MASQARA (ələ salma, lağa qoyma) [Həmid:] Cəld tərpən, ay Fətəli, masqaranın yeri deyil, gözümdən yuxu tökülür (H.Abbaszadə); İSTEHZA Amma Eldar forslu deyildi, xəstə və ifrat dərəcədə məğrur idi, sanki hamının nədənsə ona rişxənd, istehza edəcəyindən qorxmuş kimi yeganə dostu Aydından başqa heç kəsə yaxınlaşmırdı (Anar); KİNAYƏ Gülsabah: Mən bu kinayələrlə al bayraq qaldıranlardan deyiləm (C.Cabbarlı); RİŞXƏND O yerdə ki, xalq öz etirazını, narazılığını, qəzəbini gülüşlə, kinayə, rişxənd, masqara ilə ifadə etmək istəyir; hakim-mütləqləri lağa qoymaq tamarzısındadır.. (Anar); ŞƏBƏDƏ Yapdığı şəbədələr gizli deyil (H.Cavid).