Zeynəddin Bilalov

Zeynəddin Dolqat oğlu Bilalov (26 noyabr 1965; Qusar, Azərbaycan SSR) — Azərbaycanı təmsil edən yüngül atlet. 2004 və 2008-ci illərdə baş tutan Paralimpiya Oyunlarında gümüş medallara sahib olub.

Zeynəddin Bilalov
Zeynəddin Bilalov 2008-ci il Yay Paralimpiya Oyunlarında
Şəxsi məlumatlar
Tam adı	Zeynəddin Dolqat oğlu Bilalov
Vətəndaşlığı	Azərbaycan
Doğum tarixi	26 noyabr 1965 (59 yaş)
Doğum yeri	Qusar, Azərbaycan SSR
İdman növü	Yüngül atletika
Medallar Paralimpiya Oyunları Gümüş 2004 Afina Üçtəkanla tullanma, F11 Gümüş 2008 Pekin Üçtəkanla tullanma, F11 Dövlət təltifləri 2008
Vikianbarda əlaqəli mediafayllar

Zeynəddin Bilalov 1965-ci il noyabrın 26-da Qusar şəhərində anadan olub.

2000-ci ildə Zeynəddin Bilalov Avstraliyanın Sidney şəhərində baş tutan XI Yay Paralimpiya Oyunlarında mübarizə apardı. Uzunluğa tullanma turnirində 5.42 metr nəticə ilə 8-ci pillənin sahibi olan Zeynəddin Bilalov, 100 metr məsafəyə qaçış turnirində final mərhələsinə vəsiqə qazana bilmədi.

Zeynəddin Bilalov 2003-cü il Assen şəhərində (Niderland) Avropa Çempionatının qalibi oldu.

2004-cü ilin sentyabr ayında Zeynəddin Bilalov Yunanıstannın Afina şəhərində baş tutan XII Yay Paralimpiya Oyunlarında mübarizə apardı. Zeynəddin Bilalov üçtəjanla tullanma turnirində 12.88 metr nəticə ilə gümüş medala sahibi oldu.

Azərbaycan Prezidenti İlham Əliyevin 5 fevral 2008-ci il tarixli Sərəncamına əsasən Zeynəddin Dolqat oğlu Bilalov "Tərəqqi" medalı ilə təltif edildi.^[1]

2008-ci ilin avqust ayında Zeynəddin Bilalov Çində baş tutan XIII Yay Paralimpiya Oyunlarında mübarizə apardı. Zeynəddin Bilalov üçtəjanla tullanma turnirində 12.80 metr nəticə ilə gümüş medala sahib oldu.

Azərbaycan Prezidenti İlham Əliyevin 2 fevral 2016-cı il tarixli Sərəncamına əsasən Azərbaycanın Milli Paralimpiya Komitəsinin yaradılmasının 20 illiyi münasibətilə Zeynəddin Dolqat oğlu Bilalov Azərbaycan Prezidentinin fəxri diplom ilə təltif edildi.^[2]