Rəfael Ağayev

Vikipediyada bu soyadlı müxtəlif adamlar haqqında məqalələr var, bax: Ağayev.

Rafael Ağayev (4 mart 1985, Sumqayıt) — Azərbaycan karateçisi, 6 dəfə dünya çempionu, 11[1] dəfə Avropa çempionu.

Rafael Ağayev
Rafael Ağayev
Rafael Ağayev
Şəxsi məlumatlar
Tam adı Rəfael Mahir oğlu Ağayev
Vətəndaşlığı
Doğum tarixi 4 mart 1985(1985-03-04) (39 yaş)
Doğum yeri
Boyu 1,66 m
Çəkisi 74 kq
İdman növü Karate
Karyera illəri 2003–h. h.
Medallar
Olimpiya Oyunları
Gümüş 2020 Tokio Kumite — 75 kq.
Avropa Oyunları
Qızıl 2019 Minsk Kumite — 75 kq
Gümüş 2019 Minsk Kumite — 75 kq
İslam Həmrəyliyi Oyunları
Bürünc 2005 Məkkə Kumite — 65 kq
Qızıl 2013 Palembanq Kumite — 75 kq
Qızıl 2017 Bakı Kumite — 75 kq
Dünya Çempionatı
Qızıl 2006 Tampere Kumite — 70 kq
Qızıl 2008 Tokio Kumite — 70 kq
Qızıl 2008 Tokio Kumite — açıq
Qızıl 2010 Belqrad Kumite — 75 kq
Gümüş 2010 Belqrad Kumite — komanda
Gümüş 2012 Paris Kumite — 75 kq
Qızıl 2016 Linz Kumite — 75 kq
Bürünc 2018 Madrid Kumite — 75 kq
Bürünc 2021 Dubay Kumite — komanda
Avropa Çempionatı
Qızıl 2004 Moskva Kumite — 65 kq
Qızıl 2005 Tenerife Kumite — açıq
Qızıl 2007 Bratislava Kumite — 70 kq
Qızıl 2007 Bratislava Kumite — açıq
Qızıl 2008 Tallin Kumite — açıq
Qızıl 2009 Zaqreb Kumite — 75 kq
Qızıl 2010 Afina Kumite — 75 kq
Qızıl 2013 Budapeşt Kumite — 75 kq
Qızıl 2015 İstanbul Kumite — 75 kq
Qızıl 2016 Monpelye Kumite — 75 kq
Gümüş 2008 Tallin Kumite — 70 kq
Bürünc 2008 Tallin Kumite — komanda
Bürünc 2009 Zaqreb Kumite — komanda
Bürünc 2010 Afina Kumite — komanda
Bürünc 2011 Sürix Kumite — 75 kq
Bürünc 2012 Tenerife Kumite — 75 kq
Bürünc 2012 Tenerife Kumite — komanda
Bürünc 2015 İstanbul Kumite — komanda
Dünya Oyunları
Qızıl 2013 Santa Klara Kumite — 75 kq
Dünya Döyüş Oyunları
Qızıl 2013 Sankt-Peterburq Kumite — 75 kq

Həyatı

[redaktə | mənbəni redaktə et]

Ağayev Rafael Mahir oğlu 4 mart 1985-ci ildə Sumqayıt şəhərində anadan olub.

Atasının yolu ilə gedərək 7 yaşından futbolla məşğul olub. Eyni zamanda ilk məşqçisi, Rafael Məmmədovun məktəbində karate ilə məşğul olmağa başlayıb. İlk məşqçisi onda karateyə qarşı böyük sevgi oyada bilmiş, ona ilk vərdiş və bacarıqları alışdırmışdır. İlk milli yarışlarda iştirak etməklə o, diqqəti özünə çəkmiş və Füzuli Musayevin rəhbərliyi altında respublikanın ən məşhur idman klublarından biri olan "Budokan"da məşq etməyə başlamışdır.

Rafael Ağayev reklamda

Rafael Ağayev artıq ilk respublika çempionatında bütün rəqibləri üzərində inamlı qələbə qazanaraq Milli Karate Federasiyasının prezidenti Yaşar Bəşirovun diqqətini cəlb edə bilmişdi. O, beynəlxalq yarışlarda ilk dəfə olaraq milli yığma komandanın tərkibində 1997-ci ildə, Macarıstanda keçirilən açıq Dünya Kubokunda iştirak etmişdir. Növbəti il o, İngiltərənin açıq çempionatının qalibi olmuş və bundan sonra, heç bir yarışdan medalsız geri qayıtmamışdır.

Rafael Ağayev, karate ilə məşğul olmağa yeddi yaşında başlayıb. İdmanda atdığı ilk addımlarda Rafael Məmmədovun (məşqçi) rolu həlledicidir. Brüs Linin lent yazılarını seyr etmək Rafaeli ruhlandırırdı. Həmin vaxtı o uşaq idi və Brüs Linin məşq etdiyi kunq-fu idman növünü karate ilə səhv salırdı. Uşaqlıqda dəcəl olduğu üçün valideynləri onun karate ilə məşğul olmağına qərar verdilər. Valideynləri onu həvəsləndirirlər. Həmişə yarışdan əvvəl Allaha dua edir. 2013-cü ildə ayağından zədə aldığı üçün 2014-cü ilə yarışlara qatıla bilmədi. 2015-ci ildə yenidən var gücü ilə mübarizə aparmağa başlamışdır.

İtaliyanın "Yuventus" klubunun sadiq azarkeşidir.[2]

Təhsili

[redaktə | mənbəni redaktə et]

2003-cü ildə 21 №-li orta məktəbi bitirdikdən sonra Azərbaycan Dövlət Bədən Tərbiyəsi və İdman Akademiyasının təkmübarizlik fakültəsinə daxil olmuş, 2007-ci ildə oranı güləşmə və onun metodikası karate üzrə məşqçi-müəllim ixtisası üzrə bitirmişdir.

Peşəkar karyerası

[redaktə | mənbəni redaktə et]

Hərbi xidmətdən sonra perspektiv idmançı kimi Azərbaycan Müdafiə Nazirliyinin idman klubuna keçirilmişdir.[3]

Fərdi yarışlarda ən çox dünya çempionu olan idmançı kimi Ginnesin Rekordlar kitabına düşüb.[4][5]

14 fevral 2024-cü ildə Azərbaycan Karate Federasiyasının WKF üzrə vitse-prezidenti təyin olunub.[6]

Birinci Avropa Oyunlarında

[redaktə | mənbəni redaktə et]

75 kiloqram çəki dərəcəsində karatenin kumite növü üzrə Rəfael Ağayev 2015 Avropa Oyunlarında ilk görüşü ukraynalı İlya Nikulinə 3:0 hesabı ilə qalib gəlmişdir. İdmançı ikinci görüşdə türkiyəli Erman Eltemura 3:5 hesabı ilə məğlub olmuşdur. Qrupun son görüşündə latviyalı Ruslan Sadıqova 3:1 hesabı ilə qalib gələn Rəfael Ağayev yarımfinala yüksələ bilmişdir. O, yarımfinalda Almaniya idmançısı Noah Bitchini 1:0 hesabı ilə məğlub edərək final görüşünü İtaliya idmançısı Luici Busa ilə keçirmişdir. O, görüşün son saniyələrində fərqlənərək birinci Avropa Oyunlarının çempionu adını qazanmış, qızıl medala sahib olmuşdur.[7]

Dövlət təltifləri

[redaktə | mənbəni redaktə et]

Həmçinin bax

[redaktə | mənbəni redaktə et]

İstinadlar

[redaktə | mənbəni redaktə et]
  1. ↑ "aghayev_rafael" (ingilis). instagram.com. 2019-05-03 tarixində arxivləşdirilib. İstifadə tarixi: 2019-07-01.
  2. ↑ "Rafael Ağayev: Oğlumun "Yuventus"da oynamasını istəyirəm – VİDEO". oxu.az. oxu.az. Archived from the original on 20 May 2017. İstifadə tarixi: 18 may 2017.
  3. ↑ "Karate.az: Rafael Ağayev". 2012-07-23 tarixində arxivləşdirilib. İstifadə tarixi: 2012-10-02.
  4. ↑ "Azərbaycan idmançısı Rafael Ağayev Ginnesin Rekordlar kitabına düşdü". 2023-12-19 tarixində arxivləşdirilib. İstifadə tarixi: 2023-12-24.
  5. ↑ "Most Karate (Kumite) World Championships won by an individual – male". 2023-09-26 tarixində arxivləşdirilib. İstifadə tarixi: 2023-12-24.
  6. ↑ "Rafael Ağayev federasiyada vitse-prezident vəzifəsinə təyin olunub". Report İnformasiya Agentliyi (az.). 2024-02-17. 2024-02-18 tarixində arxivləşdirilib. İstifadə tarixi: 2024-02-17.
  7. ↑ "Rafael Aghayev". 2015-06-17 tarixində orijinalından arxivləşdirilib. İstifadə tarixi: 2015-06-25.
  8. ↑ Azərbaycan Dövlət İnformasiya Agentliyi. "Azərbaycan Milli Olimpiya Komandasının üzvlərinin təltif edilməsi haqqında Azərbaycan Prezidenti İlham Əliyevin 12 avqust 2021-ci il tarixli 2856 nömrəli Sərəncamı". www.azertag.az ( (az.)). 12.08.2021. 2022-07-25 tarixində arxivləşdirilib. İstifadə tarixi: 25.07.2022.