NƏSİHƏT Qızıl Arslan Əbubəkrə bu nəsihətləri verəndən sonra Təbrizə göndərdi (M.S.Ordubadi); İBRƏT [Ata:] Uşquladan çıxan zaman, hər yeri vurnuxan zaman; El sənə pis baxan zaman, ibrətin olmur, olmasın! (M.Ə.Sabir); MOİZƏ (din.) Yusif şahın həvəxahlan müfəttinlər ilə müqabil durub nəsihət və moizəyə şüru etdilər (M.F.Axundzadə); ÖYÜD Görürəm ki, qəhrəmansan, sənə halaldır südüm; Qulağında yaxşı qalsın mənim sənə öyüdüm (S.Vurğun); PƏND (köhn.) Qərəz, ta mən sənə deyim. Əgər mənim pəndimi qəbul eləsən yığışdır püstkələngi və qoy get Xorasana, Türküstana, ya bir özgə yerə (C.Məmmədquluzadə); VƏZ Molla Pirqulunun., etdiyi vəzindən bir neçə söz danışmışıq (C.Məmmədquluzadə).