yun. chrysos – qızıl + yun. kolla – yapışqan; qədimdə qızıl məmulatları lehimləmək üçün tətbiq edilmişdir
Xrizokolla
Xrizokolla – (CuAl)2 H2Si2O5 (OH)4 •n H2O — rombik sinqoniya. Rast gəlmə tezliyi şkalası: çox da tez-tez rast gəlməyən.
Rəng – zümrüdü-yaşıldan yaşılımtıl-maviyədək, mavi; Mineralın cizgisinin rəngi – yaşılımtıl-ağ; Parıltı – şüşə, mum, qatranı, yağlı, donuq; Şəffaflıq – qeyri-şəffaf, bəzən yarımşəffaf; Sıxlıq – 2,0-2,3; Sərtlik – 2; Kövrəkdir; Sınıqlar – qabıqvarıdan qeyri-hamaradək; Mineral aqreqatları: gel- və opalabənzər kolloidal, böyrək- və salxımvarı əmələgəlmələr, qabıqlar, qaysaqlar, yaxmalar, malaxit, azurit, kalsit və b. üzrə psevdomorfozalar.
Mis filizi yataqlarının oksidləşmə zonasının tipik mineralıdır. Birlikdə rast gəldiyi minerallar: malaxit, azurit, kuprit, sərbəst mis. Mineralın tapıldığı yerlər: Turin mədənləri və Mednorudyanski yatağı (Rusiya); Cezkazqan, Koktas-Cartas, Uspenski (Qazaxıstan); Kornuoll (İngiltərə); Kokimbo əyaləti (Çili) və b. Azər-baycanda Gədəbəy, Dağkəsəmən və Daşkəsən yataqlarının hipergenez zonalarnda qeyd edilir.
Məmulat daşı kimi praktik əhəmiyyəti vardır.
Azərbaycan mineralları.