Vəli İsrafilov

Vəli Rəşadət oğlu İsrafilov (18 oktyabr 2002; Tümen, Rusiya) — Azərbaycanı təmsil edən üzgüçü. 2020-ci ildə XVI Yay Paralimpiya Oyunlarının qalibi olub.

Vəli İsrafilov
Şəxsi məlumatlar
Tam adı Vəli Rəşadət oğlu İsrafilov
Vətəndaşlığı Azərbaycan Azərbaycan
Doğum tarixi (21 yaş)
Doğum yeri Tümen, Rusiya
İdman növü Üzgüçülük
Medallar

Paralimpiya Oyunları
Qızıl 2020 Tokio 100 m., brass, SB12
Dövlət təltifləri

1-ci dərəcəli "Vətənə xidmətə görə" ordeni

Həyatı

[redaktə | mənbəni redaktə et]

Vəli İsrafilov 2002-ci il oktyabrın 18-də Rusiyanın Tümen şəhərində anadan olub. Əslən Masallı rayonundan olan Vəli İsrafilov, 2008-ci ildən idmanla məşğul olur.

Karyerası

[redaktə | mənbəni redaktə et]

Vəli İsrafilov 2019-cu ildə London şəhərində (Birləşmiş Krallıq) baş tutan Dünya Çempionatında 100 metr məsafəyə brass üsulu ilə üzmə turnirində bürünc medala sahib oldu.

2020-ci ildə isə Vəli İsrafilov Funşal şəhərində (Portuqaliya) Avropa Çempionatında mübarizə apardı və 100 metr məsafəyə brass üsulu ilə üzmə turnirinin qalibi oldu.

Vəli İsrafilov 2021-ci ildə XVI Yay Paralimpiya Oyunlarında mübarizə apardı. Vəli İsrafilov 100 metr məsafəyə brass üsulu ilə üzmə turnirdə mübarizə apardı.[1] 8 idmançının mübarizə apardığı final mərhələsində Vəli İsrafilov 1:04.86 dəqiqə nəticə göstərdi və XVI Yay Paralimpiya Oyunlarının qalibi oldu.[1][2] Vəli İsrafilov həmdə 2016-cı ildə Belarus nümayəndəsi Vladimir İzotu tərəfindən müəyyən olunan Paralimpiya rekordunu (1:06.82) da yenilədi.[1]

Daha sonra Vəli İsrafilov 100 metr məsafəyə batterflay üsulu ilə üzmə turnirində mübarizə apardı.[3] Beş idmançının mübarizə apardığı təsnifat mərhələsində Vəli İsrafilov 1:10.58 dəqiqə nəticə göstərdi və beşini pillənin sahibi oldu.[3] Bu nəticələrə əsasən sadəcə Vəli İsrafilov final mərhələsinə vəsiqə qazana bilmədi.[3]

Azərbaycan Prezidenti İlham Əliyevin 6 sentyabr 2021-ci il tarixli Sərəncamına əsasən XVI Yay Paralimpiya Oyunlarında qazandığı nailiyyətlərə və Azərbaycan idmanında xidmətlərinə görə Vəli Rəşadət oğlu İsrafilov 1-ci dərəcəli "Vətənə xidmətə görə" ordeni ilə təltif edildi.[4]

Vəli İsrafilov 2022-ci ildə Madeyra şəhərində (Portuqaliya) baş tutan Dünya Çempionatında 100 metr məsafəyə brass üsulu ilə üzmə turnirində qızıl medala sahib oldu.

İstinadlar

[redaktə | mənbəni redaktə et]
  1. ↑ 1 2 3 Azerisport.com idman portalı. "Токио-2020: Вели Исрафилов завоевал 11-е золото Азербайджана". www.azerisport.com ( (rus.)). 01.09.2022. Archived from the original on 2022-09-26. İstifadə tarixi: 01.09.2022.
  2. ↑ Azerisport.com idman portalı. "17-й чемпион Паралимпиады". www.azerisport.com ( (rus.)). 01.09.2022. Archived from the original on 2022-09-26. İstifadə tarixi: 01.09.2022.
  3. ↑ 1 2 3 Azerisport.com idman portalı. "Токио-2020: Роман Салей выиграл третье золото". www.azerisport.com ( (rus.)). 01.09.2022. Archived from the original on 2022-08-30. İstifadə tarixi: 01.09.2022.
  4. ↑ Azərbaycan Dövlət İnformasiya Agentliyi. "Azərbaycan Milli Paralimpiya Komandasının üzvlərinin təltif edilməsi haqqında Azərbaycan Prezidenti İlham Əliyevin 6 sentyabr 2021-ci il tarixli Sərəncamı". www.azertag.az ( (az.)). 06.09.2022. 2022-08-05 tarixində arxivləşdirilib. İstifadə tarixi: 05.08.2022.