Məmməd Məmmədov (siyasətçi, 1904)

Bu məqalənin sonunda mənbə siyahısı var, lakin mətndaxili mənbələr heç və ya kifayət qədər istifadə edilmədiyi üçün bəzi məlumatların mənbəsi bilinmir. Lütfən, mənbələri uyğun şəkildə mətnin daxilində yerləşdirərək məqalənin təkmilləşdirilməsinə kömək edin.

Məmməd İsgəndər oğlu Məmmədov (25 iyun 1904, Qaradağlı, Şuşa qəzası – 1981, Ağdam) — Sosialist Əməyi Qəhrəmanı, "Qızıl ulduz" və Lenin ordeni, "Əməkdə igidliyə görə" medalı ilə təltif edilmişdir. Muxtar Məmmədovun qardaşıdır.

Məmməd Məmmədov
Azərbaycan Kommunist Partiyası Jdanov Rayon Komitəsinin birinci katibi
? – ?
Ağdam Rayon Zəhmətkeş Deputatları Soveti İcraiyyə Komitəsinin sədri
? – ?
Jdanov Rayon Zəhmətkeş Deputatları Soveti İcraiyyə Komitəsinin sədri
? – ?
Mirbəşir Rayon Zəhmətkeş Deputatları Soveti İcraiyyə Komitəsinin sədri
1946 – ?
Şəxsi məlumatlar
Doğum tarixi	25 iyun 1904(1904-06-25)
Doğum yeri	Qaradağlı, Şuşa qəzası, Yelizavetpol quberniyası, Rusiya imperiyası
Vəfat tarixi	1981
Vəfat yeri	Ağdam, Ağdam rayonu, Azərbaycan SSR, SSRİ
Partiya	Sovet İttifaqı Kommunist Partiyası
Hərbi xidmət
Mənsubiyyəti	Sovet Sosialist Respublikaları İttifaqı
Döyüşlər	Böyük Vətən müharibəsi
Rütbəsi	mayor
Təltifləri

Məmməd İsgəndər oğlu Məmmədov 25 iyun 1904-cü ildə Ağdam rayonunun Qaradağlı kəndində anadan olmuşdur. O, hələ gənc yaşlarından atası İsgəndər kişinin köməyinə çatmış ailənin dolanşaçağına yaxından köməklik göstərmişdir.

1926 ildə Gəncə şəhərindəki Azərbaycan diviziyasının ikinci polkunda xidmətə başlamış, nümunəvi xidmətinə görə hərbi məktəbə göndərilmiş və 1928 ildə Sovet İttifaqı Kommunist Partiyasının üzvlüyünə qəbul olunmuşdur.

Əfətli Kənd Sovetinin sədri (1931), Üçoğlan Kənd Sovetinin sədri (1932) vəzifələrində işləmişdir. 1934–37 illərdə Ali Partiya Məktəbində oxumuşdur. O, 1937–42 illərdə Tərtər Rayon MTS-nin direktor müavini vəzifəsində çalışmışdır.

Böyük Vətən Müharibəsində kapitan rütbəsi ilə 223-cü diviziyasının tank əlehinə divizionunda xidmət etmiş, 1946-cı Avstriyanın Ştakart şəhərindən ordu sıralarından tərxis olunmuşdur.

1946–1972 illərdə Tərtər (Mirbəşir), Beyləqan (Jdanov), Ağdam rayonlarında İcraiyyə Komitəsinin sədri, Azərbaycan Kommunist Partiyasının Jdanov (Beyləqan) Partiya Komitəsinin birinci katibi, Ağdam rayonunda Natəvan adına sovxozun direktoru, kolxoz sədri vəzifələrində işləmişdir. 1972 ildə Ağdam rayon Yeyinti Sənaye İşçiləri Həmkar İttifaqının sədri seçilmişdir.

Azərbaycan Kommunist Partiyasının XV, XXII və XXIV qurultaylarının nümayəndəsi olmuşdur. 1947-ci ildə pambıqçılıq sahəsində yüksək göstəricilər əldə etmişdir. 2 dəfə II dərəcəli Böyük Vətən müharibəsi ordeni ilə təltif olunmuşdur.

1948-ci ildə Sosialist Əməyi Qəhrəmanı adı verilmiş, "Qızıl ulduz" və Lenin ordeni, "Əməkdə igidliyə görə" medalı ilə təltif edilmişdir.^[1]

1981-ci ildə vəfat etmişdir. Övladlarından yalnız Vaqif Məmmədov sağdır və hal-hazırda Ağdam rayon Quzanlı qəsəbəsində yaşayır.