KİFAYƏTLƏNMƏK [Firəngiz:] Mən əgər məlumatla kifayətlənsəydim, İş-gücün bu vaxtında, bu qədər dolama yolda maşın çapmazdım (B.Bayramov); İKTİFA ETMƏK Rüstəm bəy: Hər ağ şara bir manat istəməyə haqqım var, onu dedim ki, hesabım itirmişəm, ona görə 80 manat iktifa edirəm (S.S.Axundov); QANE OLMAQ Leytenant xəyalında kapitanı dinləyir, onun dəlil və sübutları ilə qane olmayaraq ürəyində kəskinliklə danışırdı (Ə.Əbülhəsən); QƏNAƏTLƏNMƏK Atabəy bu məktubla da qənaətlənmədi (M.S.Ordubadi).