ƏMMAMƏ (ruhanilərin başlarına sarıdıqları sarğı, çalma) Seyid tərlədiyindən onun əmmaməsini başqa birisi əlində saxlamışdı (M.S.Ordubadi); ÇALMA “Bir ağ fil; bir de çalması ağ”; qoca hindli surətində (R.Rza); DƏSTAR (köhn.) Qafqazda nə müsəlman dəxi muxtar olacaqdır; Başında nə dəstar, nə əfsar olacaqdır (Ə.Nəzmi); SARIQ Vur sazı döşünə, ey aşıq! Qalmamış nə aba, nə qəba, nə sarıq (M.Müşfiq).
Əmmamə
Çalma və ya türban – Şimali Afrika, Ərəbistan yarımadası, Hindistan və Asiyanın bəzi digər bölgələrində geniş yayılmış kişi baş örtüyü. Onun hazırlanması üçün 6-8 metr parça lazımdır. Bəzi növlərinin hazırlanması üçün 20 metrədək parçadan istifadə edilir.
Adətən, fəs, yaxud araqçının üstündən dolayırdılar. Tipik İran geyimi olan türban hələ e.ə. 6—5 əsrlərdə Midiyada geniş yayılmışdı.
Çalmanı başa bağlanmış yaylıq, fəs və ya araxçına sarıyırlar. Bəzi regionlarda çalma başda xüsusi sancaqlarla bərkidilir.