ŞANAPİPİK (quş) Əbdül birinci maşını gətirəndə stansiyanın dağlarında oxuyan şanapipiyi xatırladı, sonra Cəfər müəllimi (M.Süleymanlı); HOP-HOP [Qəndab:] Mənim sarı hop-hopum yenə budaqda öz mahnısını oxuyurdu (B.Bayramov); HÜT-HÜT Quşların da qəziyyələri bu dəftərdə yazılmışdı. Hüt-hüt qız imiş, çayda çimirmiş, başını daradığı yerdə birdən qayınatası böyürdən çıxır, qız utanıb üzünü göyə tutur: “Ey Allah, məni quş elə, həyam özümdə qalsın” (Çəmənzəminli); KƏKİLDARAQ (məh.) Çöl quşları: ...bildirçin, şoğal, kəkildaraq, çəpərsərçəsi, muradquşu, kəklik, tutuquşu, qırğı, bülbül və s. (“Azərbaycan folkloru antologiyası”); ŞİNƏBUB Meynələrin altında hərlənən şinəbublar; Növbələşən kölgəyə, nura məftun olublar (X.Rza).
