Azərbaycanda parlament seçkiləri (2015)

Bu məqalənin sonunda mənbə siyahısı var, lakin mətndaxili mənbələr heç və ya kifayət qədər istifadə edilmədiyi üçün bəzi məlumatların mənbəsi bilinmir. Lütfən, mənbələri uyğun şəkildə mətnin daxilində yerləşdirərək məqalənin təkmilləşdirilməsinə kömək edin.

Azərbaycan Respublikasının Milli Məclisinə V çağırış seçkiləri — 1 noyabr 2015-ci ildə Azərbaycanın 125 Seçki dairəsi üzrə keçirilmiş parlament seçkiləridir. Seçkidə seçicilərin 55,7%-i (2,897,188 nəfər) iştirak edib. Seçkilərin nəticələrinə əsasən İlham Əliyevin sədri olduğu Yeni Azərbaycan Partiyası əksər seçki dairələrində qalib gələrək seçkilərdə qələbə qazandı .

← 2010   2020 →
Azərbaycanda parlament seçkiləri (2015)
1 noyabr 2015
Seçici fəallığı	55.70%
Rəhbər	İlham Əliyev	Sabir Rüstəmxanlı	Fəzail Ağamalı
Partiya	Yeni Azərbaycan Partiyası	Vətəndaş Həmrəyliyi Partiyası	Ana Vətən Partiyası
Tutulan yerlər	71	2	1
Səslər	1 340 770 (47.20 %)	37 561 (1.32%)	28 483 (1.00%)
Dəyişən yerlərin sayı	▬	▼ 1	▼ 1
Əvvəlki yerlərin sayı
Rəhbər	Asim Mollazadə	Elşən Musayev	Araz Əlizadə
Partiya	Azərbaycan Demokratik İslahatlar Siyasi Partiyası	Azərbaycan Demokratik Maarifçilik Partiyası	Azərbaycan Sosial Demokrat Partiyası
Tutulan yerlər	1	1	1
Səslər	21 044 (0.74 %)	13 279 (0.47%)	11 288 (0.40%)
Dəyişən yerlərin sayı	▬	▲ 1	▲ 1
Əvvəlki yerlərin sayı
Rəhbər	Xanhüseyn Kazımlı	Qüdrət Həsənquliyev	Fazil Mustafa
Partiya	Azərbaycan Sosial Rifah Partiyası	Bütöv Azərbaycan Xalq Cəbhəsi Partiyası	Böyük Quruluş Partiyası
Tutulan yerlər	1	1	1
Səslər	22 003 (0.77%)	42 459 (1.49%)	34 156 (1.20%)
Dəyişən yerlərin sayı	▬	▬	▬
Əvvəlki yerlərin sayı
Nəticə	Yeni Azərbaycan Partiyası 71 deputatla birinci partiya olaraq konstitusional çoxluğu əldə etdi. 1 seçki dairəsi üzrə təkrar seçkilər keçirildi.

2010-cu ildə Milli Məclisə keçirilmiş son seçkilərdə Yeni Azərbaycan Partiyası 72 dairədə daha çox səs toplayaraq qalib gəlmişdir. 41 dairədə bitərəf namizədlər, 12 seçki dairəsində isə digər partiya nümayəndələri qalib olmuşdur. 2013-cü il prezident seçkilərində İlham Əliyev qələbə qazanmışdır.

1. Azərbaycan Xalq Partiyası, Azadlıq Partiyası, Klassik Xalq Cəbhəsi Partiyası, Aydınlar Partiyası, Azad Demokratlar Partiyası, Böyük Azərbaycan Partiyası, Vətəndaş və İnkişaf Partiyası, Azərbaycan Liberal Demokrat Partiyası tərəfindən Azadlıq-2015 Seçki Bloku təsis olundu.

Saat 08:00-da başlayan seçkilər saat 19:00-da başa çatıb. Seçkilərdə 15 siyasi partiya və daha 7 partiyadan ibarət olan bir seçki bloku iştirak edib. Ümumilikdə 125 mandat üzrə 767 namizəd mübarizə aparıb.

Saat 17:00-a olan məlumata əsasən, Milli Məclisə seçkilərdə 2 605 948 seçici (seçici fəallığı 50,1 faiz) səs verib.

Seçkiləri 40 təşkilatdan 503 beynəlxalq və 66 mindən çox yerli müşahidəçi izləyib. Seçkilərdə "ELS" Müstəqil Araşdırmalar Mərkəzi, "RƏY" Monitorinq Mərkəzi, o cümlədən Azərbaycan Gənclərinin Hüquqlarının Müdafiə Mərkəzi Fransanın "Opinion Way" Sosioloji Tədqiqatlar İnstitutu ilə birgə, Vətəndaşların Əmək Hüquqlarını Müdafiə Liqası ABŞ-nin "AJF&Associates İnc." təşkilatı ilə birgə "exit-poll" keçirib. Bütün exit-poll nəticələri YAP-ın qələbəsini qeyd edib.

Seçkilərdə müşahidə üçün 119 seçki dairəsi üzrə 1000 seçki məntəqəsində veb-kameralar quraşdırılıb. Noyabrın 1-də Azərbaycanda keçirilən parlament seçkilərinin respublika üzrə saat 19:00-a olan seçici fəallığı ilə bağlı yekun məlumat açıqlanıb.

Mərkəzi Seçki Komissiyasının "Seçkilər" İnformasiya Mərkəzinin direktoru Rüfət Gülməmmədov məlumat verib ki, ölkə üzrə ümumilikdə seçicilərin 2 milyon 897 min 188-i səsvermədə iştirak edib. Bu isə 55,7 faiz seçici fəallığı deməkdir.