Heybətulla Hacıəliyev

Heybətulla Hacıəliyev (30 iyun 1991, Dərbənd rayonu, Dağıstan) — Azərbaycanı təmsil edən boksçu.[1]

Heybətulla Hacıəliyev
Şəxsi məlumatlar
Tam adı Heybətulla Mahiroviç Hacıəliyev
Vətəndaşlığı Rusiya Rusiya →
Azərbaycan Azərbaycan
Doğum tarixi 30 iyun 1991(1991-06-30) (33 yaş)
Doğum yeri
Boyu 170 sm.
İdman növü Boks
Medallar

Karyerası

[redaktə | mənbəni redaktə et]

2010-cu ildə Heybətulla Hacıəliyev Azərbaycan vətəndaşlığını qəbul elədi və beynəlxalq turnirlərdə Azərbaycanı təmsil elədi. Heybətulla Hacıəliyev 2010-cu ilin iyununda Rusiyada baş tutan Avropa Çempionatında mübarizə apardı.[2] Heybətulla Hacıəliyev turnirin 1/8 final mərhələsində Almaniya nümayəndəsi Denis Maharova 1:10 hesabı ilə məğlub oldu və Avropa Çempionatında mübarizəsini başa vurdu.[2]

Daha sonra Heybətulla Hacıəliyev 2011-ci ilin iyununda Ankara şəhərində baş tutan Avropa Çempionatında mübarizə apardı.[3] Heybətulla Hacıəliyev turnirin 1/16 final mərhələsində Latviya nümayəndəsi Arturs Əhmədova 22:12, 1/8 final mərhələsində isə Çexiya nümayəndəsi Zdene Çladeya 20:11 hesabları ilə qalib gəldi və Avropa Çempionatının 1/4 final mərhələsinə adladı.[3] Bu mərhələdə onun rəqibi İsveç nümayəndəsi Antoni Yiğit oldu.[3] Gərgin idman mübarizəsi şəraitində baş tutan görüşdə Heybətulla Hacıəliyev rəqibi üzərində 18:14 hesabı ilə qələbə qazandı və Avropa Çempionatının yarım-final mərhələsinə adladı.[3] Finala gedən yolda isə onun rəqibi İrlandiya nümayəndəsi Raymond Moylet oldu.[3] Gərgin idman mübarizəsi şəraitində baş tutan görüşdə Heybətulla Hacıəliyev rəqibinə 16:18 hesabı ilə məğlub oldu və Avropa Çempionatını bürünc medalla başa vurdu.[3]

2011-ci ilin əsas turniri sentyabrıdna Azərbaycanda baş tutan Dünya Çempionatı oldu.[4] Bu Heybətulla Hacıəliyevin Dünya Çempionatlarında debütü oldu.[4] Turnirin 1/32 final mərhələsində Heybətulla Hacıəliyev Misir nümayəndəsi Eslam Ali üzərində 15:8 hesabı ilə qələbə qazandı və turnirin 1/16 final mərhələsinə adladı.[4] Bu mərhələdə onun rəqibi son Dünya Çempionatının bürünc medalçısı olan Gürcüstan nümayəndəsi Koba Pçaxadze oldu.[4] Gərgin idman mübarizəsi şəraitində baş tutan görüşdə Heybətulla Hacıəliyev rəqibinə 18:15 hesabı ilə qalib gəldi və turnirin 1/8 final mərhələsinə adladı.[4] Bu mərhələdə isə o, Özbəkistan nümayəndəsi Sanjarbəy Rahmonov üzərində 33:22 hesabı ilə qələbə qazandı və Dünya Çempionatının 1/4 final mərhələsinə adladı.[4] Bu mərhələdə onun rəqibi Ukrayna nümayəndəsi Denis Berinçi oldu.[4] Həmin görüşdə Heybətulla Hacıəliyev rəqibinə 20:33 hesabı ilə məğlub oldu və Dünya Çempionatını beşinci pillədə başa vurdu.[4] Heybətulla Hacıəliyev medalın bir addımlığında mübarizəsini dayandırsa da, olimpiya lisenziyasına sahib oldu.[4]

Heybətulla Hacıəliyev 2012-ci ilin avqustunda Azərbaycanı London şəhərində (Birləşmiş Krallıq) baş tutan XXX Yay Olimpiya Oyunlarında təmsil elədi.[5] 64 Kq. turnirində çıxış edən Heybətulla Hacıəliyev olimpiadanın təsnifat mərhələsində Tunis nümayəndəsi Abderraza Huya ilə üz-üzə gəldi.[5] İyulun 31-də baş tutan həmin görüşdə Heybətulla Hacıəliyev rəqibinə 16:20 hesabı ilə məğlub oldu və olimpiada da mübarizəsini başa vurdu.[5]

Olimpiadadan sonra Heybətulla Hacıəliyev 2013-cü ilin iyununda Belarusda baş tutan Avropa Çempionatında mübarizə apardı.[6] Turnirin 1/8 final mərhələsində Heybətulla Hacıəliyev Ukrayna nümayəndəsi Vyaçeslav Kislitsin üzərində qələbə qazansa da (3:0), növbəti mərhələdə Moldova nümauəndəsi Dmitri Qalaqota gərgin idman mübarizəsi şəraitində baş tutan görüşün nəticəsində məğlub oldu (1:2) və medalın bir addımlığında mübarizəsini dayandıraraq Avropa Çempionatında beşinici pillədə başa vurdu.[6] Həmin ilin iyulunda isə Heybətulla Hacıəliyev Rusiyanın Kazan şəhərində baş tutan Universiada Oyunlarını 8-ci pillədə başa vurdu.

2013-cü ilin əsas turniri Qazaxıstanın Almatı şəhərində baş tutan Dünya Çempionatı oldu.[7] Heybətulla Hacıəliyev turnirin 1/32 final mərhələsində Filippin nümayəndəsi Dennis Qalvana qalib gəlsə də (3:0), 1/16 final mərhələsində Özbəkistan nümayəndəsi Sanjarbəy Rahmonova məğlub oldu (0:3) və Dünya Çempionatında mübarizəsini dayandırdı.[7]

Nəticələri

[redaktə | mənbəni redaktə et]
Sıra
İl
Yarış
Ev sahibi
Nəticə
Azərbaycan Azərbaycan
1
2010
 Avropa Çempionatı Rusiya Rusiya
PAT
2
2011
 Avropa Çempionatı Türkiyə Türkiyə
3.
3
 Dünya Çempionatı Azərbaycan Azərbaycan
5.
4
2012
 Olimpiya Oyunları Böyük Britaniya Birləşmiş Krallıq
PAT
5
2013
 Avropa Çempionatı Belarus Belarus
5.
6
 Dünya Çempionatı Qazaxıstan Qazaxıstan
PAT

İstinadlar

[redaktə | mənbəni redaktə et]
  1. ↑ Olympedia.org. "Heybətulla HACIƏLİYEV". www.olympedia.org (ingilis). 2022-08-30. 2022-06-04 tarixində arxivləşdirilib. İstifadə tarixi: 30.08.2022.
  2. ↑ 1 2 Amateur-boxing.strefa.pl idman portalı. "2010 Europen Championships — Results". www.amateur-boxing.strefa.pl ( (ing.)). 22.08.2022. 2022-08-20 tarixində arxivləşdirilib. İstifadə tarixi: 22.08.2022.
  3. ↑ 1 2 3 4 5 6 Amateur-boxing.strefa.pl idman portalı. "2011 Europen Championships — Results" (PDF). www.amateur-boxing.strefa.pl ( (ing.)). 22.08.2022. 2022-08-20 tarixində arxivləşdirilib (PDF). İstifadə tarixi: 22.08.2022.
  4. ↑ 1 2 3 4 5 6 7 8 9 Amateur-boxing.strefa.pl idman portalı. "2011 World Championships — Results" (PDF). www.amateur-boxing.strefa.pl ( (ing.)). 22.08.2022. 2022-08-20 tarixində arxivləşdirilib (PDF). İstifadə tarixi: 22.08.2022.
  5. ↑ 1 2 3 Olympedia.org. "2012 Summer Olympics / Boxing / Light-Welterweight (64 Kilograms) / Men". www.olympedia.org (ingilis). 2022-08-30. 2022-04-28 tarixində arxivləşdirilib. İstifadə tarixi: 30.08.2022.
  6. ↑ 1 2 Amateur-boxing.strefa.pl idman portalı. "2013 Europen Championships — Results". www.amateur-boxing.strefa.pl ( (ing.)). 22.08.2022. 2022-08-20 tarixində arxivləşdirilib. İstifadə tarixi: 22.08.2022.
  7. ↑ 1 2 Amateur-boxing.strefa.pl idman portalı. "2013 World Championships — Results". www.amateur-boxing.strefa.pl ( (ing.)). 22.08.2022. 2022-08-20 tarixində arxivləşdirilib. İstifadə tarixi: 22.08.2022.