Mənbələrdə bir mənası “bərkimiş dəmir” kimi açıqlanır. Belə bir cümlə də var: göydəmir deşib keçər. Buradakı göy kəlməsi rənglə bağlı deyil, “yandırmaq” anlamını verən göy sözü ilə bağlıdır. Dəmiri bərkitmək üçün əvvəlcə möhkəm qızdırır, sonra suya salırlar. Göy sözü məhz bu qızdırma anlayışı ilə bağlıdır. Göydəmir sözünün başqa mənası da “kül rəngində (yanmış dəmir rəngində) olan at” deməkdir. Göründüyü kimi, burada da od anlamlı göy sözü var və kül onunla bağlıdır. (Bəşir Əhmədov. Etimologiya lüğəti)