Şahanə Hacıyeva

Şəhanə İbadət qızı Hacıyeva (6 iyul 2000; Sumqayıt, Azərbaycan) — Azərbaycanı təmsil edən cüdoçu. 2020-ci ildə XVI Yay Paralimpiya Oyunlarının qalibi olub.

Şəhanə Hacıyeva
Şəxsi məlumatlar
Tam adı Şəhanə İbadət qızı Hacıyeva
Vətəndaşlığı Azərbaycan Azərbaycan
Doğum tarixi (24 yaş)
Doğum yeri Sumqayıt, Azərbaycan
İdman növü Cüdo
Məşqçisi Fərid Ağakişiyev
Medallar
Vikianbarın loqosu Vikianbarda əlaqəli mediafayllar

Həyatı

[redaktə | mənbəni redaktə et]

Şəhanə Hacıyeva 2000-ci il iyulun 6-da Sumqayıt şəhərində anadan olub. Şəhanə Hacıyevanın əslən Cəbrayıl rayonunun Soltanlı qəsəbəsindəndir. Hacıyevlər ailəsi Birinci Qarabağ müharibəsi zamanı 1993-cü ilin avqustunda Cəbrayıldan Sumqayıta gəliblər. Məşqçisi Fərid Ağakişiyevdir.

Karyerası

[redaktə | mənbəni redaktə et]

Şəhanə Hacıyeva 2015-ci ildə Antalya şəhərində beynəlxalq turnirin, Sofiya şəhərində isə gənclər arasında Avropa Çempionatının qalibi oldu. 2016-cı ildə də bir sıra beynəlxalq turnirlərdə uğurlar qazanan Şəhanə Hacıyeva, 2018-ci ildən paracüdoda mübarizə aparmağa başladı.

Şəhanə Hacıyeva 2018-ci ildə Odivelaş şəhərində (Portuqaliya) baş tutan Dünya Çempionatının final görüşündə məğlub oldu və gümüş medala sahib oldu. Komanda turnirində isə Şəhanə Hacıyeva bürünc medalın sahibi oldu.

2019-cu ildə baş tutan Qran-Pri turnirin həlledici görüşündə 2016-cı il Rio-de-Janeyro Paralimpiadasının qalibi olan Çin nümayəndəsi Li Lisini ipponla məğlub elədi və turnirin qalibi oldu.

2021-ci ilin may ayında baş tutan Qran-Pri turnirində bürünc medala sahib olan Şəhanə Hacıyeva, il ərzində beynəlxalq turnirlərdə topladığı reytinq xalları hesabına Paralimpiya Oyunlarına vəsiqə qazandı.[1]

XVI Yay Paralimpiya Oyunlarının qızıl medalına sahib olan zaman

Şəhanə Hacıyeva XVI Yay Paralimpiya Oyunlarında avqustun 27-də mübarizə apardı.[2] 1/4 final mərhələsi çərçivəsində onun rəqibi Yaponiya nümayəndəsi Şizuha Hangai oldu. Həmin görüşdə Şəhanə Hacıyeva rəqibinə ipponla qalib gəldi və yarım-final mərhələsinə adladı.[2] Bu mərhələdə Şəhanə Hacıyeva ardıcıl üç Paralimpiadanın bürünc medallarına sahib olan Rusiya Milli Paralimpiya Komitəsinin nümayəndəsi Victoriya Potapova ilə üz-üzə gəldi.[2] Təcrübəli rəqibi ilə görüşdə 21 yaşlı Şəhanə Hacıyeva ipponla qələbə qazandı və Paralimpiadanın final görüşünə vəsiqə qazandı.[2] Həlledici görüşdə onun rəqibi 2016-cı il Rio-de-Janeyro Paralimpiadasının qalibi, Dünya və Avropa Çempionatlarının qızıl medalçısı olan Fransa təmsilçisi Sandrine Martinet oldu.[2] Gərgin idman mübarizəsi şəraitində baş tutan görüşün əvvəlində Şəhanə Hacıyeva vaza-ari balı qazansa da, görüşün sonuna beş saniyə qala rəqibi də vaza-ari balı qazandı və görüşün əsas vaxtında qalib müəyyənləşmədi.[2] Qızıl bal uğrunda hissənin 40-cı saniyəsində Şəhanə Hacıyeva titullu rəqibinə ipponla qalib gəldi və XVI Yay Paralimpiya Oyunlarının qalibi oldu.[2][3][4] Şahanə Hacıyeva final görüşündən sonra müsahibəsində bunları bildirdi: "bu gənc yaşımda Paralimpiya Oyunlarının çempionu olduğum üçün şadam. Mən bu qələbəmi müəllimlərimə, valideynlərimə və şəhidlərimizə həsr edirəm".[5]

Azərbaycan Prezidenti İlham Əliyevin 6 sentyabr 2021-ci il tarixli Sərəncamına əsasən XVI Yay Paralimpiya Oyunlarında qazandığı nailiyyətlərə və Azərbaycan idmanında xidmətlərinə görə Şəhanə İbadət qızı Hacıyeva 1-ci dərəcəli "Vətənə xidmətə görə" ordeni ilə təltif edildi.[6]

İstinadlar

[redaktə | mənbəni redaktə et]
  1. ↑ Azerisport.com idman portalı. "11 дзюдоистов завоевали лицензии на Паралимпиаду-2020". www.azerisport.com ( (rus.)). 01.09.2022. Archived from the original on 2022-09-22. İstifadə tarixi: 01.09.2022.
  2. ↑ 1 2 3 4 5 6 7 Azerisport.com idman portalı. "Токио-2020: Шахана Гаджиева и Вугар Ширинли стали чемпионами Паралимпиады". www.azerisport.com ( (rus.)). 01.09.2022. Archived from the original on 2022-09-22. İstifadə tarixi: 01.09.2022.
  3. ↑ Azerisport.com idman portalı. "Азербайджанский хет-трик в Токио". www.azerisport.com ( (rus.)). 01.09.2022. 2022-08-30 tarixində arxivləşdirilib. İstifadə tarixi: 01.09.2022.
  4. ↑ Azerisport.com idman portalı. "У Азербайджана 10 чемпионов Паралимпиад". www.azerisport.com ( (rus.)). 01.09.2022. Archived from the original on 2022-09-22. İstifadə tarixi: 01.09.2022.
  5. ↑ Azerisport.com idman portalı. "Шахана Гаджиева – о первом золоте Азербайджана в Токио". www.azerisport.com ( (rus.)). 01.09.2022. Archived from the original on 2022-09-22. İstifadə tarixi: 01.09.2022.
  6. ↑ Azərbaycan Dövlət İnformasiya Agentliyi. "Azərbaycan Milli Paralimpiya Komandasının üzvlərinin təltif edilməsi haqqında Azərbaycan Prezidenti İlham Əliyevin 6 sentyabr 2021-ci il tarixli Sərəncamı". www.azertag.az ( (az.)). 06.09.2022. 2022-08-05 tarixində arxivləşdirilib. İstifadə tarixi: 05.08.2022.