Bunun müxtəlif növləri olub: 1) qan çibanı (furunkul), 2) göz çibanı (itdirsəyi), 3) ərgənlik çibanı (üzdə sızaqlar), 4) atəş çibanı (прыщ) və s. Qədim dövrdə çiban indiki innabın adı olub. Yuxarıdakı növlər zahirən innabın meyvəsinə oxşardır. Ona görə də meyvə adı yara adına çevrilib. Ərəb sözü olan innab meyvəni əks etdirib, çiban öz mənasını dəyişməyə məcbur olub. Maraqlıdır ki, latın sözü olan və rus dilində də işlədilən “карбукнул”un mənası “göz” deməkdir. Böyük çiban məhz gözə oxşayır. (Bəşir Əhmədov. Etimologiya lüğəti)
