Təəccüblü iş görəndə matım-qutum qurudu işlədilir. Mat hissəsi ərəb, qut hissəsi türk mənşəlidir, sinonim sözlərdən əmələ gəlib, ümumi məna belədir: “sevincim, xoşbəxtliyim qurtardı”. Qurtuluş sözü də qut kəlməsindən əmələ gəlib. Sözün əsli qut olmaq kimidir, sonra qurtulmaq, nəhayət, qutulmaq şəklini kəsb edib. Mat (bu, farscadır) qalmaq ifadəsi də var, “təəccüblənmək” anlamını verir. (Bəşir Əhmədov. Etimologiya lüğəti)