Pyotr Paxnyuk

Petro Paxnyuk (26 noyabr 1991, Kiyev) — Azərbaycanı və Ukraynaı təmsil edən idman gimnastı, Avropa Çempionatının qalibi.[2]

Petro Paxnyuk
Petro Paxnyuk 2015-ci ildə
Petro Paxnyuk 2015-ci ildə
Şəxsi məlumatlar
Tam adı Petro Vladimiroviç Paxnyuk
Vətəndaşlığı Ukrayna Ukrayna →
Azərbaycan Azərbaycan →
Ukrayna Ukrayna
Doğum tarixi 26 noyabr 1991(1991-11-26) (32 yaş)
Doğum yeri
Boyu 174 sm[1]
İdman növü İdman gimnastikası
Medallar
Ukrayna Ukrayna üçün
Avropa Oyunları
Bürünc 2019 Belarus Sərbəst
Avropa Çempionatı
Gümüş 2019 Polşa Parallel qollar
Qızıl 2020 Türkiyə Komanda
Azərbaycan Azərbaycan üçün
Avropa Oyunları
Bürünc 2015 Azərbaycan Komanda
Dövlət təltifləri

"Tərəqqi" medalı — 2015

Karyerası

[redaktə | mənbəni redaktə et]

Petro Paxnyuk 2013-cü ildə Rusiyanın Kazan şəhərində baş tutan Universiada Oyunlarında 2 gümüş medala sahib oldu.

2014-cü ildə Azərbaycan Gimnastika Federasiyası (AGF) tərəfindən Petro Paxnyuk Azərbaycan yığmasının heyətinə cəlb edildi. 2015-ci ildə Petro Paxnyuk Birinci Avropa Oyunlarının bürünc medalına sahib oldu.

Azərbaycan Prezidenti İlham Əliyevin 29 iyun 2015-ci il tarixli 1299 nömrəli Sərəncamına əsasən Birinci Avropa Oyunlarında qazandığı nailiyyətlərə və Azərbaycan idmanında xidmətlərinə görə Petro Vladimiroviç Paxnyuk "Tərəqqi" medalı ilə təltif edildi.[3]

2014–2015-ci illərdə bir sıra beynəlxalq turnirlərdə, həmçinin Azərbaycan Çempionatlarında medallara sahib olan Petro Paxnyuk Azərbaycanı 2016-cı ildə Braziliyanın Rio-de-Janeyro şəhərində baş tutan XXXI Yay Olimpiya Oyunlarında təmsil elədi. Ümumi nəticədə Petro Paxnyuk təsnifat mərhələsini 84.215 balla 34-cü pillədə başa vurdu və olimpiadanın final mərhələsinə vəsiqə qazana bilmədi.[4]

Olimpiadadan sonra, 2017-ci ildə Petro Paxnyuk Azərbaycan yığmasından imtina elədi və yenidən Ukrayna yığmasının heyətində beynəlxalq turnirlərdə mübarizə aparmağa başladı. Həmin ilin avqustunda Petro Paxnyuk Tayvanda baş tutan Universiada Oyunlarını 2 gümüş medalla başa vurdu.

Petro Paxnyuk 2019-cu ildə Polşada baş tutan Avropa Çempionatında gümüş və Belarusda baş tutan Avropa Oyunlarında bürünc medallara sahib oldu. 2020-ci ildə Mersin şəhərində Avropa Çempionatının qalibi olan Petro Paxnyuk bir il sonra, 2021-ci ilin avqustunda Yaponiyada baş tutan XXXII Yay Olimpiya Oyunlarında mübarizə apardı.

İstinadlar

[redaktə | mənbəni redaktə et]
  1. ↑ https://www.gymnastics.sport/site/athletes/bio_detail.php?id=9770&type=licence.
  2. ↑ Olympedia.org. "Petro PAXNYUK". www.olympedia.org (ingilis). 2022-08-30. 2022-08-18 tarixində arxivləşdirilib. İstifadə tarixi: 30.08.2022.
  3. ↑ Normativ hüquqi sənədlərin vahid internet bazası. "I Avropa Oyunları qaliblərinin və Azərbaycan idmanında xidmətləri olan şəxslərin təltif edilməsi haqqında Azərbaycan Prezidenti İlham Əliyevin 29 iyun 2015-ci il tarixli 1299 nömrəli Sərəncamı". www.e-qanun.az ( (az.)). 22.08.2022. 2022-08-22 tarixində arxivləşdirilib. İstifadə tarixi: 22.08.2022.
  4. ↑ Olympedia.org. "2016 Summer Olympics / Gymnastics (artistic) / Individual / All-Around / Men". www.olympedia.org (ingilis). 2022-08-30. 2022-08-18 tarixində arxivləşdirilib. İstifadə tarixi: 30.08.2022.