Klassik Xalq Cəbhəsi Partiyası

Hələ Əbülfəz Elçibəyin sədrliyi dövründən AXCP daxilində "İslahatçılar" ("Yurdçular", "Əli Kərimovçular") və "Klassiklər" ("Mühafizəkarlar", "Elçibəyçilər") adları ilə tanınan iki qanad mövcud idi. "İslahatçılar" əsasən liberal (liberalizm tərəfdarı), "Klassiklər" isə millətçi (radikal) qanad kimi tanınırdılar. Güney Azərbaycan məsələsinə münasibətdə də qanadlar arasında kəskin fikir ayrılığı özünü göstərirdi.[2]

Klassik Xalq Cəbhəsi Partiyası
Loqonun şəkli
Sədri Mirmahmud Mirəlioğlu
Qurucu Mirmahmud Mirəlioğlu
Quruluş tarixi 2006
Qeydiyyat tarixi 31 yanvar 2007
Sələfi Azərbaycan Xalq Cəbhəsi Partiyası
Üzv sayı 5 mindən çox[1] (2023)
Bələdiyyədə
0 / 15.156
Milli Məclisdə
0 / 125
Ali Məclisdə
0 / 45
Saytı kxcp.org

Tarixi[redaktə | mənbəni redaktə et]

Qanadlar arasnda ziddiyyətlər partiyanın həm yerli, həm də mərkəzi strukturlarında özününü göstərirdi. Tərəflər arasında qarşıdurma bəzən əlbəyaxa dava həddinə də çatırdı. Əbülfəz Elçibəyin vəfatından (22.08.2000) sonra AXCP faktiki olaraq iki yerə parçalandı. "İslahatçılar"ın lideri AXCP sədrinin birinci müavini Əli Kərimli, "Klassiklər"in lideri isə AXCP sədrinin təşkilati məsələlər üzrə müavini Mirmahmud Mirəlioğlu idi. Hər iki qanad AXCP adına iddialı idi. Partiyanın möhürü isə "İslahatçılar"ın əlində idi.

İlk qurultayı 28–29 oktyabr 2000-ci il tarixində "Klassiklər" keçirdi. Qurultayda Mirmahmud Mirəlioğlu AXCP sədri seçildi. Müsavat partiyası və bir çöx partiyalar "Klassiklər"i AXCP kimi tanıdı. Bundan bir müddət sonra – 2000-ci ilin axırlarında "İslahatçılar" da qurultay keçirdi. Qurultayda Əli Kərimli AXCP sədri seçildi. AMİP və bir çöx partiyalar "İslahatçılar"ı AXCP kimi tanıdı. Ədliyyə Nazirliyi isə məhz "İslahatçılar"ı qanuni AXCP kimi tanıdı.

"Klassiklər" qanadı 2006-cı ilədək "AXCP" adı ilə fəaliyyət göstərdi. Həmin ilin mart ayında "Klassiklər" qanadının bazasında Klassik Xalq Cəbhəsi Partiyası (KXCP) təsis edildi və Mirmahmud Mirəlioğlu KXCP sədri seçildi. 31 yanvar 2007-ci ildə isə KXCP rəsmi dövlət qeydiyyatına alındı.

Birləşmə[redaktə | mənbəni redaktə et]

2015-ci ildə Klassik Xalq Cəbhəsi Partiyası ilə Azərbaycan Xalq Partiyası arasında birləşmə haqqında ilkin razılaşma əldə edildi, lakin daha sonra birləşmə gerçəkləşdirilmədi.[3]

Rəmzləri[redaktə | mənbəni redaktə et]

KXCP-nin emblemi böyük hərflərlə "KHC" (Klassik Halk Cebhesi) yazılmış kompozisiyadan ibarətdir. Partiyanın Təşkilat şöbəsinin müdiri Xəzər Teyyublu bildirir ki, onlar bu simvolu KXCP dövlət qeydiyyatına alınandan sonra — 2006-cı ildə müəyyənləşdiriblər. Əslində, bu simvol AXC-nin simvoluna uyğunlaşdırıb. X. Teyyublu bildirir ki, "KHC" sözünü "AHC" kimi də oxumaq mümkündür. Partiyanın bayrağı ağ fonda KHC yazılmış simvoldan ibarətdir. Ağ fon isə sülh və təmizliyin rəmzi kimi seçilib[4].

Partiya qərargahı[redaktə | mənbəni redaktə et]

Klassik Xalq Cəbhəsi Partiyasının qərargah problemi yoxdur və bu məsələdə partiya heç kimdən asılı deyil. Partiyanın rəhbərliyi təşəbbüs göstərərək üzvlərdən toplanmış ianələr hesabına Ağa Nemətulla 18 ünvanında yerləşən beşmərtəbəli binanın birinci mərtəbəsində yerləşən ofisi alıb. Hazırda ofis fiziki şəxsə məxsusdur və partiya burada yalnız kommunal xərcləri ödəyir[5].

Seçkilərdə[redaktə | mənbəni redaktə et]

Parlament seçkiləri[redaktə | mənbəni redaktə et]

Seçki Sədr Majoritar
Səs % Mandat
2010
Mirmahmud Mirəlioğlu
 31 317 1.31
0 / 125
2015 11 671 0.41
0 / 125
2020
0 / 125

Bələdiyyə seçkiləri[redaktə | mənbəni redaktə et]

Seçki Sədr Səs Yer
# % ±
2009[6] Mirmahmud Mirəlioğlu
2 / 15.591
2014
2019

İstinadlar[redaktə | mənbəni redaktə et]

  1. ↑ modern.az. "Ədliyyə Nazirliyi daha iki partiyanı qeydə aldı - SİYAHI". modern.az (az.). İstifadə tarixi: 2023-09-11.
  2. ↑ "Arif Rəhimoğlu, Sosiologiyada partiyadaxili qruplaşmalar. E-kitab variantı – 2016" (PDF). 2022-07-11 tarixində arxivləşdirilib (PDF). İstifadə tarixi: 2021-10-15.
  3. ↑ "İki siyasi partiya birləşir". 2023-04-08 tarixində arxivləşdirilib. İstifadə tarixi: 2020-07-12.
  4. ↑ "Partiyaların simvolları – ARAŞDIRMA". 2009-12-08 tarixində orijinalından arxivləşdirilib. İstifadə tarixi: 2009-12-05.
  5. ↑ "Partiyalarımız hara sığınır?". 2010-02-06 tarixində orijinalından arxivləşdirilib. İstifadə tarixi: 2010-02-04.
  6. ↑ "Siyahıya YAP liderlik edir". 2021-11-14 tarixində arxivləşdirilib. İstifadə tarixi: 2023-04-26.

Xarici keçidlər[redaktə | mənbəni redaktə et]