında bir neçə dəfə birinci olmuşdur.[11] İki sinif adlayan (üçüncü və doqquzuncu) Şapiro Ualter Rid Orta Məktəbindən Los-Anceles Yeşiva Universiteti Orta Məktəbinə keçmişdir ki, o, buradan 2000-ci ildə, 16 yaşında məzun olmuşdur.[4][12] O, 2004-cü ildə, 20 yaşında Kaliforniya Universitetindənsumma cum laude və Phi Beta Kappa dərəcələri ilə, 2007-ci ildə, 23 yaşında isə Harvard Hüquq Məktəbindənpolitologiya üzrə incəsənət bakalavrı dərəcəsi ilə, daha sonra isə cum laude dərəcəsi ilə məzun olmuşdur.[13][14] O, "Goodwin Procter" firmasında hüquq tətbiq etmişdir. 2012-ci ilin mart ayından ibarət o, "Benjamin Shapiro Legal Consulting" adlı Los-Anceles əsaslı hüquqi konsultasiya firmasına rəhbərlik edir.[4]
Ben Şapiro siyasətlə gənc yaşlarından maraqlanmışdır. O, 17 yaşında olarkən milli şəkildə sindikatlaşdırılmış icmalçı olmuş və 21 yaşında olarkən iki kitab yazmışdır.[15]
2004-cü ildə yazdığı ilk kitabı olan "Beyni təmizlənmiş. Universitetlər Amerikanın gəncliyini necə təlqin edir" kitabında Şapiro iddia edir ki, universitetlərdə tələbələrə fərqli-fərqli nöqteyi-nəzərlər nümayiş olunmur və sinif otaqlarında müzakirələr təşviq edilsə belə güclü fikirləri olmayan şəxslər liberal təşkilatların üstünlük təşkil etdiyi atmosfer tərəfindən əziləcəklər.[16]
2011-ci ildə "HarperCollins" Şapironun dördüncü kitabını – "Praym-taym propaqanda. Solun sizin televizorunuzu necə ələ keçirməsinin gerçək Hollivud hekayəsi" kitabını nəşr etmişdir. Bu kitabda o, iddia edir ki, Hollivudun praym-taym əyləncə verilişlərində təbliğ etdiyi solçu siyasəti var. Bu kitabda "Xoşbəxt günlər" və "MEŞ" teleseriallarının prodüserləri qəbul edir ki, onlar pro-pasifist, anti-Vyetnam müharibəsi siyasət yürütmüşdülər.[17] Həmin il Şapiro "David Horowitz Freedom Center" fondunun üzvü olmuşdur.[18][19]
2013-cü ildə "Threshold Editions" Şapironun beşinci kitabını – "Zorbalar. Solun qorxu və qorxutma mədəniyyəti amerikalıları necə susdurur" kitabını nəşr etmişdir.[20]
2019-cu ildə Ben Şapiro "Tarixin düzgün tərəfi. Səbəb və mənəvi məqsəd Qərbi necə möhtəşəm etdi" kitabını nəşr etdirmişdir. Kitab iudaist-xristian dəyərlərinin əhəmiyyətindən və həmin dəyərlərin müasir Amerikada süquta uğramasından bəhs edir.[21][22][23] 2019-cu ilin may ayında "BBC" telekanalına verdiyi müsahibədə Ben Şapiro öz kitabını reklam edirdi, lakin daha sonra müsahib Endrü Nil Şapironun səsləndirdiyi şərhlərin kitabın mesajına zidd olduğunu demişdir.[21] Şapiro bu tənqidi özünə təhqir kimi götürmüş, Nili solçuluqla ittiham etmişdir. O, Nilə dedi ki, "mənim populyar olduğuma və heç kəsin sənin adını eşitmədiyinə görə şıllaq atırsan" və müsahibəni əsəbi halda tərk etmişdir.[21][24][25][26][27][28] Şapiro daha sonra öz boynuna aldı ki, o, Nil tərəfindən "darmadağın edilib". O, öz rəsmi Tvitter hesabında yazmışdır: "Mən öz qaydamı pozdum və buna tamamilə hazır deyildim".[29]
Kitabın satışa çıxarılmasından sonra Şapiro elementar araşdırmanın və eksperimental elmin Qərbə özəl olduğunu demişdir. Miçiqan UniversitetininOrta Şərq Elmləri fakültəsinin professoru Xuan Koul Şepironun iddialarının yanlış olduğunu bəyan etmişdir. O, mürəkkəb elmin dünyanın digər hissələrində də tətbiq edildiyini demişdir. Koul nümunə olaraq, orta əsr ərəb alimi Əbu Əli Həsən ibn Heysəm Bəsrinin elmi metodikanı təqdim edən ilk insanlardan biri hesab olunmasını göstərmişdir.[30] İqtisadçı Noa Smit kitabı tənqid etmişdir. O, qeyd etmişdir ki, elmi ustalığın ölçülməsi, məsələn, Nobel mükafatı, qüsurludur, çünki onları təqdim edənlər öz araşdırmalarını oxşar dillərdə yayımlayan Qərb alimlərindən daha çox xəbərdar olan isveçli alimlərdir.[31]
2012-ci ildə Ben Şapiro Endrü Breytbart tərəfindən təsis edilən "Breitbart News" mühafizəkar veb-saytının redaktor-konsultantı olmuşdur.[32] 2016-cı ilin mart ayında Şapiro bu vəzifəsindən istefa etmişdir. Buna səbəb Donald Trampın keçmiş kampaniya meneceri Kori Levandovskinin müxbir Mişell Fildsə hücum etməsində veb-saytın müxbirə dəstək verməməsi idi.[33][34] Şapironun işi atmasından sonra Breytbart bir məqalə yayımlamışdır. Bu məqalə də o yazmışdır: "Ben Şapiro Fox News qurumuna töhfə vermək üçün sadiq Breytbart oxucularına xəyanət edir". Buna baxmayaraq, o, daha sonra bu məqaləni silmişdir.[35][36] Şapiro "Breitbart News" veb-saytını tərk etdikdən sonra o, antisemit ritorikaya məruz qalmışdır.[36] 2016-cı ildə "Anti-Defamation League" tərəfindən tərtib edilən analizə görə, Şapiro ən çox antisemit reaksiyaya məruz qalan jurnalistdir.[37][38]
7 fevral 2013-cü il tarixində Şapiro müəyyən olmayan senat mənbələrinə istinad verərək "HƏMAS-ın dostları" adlı bir qrupun Birləşmiş Ştatların PrezidentiBarak Obamanın onu namizəd göstərməsiylə Müdafiə Katibi vəzifəsinə təsdiqlənməyi gözləyən keçmiş ABŞ senatoru Çak Heygeli dəstəkləyənlərin arasında olduğundan bəhs edən bir məqalə yayımlamışdır, ancaq həftələr sonra "Slate" müxbiri Devid Veygel bildirmişdir ki, elə bir qrupun mövcud olması barədə heç bir dəlil yoxdur.[39] Şapiro Veygelə demişdir ki, yayımladığı hekayə "əlində olan məlumatların hamısı idi".[40][41][42]
7 oktyabr 2013-cü il tarixində Şapiro və biznes partnyoru Ceremi Boreynq ilə birlikdə "David Horowitz Freedom Center" ilə əlaqəli "TruthRevolt" veb-saytını təsis etmişdir.[43] "TruthRevolt" 2018-ci ilin mart ayında fəaliyyətini dayandırmışdır.[44]
14 yanvar 2021-ci il tarixində Şapiro "Politico Playbook" bülletenində qonaq yazıçı olmuş, burada o, Donald Trampın ikinci impiçmentinə qarşı çıxan Ağ EvRespublikaçılarını qorumuşdur.[45] Bülleten buna görə bəzi "Politico" işçisindən mənfi reaksiya almışdır. Onlardan bəzilərinə görə, Şapironun məqalə yazmasına icazə verilməməliydi. "Politico"nun baş redaktoru Metyu Kaminski üzr istəməkdən imtina etmiş və Şapironun məqalə yazmasına icazənin verilməsinə haqq qazandırmışdır.[46][47] "Daily Beast" saytına görə, 100-dən çox "Politico" işçisi yayımçı Robert Allbrittona məktub göndərərək "Politico"nun Şapiroya məqalə yazmağa icazə verməsini və Kaminskinin reaksiyasını tənqid etmişdir.[48]
2012-ci ildə Şapiro "KRLA-AM 870" radiostansiyasına aparıcı olaraq qoşulmuşdur. O, Haydi Harris və Brayn Uaytmanla birlikdə radiostansiyanın səhər vaxtı verilən radioverilişində aparıcılıq edirdi.[49] 2016-cı ildən etibarən o, "KRLA-AM 870" radiostansiyasının "The Morning Answer" radioverilişinin aparıcılarından bir idi. Daxili elektron poçtlar göstərmişdir ki, Şapiro radioverilişə sahibi olan "Salem Media" sindikatının adminstratorlarının təzyiqinə məruz qalmışdır. Onlar Şapiroya deyirdilər ki, 2016-cı il ABŞ Prezident seçkilərindəDonald Trampa daha çox dəstək versin. Buna baxmayaraq, Şapiro Trampı bütün seçki boyunca sərt şəkildə tənqid etmişdir.[50]
Ben Şapiro və Ceremi Boreynq 21 sentyabr 2015-ci il tarixində "The Daily Wire" saytını təsis etmişdir. O, saytın həm baş redaktoru, həm də ki saytın gündəlik yayımlanan və onlayn siyasi podkastı olan "The Ben Shapiro Show" verilişinin aparıcısıdır.[51][52] "Podtrac" qurumunun verdiyi məlumata görə, "The Ben Shapiro Show" 2019-cu ilin mart ayından etibarən ABŞ-nin ən populyar ikinci podkastıdır.[53] "Westwood One" şirkəti 2018-ci ilin aprel ayında "The Ben Shapiro Show" podkastını radioyaya sindikatlaşdırmağa başlamışdır.[54] "Politico" qəzeti 2018-ci ildə podkastın "geniş miqyasda populyar" olduğunu demişdir.[55] "Westwood One" 2019-cu ilin yanvar ayında Şapironun bir saatlıq podkastdan radioyaya verilişini genişləndirmiş, dövlət səviyyəsində sindikatlaşdırılmış iki saatlıq radioveriliş əlavə etmişdir.[56] "Westwood One" şirkətinin verdiyi məlumata görə, 2019-cu ilin mart ayından etibarən, "The Ben Shapiro Show" 200-dən çox radiostansiyasında səsləndirilir.[57] 2020-ci ilin iyun ayında Şapiro saytın qurulduğu gündən bəri tutduğu baş redaktor vəzifəsini tərk etmişdir.[58]
2018-ci ilin sentyabr ayında Şapiro "Fox News" telekanalında yayımlanan "The Ben Shapiro Election Special" verilişinə aparıcılıq etməyə başlamışdır. Məhdudseriyalı veriliş 2018-ci il ABŞ ara seçkiləri ilə əlaqədar xəbərləri əhatə edirdi.[59]
Şapiro tez-tez "PragerU" təşkilatının debatlarında iştirak etmişdir. Onun interseksionallıq və Hollivud haqqında olan debatları 2018-ci ilin dekabr ayında əldə edilən məlumatlara görə 4.900.000–8.400.000 izlənmə sayı qazanmışdır.[60][61][62]
Ben Şapironun Ferris Ştat Universitetindəki niqti. 2017-ci il.
Şapiro tez-tez müxtəlif kolleckampuslarında nitqlər səsləndirir. O, kampuslardakı auditoriyasına, adətən, öz mühafizəkar nöqteyi-nəzərlərini təqdim edir. Şapiro 2016-cı ilin əvvəllərindən 2017-ci ilin axırlarına qədər 27 kampusda nitq səsləndirmişdir.[6]
Los-Anceles Kaliforniya Ştat Universitetindəki bəzi tələbələr və fakültə üzvləri o zaman "Breitbart News" saytının baş redaktoru olan Şapironun 25 fevral 2016-cı il tarixində keçiriləcək "Çeşidlilik problemə çevirələndə" (ing.When Diversity Becomes a Problem) adlı nitqinə mənfi münasibət bəsləyirdilər. Universitetin prezidenti Uilyam Kovino nitqi onun tarixini müxtəlif kampus tələbələrinin çeşidliliyi üzrə müxtəlif nöqteyi-nəzərləri ehtiva etməsi üçün yenidən təyin etmək hədəfiylə keçirilməsindən üç gün əvvəl ləğv eləmişdir. Kovino axırda bu qərarını ləğv etmiş, tədbirin əvvəlcədən planlaşdırıldığı şəkildə səsləndirilməsinə icazə vermişdir.[63][64] Tədbirin keçirildiyi gün tələbələr insan zəncirləri quraraq tədbirə olan yolları bağlamış, oturuş protesti təşkil etmişdir. Şapiro nitqini səsləndirməyə başlayan zaman etirazçılar yanğın alarmını aktivləşdirdilər. Nitqin səsləndirilməsi sona çatdıqdan sonra Şapiro kampus polisi eskortu ilə universiteti tərk etmişdir.[65] "Young America's Foundation" bəyan etmişdir ki, universitetə qarşı məhkəmə işi açacaq. Fond iddia etmişdir ki, Kovinonun tədbiri ləğv etmək cəhdi, eləcə də tələbələrin tədbirə olan giriş və çıxışlarına fiziki şəkildə barrikada qurulması tələbələrin ABŞ Konstitusiyasının birinci və on dördüncü düzəlişlərində bildirilən hüquqlarını pozmuşdur.[66]
2016-cı ilin avqust ayında De Pol Universiteti "təhlükəsizlik üzrə yaranan narahatlıqlara" görə Şapiroya kampusda tələbələrə nitq səsləndirmək haqqında verdiyi dəvəti geri çəkmiş və onun kampusa daxil olmasını qadağa etmişdir.[67]
14 sentyabr 2017-ci ildə Şapiro Berkli Kaliforniya Universitetinin Berkli Kollec Respublikaçıları tələbə təşkilatının dəvəti ilə orada nitq səsləndirmişdir. O, bu nitqində kimlik siyasətini tənqid etmişdir.[68][69] Bu tədbirdə çoxlu hüquq-mühafizə orqanı işçiləri iştirak etmişdir. Avqust ayında Berkli kansleri Kerol Xrist buna söz vermişdi. Həm universitet, həm də ki şəhər tədbirin təhlükəsizliyi üçün 600.000 ABŞ dolları xərcləmişdir. Nəticədə, böyük hadisələr baş verməsə də, doqquz nəfər polis tərəfindən nəzarətə alınmışdır.[70][71][72]
Şapiro 2016-cı il ABŞ prezident seçkilərindəRespublikaçı namizəd Ted Kruzu dəstəkləmiş və Donald Trampın namizədliyinə qarşı çıxmışdır.[73] O, Stiv Bannonu "başqa bir zorba olan Donald Trampa dəstək olmaq üçün "Breitbart"ın qurucusu Endrü Breytbartın missiyasını satan" bir "zorba" adlandırmışdır.[74] 2016-cı ildə nə Trampa, nə də ki Klintona səs verməyən Şapiro[75] demişdir ki, Trampın seçilməsi onun lehinə olan səslərdən daha çox Klintonun əleyhinə olan səslərə görə idi.[6]
Şapiro 19 oktyabr 2020-ci il tarixində 2020-ci il ABŞ prezident seçkilərində Trampa səs verəcəyini açıqlamışdır. O, buna səbəb olaraq, Trampın siyasətini yanlış anladığını və Demokratların "öz ağıllarını itir"diyini demişdir.[76]
Şapiro 3 noyabr 2020-ci il tarixində, seçki gecəsində Tramp nəticələr çıxmazdan əvvəl özünü qalib elan etdiyinə görə onu tənqid etmişdir. O, öz Tvitter hesabında bunun "çox məsuliyyətsiz" bir hərəkət olduğunu demişdir.[77]
Şapiro Gənc Qadınların Liderlik Sammitində çıxış edərkən. Dallas, Texas. 2018-ci il.
Şapiro təcavüz və insest halları da daxil olmaqla abortun qadağan edilməsini dəstəkləyir.[78] Şapiroya görə tək istisna hal, səlahiyyətli tibb orqanı hamiləlik nəticəsində ananın həyatının təhlükə altında olduğunu təyin etməsidir. Bundan əlavə, o, bunun kəskin psixi pozuntular səbəbindən intihara görə ananın həyatının təhlükə altında olduğu hallarını da əhatə etdiyini bildirmişdir. O həmçinin, abort tətbiq etmiş həkimlərin məsuliyyətə cəlb edilməli olduğuna inanır,[79] abort etdirən qadınları "körpə qatilləri" adlandırmışdır.[80][81][82] Şapiro 2019-cu ildə "Ali Məhkəmənin Ro Ueydə qarşı məhkəməsini devirməsi"nin mümkün olmayacağını iddia etmişdir.[83]
Şapiro 2019-cu ildə Vaşinqton şəhərində hər il keçirilən "Həyat üçün yürüş" tədbirində iştirak edərək abortu "zorakı akt" adlandırmışdır.[84]
Şapiro alternativ sağ (alt-sağ) hərəkatının tənqidçisidir[85][86] və 2017-ci ildə alternativ sağı "zibil fikirlərindən ibarət bir zibil hərəkat" adlandırmış, konservatizm ilə "heç bir əlaqəsi" olmadığını əlavə etmişdir.[87] 2019-cu ildə Şapiro həftəlik "The Economist" qəzetini onunla müsahibəsində özünü "alt-sağ" kimi xarakterizə etdiyi üçün tənqid etmişdir. "The Economist" buna görə üzr istəmiş və məqalənin başlığını dəyişdirərək Şapironu "radikal mühafizəkar" adlandırmışdır.[88]
Şapiro 2018-ci ildə Feysbukunkonservativ saytların trafikini məhdudlaşdıran bir alqoritm dəyişikliyi tətbiq etdikdən sonra platformanın həmin saytları hədəf aldığını və kifayət qədər şəffaf olmadığını bildirmişdir.[89]
2012-ci ilin dekabrında Sendi-Huk ibtidai məktəbində baş verən gülləbarandan sonra Şapiro 10 yanvar 2013-cü il tarixdə "CNN" kanalının "Piers Morgan Tonight" verilişində çıxış edərək Pirs Morqanı "özündən siyasi cəhətdən fərqli olan insanları Sendi-Huk uşaqlarının qəbirlərinin üzərində dayanaraq iblisləşdirməyə meyilli" bir "zorba" adlandırmışdır.[90][91] Müzakirədən videolar qısa müddətdə milyonlarla baxış toplamış və internetdə populyarlaşmışdır.[52]
2017-ci ilin oktyabrında Las-Veqasda baş verən gülləbarandan sonra Şapiro silahların qadağan edilməsinin "ağılsız və qeyri-mənəvi" olduğunu bildirmiş, lakin "odlu silahlara ehtiyac və hüquq ilə dövlət siyasətindəki narahatlıqlar, o cümlədən ictimai yerdə bir avtomatik silahdan istifadə edilməsi təhlükəsi" arasında taraz yaratmağın zəruri olduğunu irəli sürmüşdür. Şapiro "ruhi xəstələrə silah satışını qadağan edən federal qanunların tətbiqi"ni təklif etmişdir.[92]
Ben Şapiro Mühafizəkar Siyasi Hərəkət Konfransında çıxış edərkən. Merilend ştatı. 2018-ci il.
Şapiroya görə, İsrail–Fələstin münaqişəsinin arxasında duran səbəb "İsrailin mövcud olması və HƏMAS-ın onun mövcud olmamasını arzulaması"dır.[93] "Vox" yazıçısı Zak Boşam Şapironu qütbləndirici bir şəxsiyyət olaraq xarakterizə etmişdir.[94][95] Buna səbəb onun 2010-cu ildə paylaşdığı "israillilər tikməyi sevir, ərəblər isə hər şeyi bombalamağı və açıq kanalizasiyada yaşamağı" tvitləri idi. 2003-cü ildə Şapironun "Townhall" saytındakı köşə yazısında İsraildən "fələstinliləri və İsrail ərəblərinin Yəhudiya, Samariya, Qəzzə və ümumiyyətlə İsraildən köçürməsi"ni tələb etmişdir. İkinci Dünya müharibəsindən sonra almanların qovulmasını bir presedent olaraq xatırladan Şapiro[96] israrlı şəkildə qeyd etmişdir ki, "düşmən əhalinin qovulması zorakı dolaşıqlığın qarşısını almağın çox istifadə olunan və ümumiyyətlə təsirli bir yoludur". Şapiro həmin məqalədə yazmışdır ki, "Fələstin əhalisinin ideologiyası onun terror rəhbərliyindən fərqlənmir".[97] Cefri Qoldberq bu şərhləri son dərəcə tənqid etmiş və bunları Şapironun "faşist" davranışına nümunə göstərmişdir.[98][99] Şapiro daha sonra İordan çayının qərb sahili məsələsinə baxışını dəyişdirərək əvvəl fikirlərinin "həm qeyri-insani, həm də qeyri-tətbiqi" olduğunu söyləmişdir.[100]
Şapiro İsrailin İordan çayının qərb sahilindəki işğal etdiyi Fələstin ərazilərindəki məskunlaşma prosesini dəstəkləyir, iki dövlətli həll yoluna uzun müddətdir ki, qarşı çıxır.[101] O, 2007-ci ildə yazdığı məqalədə fələstinli ərəbləri "özəyinə qədər çürümüş" kimi təsvir etmiş və İsrail–Fələstin münaqişəsinə görə fələstinli ərəbləri günahkar görmüşdür. O həmçinin qeyd etmişdir ki, İsrail və Amerika "fələstinli ərəb əhalisinin terrorizm, antisemitizm və antiamerikanizm doğması" kimi bir "sadə həqiqəti" tanımaqdan imtina etdikləri təqdirdə "qan və xəzinə ilə ödəməyə davam edəcək".[102] Şapiro 2019-cu ildə Amerikanın İsrailə verdiyi dəstəklə əlaqədar fikirlərinə görə antisemitik nitq oyandırmaqda günahlandırılan Konqresin Demokrat və qadın nümayəndəsi İlhan Ömər ilə ağdərili üstünlüyü fikrinin dəstəkçiləri olan Pouey sinaqoqu cinayətkarlarının "yəhudilər haqqında çox oxşar fikirdə olduğunu" söyləmişdir.[103]
2021-ci ilin mayında, 2021-ci ildə gerçəkləşən İsrail–Fələstin böhranı zamanı Ben Şapiro HƏMAS-ın raket hücumlarının "antisemit bir soyqırıma səbəb olacağını" bildirmişdir. O, HƏMAS-ın "on milyonlarla dollar dəyərində" xarici yardımı "yəhudilərə zərbə endirmək üçün terror tunelləri və raket tutumu" yaratmaq məqsədilə xərclədiyini də qeyd etmişdir. Şapiro iddia etmişdir ki, HƏMAS-ın öz raketlərini mülki bölgələrdə yerləşdirir və beləliklə "İsraili fələstinli mülki şəxsləri öldürməyə məcbur edir ki, öz növbəsində İsrailin guya insan haqları ilə əlaqəli zülmünü təbliğ edə bilsin". O, HƏMAS-ın yalnız yəhudiləri deyil, həm də İsrail vətəndaşı olan ərəbləri və xarici işçiləri də öldürdüyünü əlavə etmişdir. Şapiro həmçinin, böhranın mediada əhatə olunma tərzini qınamış, onu "absurd" adlandırmışdır.[93] Şapiro fələstinli bir yazıçının "The Times" qəzetində yayımlanan məqaləsində istifadə olunan əsas görüntünü – İsrail xəritəsini tənqid etmiş və əlavə etmişdir ki, xəritə "o qədər pis idi ki, 2015-ci ildə şəkildən istifadə edən MSNBC onu geri çəkməli və xəritənin əslində səhv olduğunu etiraf etməli oldu"ğunu bildirmişdir.[104]
Şapiro 2010-cu ildə homoseksuallığın Psixi Pozuntuların Diaqnostik və Statistik Təlimatından ruhi xəstəlik kimi çıxarılmasına etiraz etmiş, bunun üçün də homoseksualların heteroseksuallardan daha yüksək depressiya səviyyəsinə malik olduğunu əsas gətirmişdir.[105]
Şapiro ABŞ Ali Məhkəməsinin Obergefell Hocsa qarşı məhkəməsində eynicins evliliklərə qoyulan qadağaların konstitusiyaya zidd hesab etdiyi qərarına qarşı çıxmışdır.[106][107][108] Bununla birlikdə o, hökumətin evlilikdə iştirakına çıxaraq, "məncə, hökumət bu işdə bərbad gündədir" demiş və Obergefell Hocsa qarşı məhkəməsində alınan qərara görə hökumətin bir nöqtədə dini qurumları iradələrindən kənar olaraq həmcins evlilikləri təsdiqləməsinə məcbur edə biləcəyindən narahat olduğunu bildirmişdir.[109][110] "Slate" saytına yazan jurnalist Set Stivensona görə, Şapiro homoseksuallığı günah kimi təsvir etmişdir. Şapiro demişdir ki, "bir kişi və bir qadın bir uşağı böyütmək məsələsində iki kişi və ya iki qadından daha yaxşı iş görür".[80]
Şapiro eynicins evliliyin məktəblərdə şagirdlərə öyrədilməsini dəstəkləmədiyini bildirmişdir. O, hökumətin onsuz da "Kaliforniyanın dövlət məktəblərində gey evliliyini öyrətmək üçün qanunlar qəbul etdiyini" söyləmişdir. Şapiro bunun "valideynlər tərəfindən öyrədilməli olduğunu" deyərək məsələnin "dəyərlərlə əlaqəli olduğunu" qeyd etmişdir. Şapiro həmçinin, "sosial mənada eynicins evliliyə qarşı" olduğunu bildirmiş, bir dindar kimi "homoseksuallığın günah olduğuna inandığı"nı söyləmişdir. O əlavə olaraq, demişdir ki, "insanların etdiyi bir çox şey günahdır, lakin düşünürəm ki, onların bunları etmək hüququ olmalıdır".[109] Cənub Yoxsulluq Hüquq Mərkəzinin üzvü Haydi Beyrix 2014-cü ildə Şapironun ABŞ-nin "homoseksuallara qarşı ayrı-seçkilik edən bir ölkə olmadığını" və "bu ölkədə homoseksuallara qarşı çox az ayrı-seçkilik olduğunu" iddia etməsinə etiraz etmişdir.[111]
Şapiro transgender fərdlərin psixi pozuntulardan əziyyət çəkdiklərinə inanır.[87][112] Şapiro bir insanın "sehrli bir şəkildə öz genderini və sehrli bir şəkildə öz cinsini dəyişdirə bilməyəcəyi"ni demişdir. O, bu cür dəyişiklikləri insanın yaşını dəyişdirmə konsepsiyası ilə müqayisə etmişdir.[6]
2015-ci ilin iyul ayında Şapiro və transseksual hüquq müdafiəçisi Zoi Tur "Dr. Drew On Call" verilişdə Keytlin Cennerin Artur Eş Cəsarət Mükafatını alması barədə müzakirə edirdilər.[113][114] Şapiro bir transgender qadın olan Tura "cənab" deyə müraciət etdikdən sonra Tur əlini Şapironun boynuna qoymuş və birbaşa efirdə Şapironu "təcili yardım maşınında öz evinə göndərəcə"yini deyərək onu hədələmişdir. Şapiro cavab olaraq, Turun sözlərinin "siyasi müzakirə üçün biraz yersiz göründü"yünü demişdir. O, daha sonra Turu polisə şikayət etmişdir.[115][116][117]
Şapiro 2019-cu ildə 2020-ci il Demokrat Partiya prezidentliyə namizəd Beto O'Rurkun həmcins evliliyə qarşı çıxan dini qurumların vergidən azad olma statusuna son qoyma çağırışına cavab olaraq, O'Rurk öz uşaqlarını dini məktəbə yazdırarsa, onun "ölkəni tərk etmə"yə və ya "silah götürmə"yə məcbur ediləcəyini bildirmişdir.[118]
Şapiro 2002-ci ildə yazdığı bir məqalədə "mülki itkilər haqqında fəryad edən insanlardan həqiqətən bezmişəm artıq … qəzetlərdə Əfqanıstanda və ya İordan çayının qərb sahilində mülki şəxslərin Amerika və ya İsrail qoşunları tərəfindən öldürüldüyünü görəndə, həqiqətən vecimə olmur". Şapiro "bir amerikalı əsgər bir əfqan mülki vətəndaşından daha çox dəyərlidir" deyərək əfqan mülki şəxsləri terrorçularu mühafizə ilə təmin edən və ya onlara pul verən "fundamentalist müsəlmanlar" olmaqda günahlandırmışdır.[119] Şapiro daha sonra bu ifadələrinə görə üzr istəmişdir. O, həmin məqalə haqqında "sadəcə pis bir məqalədir, düz və sadədir və heç vaxt yazmaq istəməyəcəyim bir şeydir" demişdir. Buna baxmayaraq Şapiro hələ də yazdığı məqalədəki əsas məqamla qismən razılaşdığını söyləmişdir: "hücum qaydaları hazırlayarkən amerikalı hərbi qulluqçuları üçün riski hesablamağın zəruri" olması. O, qeyd etmişdir ki, məqalədə "həmin fikri mümkün olan ən pis halda" izah etdiyini və "məsələni mənəviyyatın hüdudlarından kənarda sadələşdirdi"yini bildirmişdir.[95]
2014-cü ildə "YouTube"da yayımlanan bir videoda Şapiro demişdir ki, "radikallaşmış 800 milyondan çox müsəlman var – dünyadakı müsəlmanların yarısından çoxu. Bu, bir azlıq deyil … kiçik radikal müsəlman azlıq sadəcə bir budur: bir mifdir". "PolitiFact" və "Channel 4 News" Şapironun metodologiyasını inkar etmiş və onlar tərəfindən edilən faktyoxlama nəticəsində Şapironun iddiasının yanlış olduğunu bildirilmişdir.[120][121]
2018-ci ildə KanadanınKvebek şəhərindəki bir məsciddə terror aktı törətmiş Aleksandr Bissonnettin məhkəmə prosesində təqdim olunan bir Kanada Kral Atlı Polis sənədi qatilin törətdiyi gülləbarandan bir ay əvvəl Şapironun Tvitter səhifəsinə 93 dəfə daxil olduğunu göstərilmişdir.[122][123] Şapiro edilən hücumu qınamış və Bissonnetti "əxlaqsız bir zibil" adlandırmışdır.[124]
Şapiro islam ölkələrindən gələn immiqrantların ABŞ-nin vəziyyətini pisləşdirir.[125]
Şapiro "Politicon" tədbirində çıxış edərkən. Pasadena, Kaliforniya. 2016-cı il.
2016-cı ildə Şapiro özünü "əsasən libertarian" kimi xarakterizə etmişdir.[109] 2021-ci ildə özünü hökumətin roluna görə "ümumi mənada libertarian" və ümummilli quruluşların roluna görə "konservativ" olaraq təsvir etmişdir.[11] "The New Yorker",[126] "Haaretz"[116] və "Vox"[94] Şapironu "sağçı" adlandırmışdır. "The New York Times" Şapironun fikirlərini "son dərəcə mühafizəkar" olaraq xarakterizə etmişdir.[6] 2020-ci ildə yayımlanmış, sağçı podkastların freyminq əməllərinə toxunan "Xəbərlər, Milliyyətçilik və Hegemonluq: ABŞ-nin Siyasi Hüququ Boyunca Məsələ Freyminqinin Formalaşması" ing.News, Nationalism, and Hegemony: The Formation of Consistent Issue Framing Throughout the U.S. Political Right) başlıqlı araşdırma "The Ben Shapiro Show" verilişini "PrezidentDonald Trampa və onun milliyətçilik kimi freyminq mövzularına üstünlük verən meynstrim mühafizəkar bir perspektiv təklif edən" bir nümunə kimi göstərmişdir.[125]
Şapiro solçu siyasi qüvvələri xəyali "qurbanlıq iyerarxiyasına" inanmaqda günahlandırır. Şapiroya görə, burada LGBT icması kimi təqib olunan qrupların üzvlərinin fikirlərinə daha çox etibar edilir. O, solun populyar mədəniyyət, media və akademiya vasitəsi ilə Amerika mədəniyyətinə mühafizəkarları gücsüz hiss etdirən və 2016-cı il ABŞ prezident seçkilərində Donald Trampın seçilməsinə gətirib çıxaran bir şəkildə hakim olduğunu irəli sürmüşdür.[6] Şapiro "siyasi düzgünlük çılğınlıq doğurur" demişdir.[87]
Şapiro 2006-cı ildə təhrikçilik qanunlarının bərpasına çağırış etmişdir. O, DemokratlarAlbert Qor, Con Kerri və Hovard Dinin Corc Volker Buş administrasiyasını tənqid etdiyi çıxışlarını nümunə olaraq göstərərək onları "ləyaqətsiz" və "təhrikçi" adlandırmışdır.[128][129] O, sonradan bu fikirləri 2018-ci ildə yazdığı bir köşə yazısında geri çəkmişdir. Şapiro bu fikirlərin "zibil" olduğunu bildirmiş, təhrikçilik qanunlarının "özünəməxsus dərəcədə axmaqcasına" olduğunu qeyd etmişdir.[95] Şapiro daha sonra ABŞ PrezidentiBarak Obamanın 2010-cu ildəki "Ölkə Vəziyyəti haqqında" Müraciətini "fəlsəfi olaraq faşist" olaraq xarakterizə etmişdir.[130]
Şapiro çox varlı olanlar üçün vergi güzəştlərinə çağırış etmişdir. O həmçinin, sosial təminatın özəlləşdirilməsini və Səhiyyə və Xəstələrin Müdafiəsi İslahatının ləğvini dəstəkləmişdir.[6]
Şapiro qlobal istiləşmənin baş verdiyini qəbul edir, lakin "qlobal istiləşmənin neçə faizinin insan fəaliyyətinə görə olduğunu" şübhə altına almışdır.[131] Sahil mülklərinin su basması ilə nəticələnəcək qlobal istiləşmə nəticəsində dəniz səviyyəsində yüksəliş müşahidə olunması ilə əlaqədar olaraq Şapiro "siz düşünürsünüz ki, insanlar sadəcə evlərini satıb başqa yerə köçməyəcək?" demişdir.[132] O, "Scientific American" tərəfindən 2020-ci ildə Kaliforniyada baş vermiş meşə yanğınlarına dair yazdığı bir məqaləsinə görə qlobal istiləşmə inkar etməkdə günahlandırılmışdır.[133] O, 2021-ci ildə 4 °C-lik qlobal istiləşmənin fövqəladə vəziyyət yaratmayacağına inandığını söyləmişdir.[134]
Şapiro tez-tez "qərb mədəniyyəti" və "qərb sivilizasiyası"nı tərifləyir. 2019-cu ildə o, "Qərb sivilizasiyasının digər sivilizasiyalardan üstün olduğuna inanıram" demişdir.[125]
Şapiro, Bencamin Aaron. "Primetime Propaganda: The True Hollywood Story of How the Left Took Over Your TV" (ingilis). Harper Collins. 2011. ISBN0-06-209210-3.
Şapiro, Bencamin Aaron. "Bullies: How the Left's Culture of Fear and Intimidation Silences America" (ingilis). Threshold Editions. 2013. ISBN1-4767-1001-5.
Şapiro, Bencamin Aaron. "The People vs. Barack Obama: The Criminal Case Against the Obama Administration" (ingilis). Threshold Editions. 2014. ISBN1-4767-6513-8.
Şapiro, Bencamin Aaron. "A Moral Universe Torn Apart" (ingilis). Creator's Publishing. 2014. ASINB01I3X4ISK
Şapiro, Bencamin Aaron. "What's Fair and Other Short Stories" (ingilis). Revolutionary Publishing. 2015. ASINB016R28SLM
Şapiro, Bencamin Aaron. "Say It's So: Papa, Dad, Me and 2005 White Sox Championship Season" (ingilis). CreateSpace Independent Publishing Platform. 2017. ISBN978-1-5467-5173-1.
Şapiro, Bencamin Aaron. "The Right Side of History: How Reason and Moral Purpose Made the West Great" (ingilis). Broadside Books. 2019. ISBN978-0-06-285790-3.
↑"PragerU | Ben Shapiro". www.prageru.com (ingilis). December 22, 2018. December 22, 2018 tarixində orijinalından arxivləşdirilib. İstifadə tarixi: June 22, 2019.