Suntar ulusu

Suntar ulusu (saxa Сунтаар улууһа) — Rusiya Federasiyası, Saxa Respublikasının ərazisinə daxil olan inzibati rayon. İnzibati mərkəzi Suntar kəndidir.

Suntar ulusu
Bayraq[d] Gerb
62°08′ şm. e. 117°43′ ş. u.
Ölkə	Rusiya
İnzibati mərkəz	Suntar[d]
Tarixi və coğrafiyası
Yaradılıb	9 yanvar 1930
Sahəsi	25.304 km²
Saat qurşağı	Yakutsk vaxtı[d]
Əhalisi
Əhalisi	23.609 nəf. (1 yanvar 2018)[1]
Rəsmi sayt
Vikianbarda əlaqəli mediafayllar

Sahəsi - 57,8 min km²-dir. Ulus Vilyoy çayının orta axınında yerləşir. Şimal və şimal-şərqdə Nyurba ulusu, şərqdə Yuxarı Vilyoy ulusu, cənub-şərqdə Olyokminski ulusu, cənub-qərbdə Lena ulusu, qərbdə Mirnı ulusu ilə həmsərhəddir.

Relyefi platodur. Ulusun şimalında Vilyoy yaylası, cənubunda Prilenskı yaylası yerləşir.

Meşələrində əsasən qarağac, küknar və şam ağacları üstünlük təşkil edir. Bəzi yerlərdə ağcaqayın ağacları vardır. Göllər və Vilyoy çayı sahillərindəki çəmənliklər mal-qaranın yem bazasının əsasını təşkil edir.

Ulusun faunası zəngin və müxtəlifdir. Əsas ticari heyvanlar bunlardır: samur, sincab, qaraquyruq gəlincik, Ondatra, dovşan, tülkü və Sibir gəlinciyi.

Yanvar ayının orta temperaturu -33... -35 ° C, iyul + 17 ... + 19 ° C təşkil edir. Yağıntı ildə 250-300 mm-dir. Oktyabrın ortalarında sabit bir qar örtüyü görülür. Qar may ayının ortalarında tamamilə yox olur. Şaxtasız dövr 80 gün (5 iyundan 25 avqusta qədər) davam edir.

Milli tərkib

2002-ci il siyahıyaalınmasına görə: saxalar - (92,5%), ruslar (5.0%), evenlər (0.2%), evenklər (0.2%) və digər millətlər (2.1%).

Suntar ulusu ərazisinə 26 kənd inzibati vahidliyinə ümumilikdə 39 yaşayış məntəqəsi daxildir.

Əsas sənaye kənd təsərrüfatıdır. Son illərdə məhsuldar qüvvələrin böyüməsi və yerli sənayenin tədricən inkişafı tendensiyası müşahidə olunur. Milli iqtisadiyyatda vəziyyət sabitləşir. Bu iqtisadiyyatın və sosial-mədəni sahənin daha da inkişaf etməsi üçün əsas olur. Ulus Saxanın kənd təsərrüfatı ulusları arasında iqtisadi inkişafda birinci yerdədir.

Ulus təbii qaz, neft, qonur kömür, seolit, mis və xörək duzu ilə zəngindir.

Telefon xidmətləri "Saxatelecom" tərəfindən təmin olunur. Ayrıca ulus mərkəzində mobil xidmətlər MTS və Megafon tərəfindən təmin edilir.

"Vilyuy" federal magistral yolu ("Yakutsk - Vilyoysk - Nyurba - Mirnı") ulus ərazisindən keçir.

Vilyoy çayındakı limanlar - Suntar, Şeya, Elqyay, Krestiyak.

Leonid Andreeviç Popov (1919 - 1990) - Saxa yazıçısı.

Georgi Evdokimoviç Bessonov (1915-2005) - orta məktəb müəllimi (Toybohoy kəndi), Sosialist Əməyi Qəhrəmanı.

Mariya Afanasevna Krivoşapkina (1981) - boks üzrə beynəlxalq dərəcəli idman ustası, Rusiyanın əməkdar idman ustası, iki qat dünya çempionu, Rusiya çempionatı (2012-ci il 1-ci yer), boks üzrə Avropa kuboku çempionu, kikboksinq mütəxəssisləri arasında dünya çempionu.

Qriqori Trofimoviç Semenov (1903-1970) - Sovet geoloqu, Sosialist Əməyi Qəhrəmanı.