1. sif. Əsas şeyin üstünə artırılan; üstəlik. Əlavə xərc. Əlavə seans. Bu gün iki əlavə dərs oxuduq. Əlavə vaxt vermək lazımdır.
– Məncə, bu … otağa əlavə bir qapı açmaq lazımdır.
Cavanları tərbiyələndirmək, onları ölkə üçün yetişdirib boya-başa çatdırmaq əlavə diqqət və qayğı tələb edirdi.
□ Əlavə etmək – üstünə artırmaq, qoymaq. Məbləğin üstünə iki manat əlavə etmək. Çaya qənd əlavə etmək;
// üstəlik olaraq demək və ya yazmaq. Məktuba bir neçə söz əlavə etdi.
Mən bu gündən işə başlayacağam, – deyə əlavə etdi.
– Zeynal əlavə etdi: – Biz bundan sonra bir damın altında bərabər yaşaya bilməyəcəyik.
Sonra əlavə etdi: – Mən bu səsi eşitməyi çox xoşlayıram.
Əlavə olaraq – üstəlik olaraq, əlavə kimi, əlavə şəklində.
[Mirzə Qədir] öz istirahətini pozub otaqların birini də verməli, əlavə olaraq [Nəsirə] ailəsini keçindirə biləcək bir maaş da təyin etməli idi.
[Usta Qəzənfər:] Dəniz neftçiləri … əlavə olaraq dövlətə tonlarla neft veriblər.
Əlavə olunmaq – üstəlik artmaq. [Onu] əridən araqla papiros idi.
Son günlərdə qorxu da əlavə olunmuşdu.
2. is. Kitaba, ayrı-ayrı fəsillərə, yazıya və s.-yə artırılan hissə, bəhs və s. Kitabın axırında əlavəsi var. Dissertasiyanın hər fəslinə əlavə verilmişdir. – Xoşqədəm çay süzürdü.
Mən əlavələrin yerini müəyyənləşdirirdim.
3. is. Məcmuə və ya qəzet abunəçilərinə artıq, üstəlik olaraq göndərilən kitabça və s.
4. Qoş. mənasında: …başqa.
İş bilməyən, ancaq yemək-içməkdən əlavə; Bu canlı dəyirmanlarına şükr, xudaya!
Əlavə, Haşımdan başqa onların bir köməyi yox idi.
□ Bundan əlavə – bundan başqa, üstəlik olaraq.
Bundan əlavə, dəxi Yusif şahda həzar gunə özgə eyblər tapdılar.
Bundan əlavə, Qaraca qız özü də oynamağı tərk etmişdi.
5. Xüsusi terminologiyada: artım, törəmə, bir maddənin, məhlulun və s.-nin tərkibinə, üstünə əlavə edilən maddə və s. Dizel yanacaqlarına başqa əlavələr qatılır.
