NAQQAL [Attal:] Susdur bu naqqalı (A.Şaiq); AĞZIGÖYÇƏK (dan.) İldırım: Hansı ağzıgöyçəklər döl vaxtı mənim yanımda olub ki? (Ə.Vəliyev); AĞZIQƏŞƏNG (dan.) Bir para ağzıqəşənglər başlayıblar qəzetlərində yazmağa ki, gərək övrətlər oxusunlar, tərbiyə tapsınlar... cəmiyyət tərtib eləsinlər (C.Məmmədquluzadə); BOŞBOĞAZ Səlim bəy: Də kimlər gizlədir o boşboğazı (S.Rüstəm); ÇƏRƏNÇİ Gülcamal: Doğrudan da nə pis olurmuş arvadın çərənçisi (M.İbrahimov); ÇOXDANIŞAN Rüstəm: Ə, bu arvad nə çoxdanışandır! (Ə.Vəliyev); DANIŞQAN Zəhra: Kişinin danışqanı ilə xırdaçısı arvadını tez vərəmlədib öldürər... (Ə.Vəliyev); FÜZUL Sən qulaq as, əzizim, olma füzul (S.Ə.Şirvani); GƏVƏZƏ Sən demə bu yanşaq gəvəzənin biri imiş (“Koroğlu”); HƏRZƏ Kapitan hərzə adamlara məxsus bir əda ilə gülümsədi (A.Makulu); HƏRZƏGU Vaxta firibinə hərzəguların; Aralıq vurmaqdı işi buların (Q.Zakir); HƏRZƏKAR Gecələr şairlə fəxr eləyir; Hərzəkarın birilə fəxr eləyir (S.Rüstəm); NAĞILÇI Məşədi Rüstəm: Sən nə nağılçı kişisən (R.Əfəndiyev); UZUNÇU Nəsirov: Canım, sən uzunçu adamsan? (S.Rəhman); YANŞAQ (dan.) Bənövşə: Yadında saxla, sənin kimi ağzını boşuna qoyan adamlara yanşaq deyərlər (M.İbrahimov); ZƏVZƏK Bütün dəlləklər kimi, bu dəllək də çox zəvzək idi, lakin hələ danışmırdı, söz torbasını açmağa bir bəhanə axtarırdı (Çəmənzəminli); AĞZIBOŞ, ƏNGİBOŞ (dan.), HƏRZƏÇƏNƏ, OZAN (məc.), UZUNDANIŞAN.